प्रेरित 22:30 - डोटेली नयाँ करार

³⁰ यहुदि मान्सनले पावललाइ क्याइ दोस लाया हुन, त्यो कुरणी रोम सहरका सेनापति बुज्ज चाहान्थ्या। तबइकिलाइ भोलिबार उनले मुख्य पुजारिन रे यहुदि महासभाका सब मान्सनलाइ बोल्याउन्या आज्ञा अर्यो, पइ पावललाइ लेइबर तिनरा अगाडी कल्यायो।

डोटेलि

³⁰ यहुदिनले पावललाइ क्‍याकि दोस लाया हुन्‌, त्‍यो कुरा सेनापति बुज्‍ज चाहान्‍थ्‍या, तसो भयाहुनाले भोलिबार उनुले मुख्‍य पुजारि रे माहासभाका सप्‍पइ सदस्‍यानलाइ बोलाइबर सभा अद्‌द्‌या आग्‍या दियो रे पावललाइ लयइबर सप्‍पइका अगाडि कलेयो।

प्रेरित 22:30 ပူးပေါင်းရင်းမြစ်များ

मत्ती 10:17

मान्सन धेकि होस अर्या, क्याकि मान्सन तमलाइ पकड्या हुन रे चौकि लैजान्या हुन, रे तिनरा यहुदि सभाघरमी तमनलाइ कोर्रा लाउन्या हुन।

मत्ती 27:2

तिननले येशूलाइ बादिबर लैया रे पिलातस हाकिमको राज महलमि न्याय अद्दाइलाइ लैया।

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

प्रेरित 21:11

उनले पावलको पेटी लेइबर आफना हात रे खुट्टा बादिबर भण्यो, “पबित्र आत्मा यिसो भण्नाहान, ‘यरुशलेम सहरमि गइबर यहुदि मान्सनले यो पेटिको मालिकलाइ यिसेरी बाद्या हुन रे गैर-यहुदि जातिका हातमि दिन्या हुन।’”

प्रेरित 21:33

रोमी सेनापति नजिकै आइबर पावललाइ पकड्यो रे उनलाइ दुइ साङलाले बाद भणि आज्ञा दियो। पइ मान्सनलाइ सोध्यो, “यो को हो? रे यइले कि अर्याछ?”

प्रेरित 22:5

यहुदि प्रधान पुजारि रे सभामी भया जम्माइ यहुदि मान्सनका अगुवा लगइ मेरा पक्षमि गवाही दिन सक्दाहान। उननले मलाइ दमस्कस सहरमि भया यहुदि भाइनको नाउँमि चिठ्ठी दियो, रे तइ चिठ्ठीमि मलाइ प्रभु येशूमि बिश्वास अद्द्या मान्सनलाइ पकड्या अधिकार मिल्याथ्यो, तबइकिलाइ तिननलाइ बादिबर यरुशलेम सहरमि सजाय दिन्या उद्देश्यले दमस्कस गाउँमी जान्नाथ्या।”

प्रेरित 23:1

पावलले यहुदि महासभा तिर एकहोरो होइबर तक्यो, रे भण्यो, “भाइन हो, आजका दिन सम्म परमेश्वरका नजरमि मइले सुद्द बिबेकले जीवन बिताइराइछु।”

प्रेरित 23:15

तबइकिलाइ मुख्य पुजारिन, यहुदि अगुवान रे यहुदि महासभाका और मान्सन मिलिबर रोम सहरका सेनापतिलाइ भण कि, पावलको मुद्दाको फैसला निक्केरि अद्दु पणन्छ भण्न्या निउ बनाइबर पावललाइ झिका रे याँ महासभामि ल्यास। त्यो याँ आउन्जेइ हाम तइलाइ बाटाइमि मारदिनाउ।”

प्रेरित 23:20

तइले भण्यो, “यहुदि अगुवानले पावलका बारेमि आजी निक्केरि सोधपुछ अद्द्या निउ अरिबर भोल तिनलाइ यहुदि महासभामि लेइदिय भणि तमनलाइ बिन्ति अद्द्या सल्लाह अरिराइछ।

प्रेरित 23:28

कि अरोपमि तिननले यइलाइ दोस लाया रइछन भणि जाण्न्या इच्छाले मइले यइलाइ तिनरा यहुदि महासभामि लेया।

प्रेरित 23:6

तर तइ यहुदि महासभामि एक दल सदुकीको समुह रे अर्खो दल फरिसि मान्सन रइछन भण्न्या था पाइबर पावलले जोरले भण्यो, “भाइन हो, म फरिसि हु रे म फरिसि मान्सनको सन्तान हु। परमेश्वरले मर्या बठेइ जिउना बनाउन्या हुन भणन्या आसा राख्या हुनाले याँ मेरो मुद्दा चलिरइछ।”

प्रेरित 26:29

पावलले जबाफ दियो, “थोकाइ बेर हौ कि भौत समय हौ, म परमेश्वरसित प्रार्थना अद्दउ कि, तमन मान्तरइ होइन तर आज मेरा कुरणी सुण्या जति सब मान्सन ख्रीष्टियन होइजाउन, तर म जसो कैदी भइबर होइन।”

प्रेरित 5:21

यो सुण्या पछा येशू ख्रीष्टका छान्या शिष्या परभातइ मन्दिरका आगन भितर पस्या रे शिक्षा दिन लाग्या। तर यहुदि प्रधान पुजारि रे तिननसित भया साथिनले इस्राएल देशका सब अगुवानलाइ यहुदि महासभामि बोलायो, तइ पछा तिननले झेलमि भया येशू ख्रीष्टका छान्या शिष्यालाइ ल्याउनाइ पठायो।