प्रेरित 25:8 - डोटेली नयाँ करार

⁸ पावलले आफना पक्षमि बोलिबर भण्यो, “मइले यहुदि मान्सनका कानुनको बिरोधमी, मन्दिरका बिरोधमी, रे सम्राटका बिरोधमी केइ अपराध अर्या आथिन।”

डोटेलि

⁸ पावलले तिनुनलाइ भुन्‍यो, “मुइले यहुदिनका ब्‍यबस्‍थाका बिरुद्‍दमि, मन्‍धिरका बिरुद्‍दमि रे रोमि माहाराजा कइसरका बिरुद्‍दमि केइ अपराध अर्‍या आथिन्‌।”

प्रेरित 25:8 ပူးပေါင်းရင်းမြစ်များ

प्रेरित 23:1

पावलले यहुदि महासभा तिर एकहोरो होइबर तक्यो, रे भण्यो, “भाइन हो, आजका दिन सम्म परमेश्वरका नजरमि मइले सुद्द बिबेकले जीवन बिताइराइछु।”

प्रेरित 24:12

यिननले न त मलाइ मन्दिरमि, न त यहुदि सभाघरमी कसइ मान्ससित वाद-बिबाद अद्दारया अथवा न त सहरमि काइ मान्सनलाइ उर्याउन्नारया भेट्यो,

प्रेरित 24:14

तर यो म हजुरकाइ अगाडी स्वीकार अद्दउ कि, म ख्रीष्टको उद्दारका बाटालाइ पछ्याइबर आफ्ना पुर्खाका परमेश्वरलाइ आराधना अद्दाछु, जइलाइ यहुदि अगुवानले झुटो बाटो हो भण्न्नाछन, तर म अगमबक्ताका किताबमी लेखिया सब कुरणी रे मोशाका कानुनमी बिश्वास अद्दउ।

प्रेरित 24:6

यइले मन्दिरलाइ अपबित्र बनाउन्या लगइ कोशिस अर्याथ्यो, तर यइलाइ हामले पकड्या। हामरो यहुदि कानुन अन्सार हाम उइलाइ दण्ड दिन चाहानथ्या।

प्रेरित 25:10

तर पावलले भण्यो, “म सम्राटको न्याय अद्द्या ठाउँका अगाडी कल्लीरइछु, ठीक ताँ छु जाँ एक रोम सहरको मान्सका रुपमि मेरो न्याय हुनु पणन्छ। यहुदि मान्सनलाइ मइले केइ खराब अर्या आथिन, त्यो हजूरलाइ नीकेरि थाइछ।

प्रेरित 28:17

तीन दिन पछा पावलले यहुदि मान्सनका ताँइका अगुवानलाइ बोलाउन पठायो। तिनन जमा भया पछा पावलले तिननलाइ भण्यो, “भाइन हो, मइले त आफना देशका मान्सन रे पिता-पुर्खाको रितका बिरोधमी केइ काम अर्या थेइन। पइलगइ पकोडीबर यरुशलेम सहर बठेइ रोम सहरका सरकारका हातमि मलाइ दियो।

प्रेरित 28:21

तिननले पावललाइ भण्यो, “हामले त तमरा बारेमि यहुदिया प्रदेशका मान्सन बठेइ केइ चिठ्ठी पाया आथिन। कोइ बिश्वासि भाइनले आइबर तमरा बिरोधमी केइ ननिकि कुरणी सुण्या अथवा बोल्या आथिन।

२ कोरिन्थी 1:12

हाम गर्व अद्दाउ कि हामरो बिबेक स्पष्ट छ। संसारमी रे बिसेस अरिबर तमन सितको हामरो सम्बन्धमि हाम परमेश्वर बठेइ आया पबित्रता रे सत्यतामि चल्याछौ, यो संसारिक बुद्दिले होइन तर परमेश्वरको अनुग्रह बठेइ हो।