प्रेरित 25:1 - डोटेली नयाँ करार

¹ फेस्तस हाकिमका रुपमि यहुदिया प्रदेशमि आया, रे तीन दिन पछा उन कैसरिया सहर बठेइ यरुशलेम सहरमि गया।

डोटेलि

¹ बडा-हाकिम फेस्‍तस आफना प्रान्‍तमि आया तिन दिनपाछा कइसरिया सहरबटहइ यरुसलेममि गया।

प्रेरित 25:1 ပူးပေါင်းရင်းမြစ်များ

प्रेरित 18:22

जब पावल कैसरिया सहरमि उतर्या तब मल्तिर उकलिबर यरुशलेम सहरका मण्डलिलाइ भेटघाट अर्यो रे अबिबादन अरिबर एन्टिओखिया सहरमि गया।

प्रेरित 21:15

केइ दिन पछा आफ्ना सामान तयार अरिबर हाम यरुशलेम सहरतिर गया।

प्रेरित 23:34

ठुला हाकिमले चिठ्ठी पडीसक्या पछा पावललाइ सोध्यो, “तेरो घर काँ हो? रे कइ प्रदेसमि पणन्छ?” पावलले भण्यो, “किलिकिया प्रदेसमि पणन्छ, हजुर।”

प्रेरित 24:27

तर दुइ बर्ष पछा जब हाकिम फेलिक्सको बदलामि अर्खा ठुला हाकिम पर्किअस फेस्तस आयो, तब ठुला हाकिम फेलिक्सले यहुदिलाइ खुशी राख्दाइ निउति पावललाइ नछाडीबर आजी झेलमि राखिबर गयो।

प्रेरित 25:13

केइ दिन पछा ठुला हाकिम फेस्तसलाइ स्वागत अद्दाइ राजा अग्रिपास रे नानि बैनि बरनिकिलाइ आफसित लेइबर कैसरिया सहरमि आया।

प्रेरित 25:4

ठुला हाकिम फेस्तसले जबाफ दियो, “पावललाइ कैसरिया सहरका झेलमि राखिया छ, मइले लगइ छिटाइ जान्या मन अर्या छु भण्यो।”

प्रेरित 25:5

उइले आजी भण्यो, “तबइकिलाइ तमनमि हइ अगुवान ताँ मसित जाउन, रे तइ मान्समि केइ खराबी छ भण्या तइलाइ दोस लाउन।”

प्रेरित 25:6

ठुला हाकिम फेस्तस यरुशलेम सहरमि आठ-दस दिन बस्या पछा उन कैसरिया सहर फर्किया, रे भोलिबार न्याय अद्द्या ठाउँमि बसिबर उनले पावललाइ ल्याउन्या आज्ञा दियो।

प्रेरित 8:40

वाँ फिलिपले आफलाइ अश्‍दोद सहरमि पायो, तिन कैसरिया सहर नपुगन्ज्या सम्म सहर-सहर बठेइ सुसमाचार प्रचार अद्दाइ गया।