प्रेरित 26:24 - डोटेली नयाँ करार

²⁴ पावलले आफ बाँच्चाइ यिन कुरणी बोल्ला बोल्लाइ ठुला हाकिम फेस्तसले जोरले भण्यो, “ए पावल, तु बौलिया हइ, तेरा भौत ज्ञानले तुलाइ बौलारि बनाइराइछ।”

डोटेलि

²⁴ पावलले भुण्‍या कुरा सुनिबर फेस्‍तसले कला हालिबर भुन्‍यो, “पावल तु बउलिया हइ, तेरा ग्‍यानले तुलाइ बउला बनाया हो।”

प्रेरित 26:24 ပူးပေါင်းရင်းမြစ်များ

मर्कुस 3:21

जब येशूका परिबारले यो सुण्यो, तब उनले भण्यो, “उनरो मन ठेगानमि आथिन।” तब उनलाइ घर ल्याउनाइ कोशिस अर्यो।

यूहन्नाले लेख्या सुसमाचार 7:15

यहुदिन अचम्म माण्नाइ यिसो भण्न पस्या, “केइ नपडेइ यिनले कसेरी इति बिद्या पायो?”

यूहन्नाले लेख्या सुसमाचार 8:48

तब यहुदि मान्सनका अगुवानले जबाफ दिबर येशूलाइ भण्यो, “हामले भण्या ठीक हो, तु सामरि मान्स हइ, रे तुलाइ एक भूत लाग्या छ।”

यूहन्नाले लेख्या सुसमाचार 8:52

तब यहुदि अगुवानले येशूलाइ भण्यो, “आब हामलाइ था भयो कि तमलाइ भूतइ लाग्या छ। अब्राहाम रे अगमबक्तान लगइ मर्या तर तम भणन्छौ कसइले मेरो बचन पालन अरन्छ भण्या उ कभइ मद्द्या आथिन।

प्रेरित 17:32

जब तिननले मर्या बठेइ जिउना हुन्या बारेमि सुण्यो, तब कसइ-कसइले खिसि काट्यो। तर औरले हाम आजी यइ कुरणी सुण्नाउ भण्यो।

प्रेरित 22:1

भाइन रे बा हो, तमरा अगाडी मइले आफना बारेमि भण्नु पड्या कुरणी आब सुण।

प्रेरित 24:25

जब पावलले जो परमेश्वरका अगाडी सहि छ, रे आफ्ना इच्छालाइ रोकबर रे परमेश्वर बठेइ आउन्या न्यायको बारेमि बताउन सुरु अर्यो, तब ठुला हाकिम फेलिक्स डराइबर यिसो भण्यो, “अइल तु जा, जब मसित समय होलो तब म आफइ तुलाइ बोलाउलो।”

प्रेरित 24:27

तर दुइ बर्ष पछा जब हाकिम फेलिक्सको बदलामि अर्खा ठुला हाकिम पर्किअस फेस्तस आयो, तब ठुला हाकिम फेलिक्सले यहुदिलाइ खुशी राख्दाइ निउति पावललाइ नछाडीबर आजी झेलमि राखिबर गयो।

प्रेरित 26:11

पइ सब यहुदि सभाघरमी तिननलाइ बेर बेरि सजाय दिइबर तिनरो बिश्वास छुटाउन्या रे तिननलाइ येशूको निन्दा अद्द्या बनाउनाइ कोशिस अर्याथ्या। तिनरा बिरोधमी रिसले मात्तिबर और सहरमि लगइ मइले तिननलाइ सताया।”

१ कोरिन्थी 1:23

तर हाम प्रचार अददाउ कि ख्रीष्ट हामरा पाप बठेइ छुटकारा दिनइ क्रुसमि मर्या। जो यहुदि मान्सनका निउति बाधा रे गैर-यहुदि मान्सनकि निउति मुर्खता हो।

१ कोरिन्थी 4:10

हामले ख्रीष्टका बारेमि प्रचार अर्या हुनाले मान्सनले हामलाइ मुर्ख माणन्नाहान, तर तमन गल्तिले इसो सोचन्छौ कि ख्रीष्टमी तमन बुद्दिमान छौ! भौत मान्सनले हामसित अधिकार नभया सोच्चाहान। तर तमन घमण्डसित भणन्छौ, कि तमनसित परमेश्वरले दियाको सक्ति छ। मान्सनले हामरो आदर अद्दइन, तर तमरो आदर अददाहान।

२ कोरिन्थी 5:13

यदि हामरो होस ठेगानमि आथिन भणि कसइले भणन्छ भण्या यो परमेश्वरकि निउति हो, रे यदि हाम ठीक होसमि छौ भणि और मान्सले भणन्छ भण्या यो तमरा निउति हो।

२ तिमोथी 3:15

बाल्यकाल बठेइ तुलाइ पबित्र सास्त्र पुरा था छ जइले तुलाइ यो बुज्जाइ सहयोग अरन्छ कि परमेश्वरले तुलाइ बचाउन छ क्याकि तुइले येशू ख्रीष्टमी बिश्वास अर्या छइ।