प्रेरित 22:24 - डोटेली नयाँ करार

²⁴ रोमी सेनापतिले आज्ञा अर्यो, “तइलाइ सिपाइनको बस्या ठाउँ भितर लेइबर आस, रे कोर्रा लाइबर यहुदि मान्सन क्याइ रिसाया रइछन रे तइका बिरोधमी कला हाल्ला छन भणबर उइलाइ सोध।”

डोटेलि

²⁴ तसो भया धेकिबर रोमि सेनापतिले भितर लइजाइबर पावललाइ कोर्रा लाउन्‍या आग्‍या दिबर भुन्‍यो। काँइ कोर्रा लाउन्‍ज्‍या यहुदिन क्‍याकि रिसाया रइछन् भनिबर तइले बताउछ कि।

प्रेरित 22:24 ပူးပေါင်းရင်းမြစ်များ

यूहन्नाले लेख्या सुसमाचार 19:1

पइ पिलातस हाकिमले चौकीदारलाइ भण्यो, “येशूलाइ लैजाइबर कोर्रा ला।”

प्रेरित 16:37

पइ पावलले तिननलाइ भण्यो, “हाम रोमी हुनाहुनाइ लगइ तिननले हामरो केइ दोस नपाइबर मान्सनका अगाडी हामलाइ हाण्यो, झेल हाल्यो, रे आब हामलाइ गोप्यमी निकाल्लाइ खोज्जा छन? यो हुन सक्दैन। उन आफइ आउन रे हामलाइ निकालिबर लैजाउन।”

प्रेरित 21:34

तर तइ भिडमि हइ कसइले एक कुरणी कसइले अर्खि कुरणी भणबर कला हाल्ल पस्या, रे उनले त्यो कला हाल्या हुनाले, कि घटना हो, त्यो था नपाया हुनाले पावललाइ सिपाइन बस्या ठाउँमि लैजान्या आज्ञा दियो।

प्रेरित 21:37

पावल सिपाइन बस्या ठाउँ भित्तर लैजान्ज्या पावलले रोमी हाकिमलाइ भण्यो, “हजुर, तमरो आज्ञा भयले म केइ भण्न चाहानाउ।” रोमी हाकिमले भण्यो, “कि तुलाइ ग्रीक भासा बोल्ल आउन्छ?

प्रेरित 23:10

ताँ ठुलो वाद-बिबाद भया पछा सभामी भया मान्सनका हात बठेइ पावल लुछालुछ पाडिन्या हुन भण्न्या डरले रोम सहरका हाकिमले सिपाइनलाइ तल्तिर जाइबर तिनलाइ उनरा बिचइनि जबरजस्ती लेइबर सिपाइन बस्या ठाउँ भितर लैजा भणि आज्ञा दियो।

प्रेरित 23:27

यइ मान्सलाइ यहुदि मान्सनले पकोडीबर माद्दाइ खोज्याथ्यो, तर मइले यो रोम सहरको मान्स रइछ भण्न्या था पाइबर फौजसित ताँइ पुगिबर यइलाइ छुटाया।

प्रेरित 28:18

तिननले सोधपुछ अर्या पछा ममि मृत्यु दण्डको केइ कारण नभेट्या हुनाले मलाइ छाडदिन्या मन अर्याथ्यो।

हिब्रु 11:35

केइ स्वानिले आफ्ना प्यारा मान्सलाइ मर्या बठेइ जिउना पायो। कति मान्सन त कुटाइ खाइबर मर्या, तर आफ्नो बिश्वास त्याग्द चाएइन, ताकि तिननले मर्या बठेइ जिउना भइबर और निको जीवन पाउन सकुन।