प्रेरित 20:33 - डोटेली नयाँ करार

³³ मइले कसइ मान्सको सुन, चाँदी, कि लत्ताको लोभ अरेइन।

डोटेलि

³³ मुइले कसइ मान्‍सको सुन चाँदि रे लत्‍ताको लोभ अरेन।

प्रेरित 20:33 ပူးပေါင်းရင်းမြစ်များ

१ कोरिन्थी 9:12

क्याकि तमनले और मान्सनलाइ सहयोग अर्या छौ जइले तमनलाइ प्रचार अर्याथ्यो, पक्‍कालगइ बारनाबास रे म यइकिलाइ तिनन भण्ना भौत योग्य छौ। पइलगइ हाम दुइ जानाले भणनेइ कि हामलाइ चाइया कुरणी तमन दिय। बरु हाम सब कुरणी सहन तयार भया, ताकि हाम कसइलाइ ख्रीष्टको सुसमाचारमि बिश्वास अद्दा बठेइ रोक्द सक्दाइन।

१ कोरिन्थी 9:15

तर मइले यिन अधिकार मध्ये कसइ अधिकार लिया आथिन। तमनले मेरा निउति आब केइ अरला भणबर मइले यो लेख्या होइन। बिलकुल होइन! मेरी निउति मद्दु असल हो! क्याकि मइले आफ्नो खर्च आफइ चलायामि मलाइ कसइले घमण्ड अद्द बठेइ रोक्द सक्दइन।

१ कोरिन्थी 9:18

तब मेरो इनाम कि हो? इति मान्तर हो कि उसोइ सुसमाचार प्रचार अद्द पाउनु आनन्दकी कुरणी हो, जबकि मसित मेरो जीवन चलाउनाइ आर्थिक सहयोग पाउन्या अधिकार छ।

१ कोरिन्थी 9:4

बारनाबास रे म, येशू ख्रीष्टको छान्या शिष्या भया हुनाले पक्‍कालगइ हामरा कामकी निउति तमन बठेइ आर्थिक सहयोग पाउन्या अधिकार छ।

२ कोरिन्थी 11:7

आफलाइ होच्याइबर तमनलाइ उच्च पाणुँ भणि परमेश्वरको सुसमाचार मइले तमनलाइ सितैमि सुणाउन्ज्या कि मइले पाप अर्या ब?

२ कोरिन्थी 11:9

तमनसित रन्ज्या जब मलाइ पैसाको अभाब पण्याथ्यो म कसइको बोज भएन, क्याकि माकेडोनिया प्रदेस बठेइ आया भाइनले मेरो अभाब पुरा अरिदियो। तबइकिलाइ कसइ किसमले तमनमि बोज पणलो कि भणबर मइले आफइलाइ रोक्या, रे पछा आउन्या दिनमि लगइ रोक्द्या हु।

२ कोरिन्थी 7:2

हामलाइ तमरा पुरा हृदयले प्रेम अर। हामले कसइको खराबी अर्या आथिन। हामले कसइलाइ भ्रष्ट पाण्या आथिन। हामले कसइ मान्स बठेइ फाइदा उठाया आथिन।

१ थेसलोनिकि 2:5

तमनलाइ था छ कि हामले तमनलाइ निकी कुरणी अरिबर कभइ खुशी बनाउन्या कोशिस अरेइन, न त पैसा पाउनाइ हामले इसो अर्या। क्याकि हाम लोपि आथिन। परमेश्वर हामरा साक्षि छन कि हामले तसो ब्यबहार अरेइन।

१ पत्रुस 5:2

जसेरि गोवालाले आफ्ना भेडाको हेरचाह अरन्छ, तमनले सब मान्सनको हेरचाह अददु पणन्छ, जइलाइ परमेश्वरले तमरो जिम्मामि दिया छ। यो स्वइच्छाले अर, क्याकि तमनले तसोइ अर्या परमेश्वरले चाहानाहान। यइ कामलाइ करले जन अर। यो कामलाइ पैसा पाउनाइ लगइ जन अर, तर परमेश्वर रे मान्सनको सेवा अद्द्या इच्छाले अर।

३ यूहन्ना 1:7

क्याकि तिन मान्सन येशू ख्रीष्टको बचन प्रचार अद्दाइलाइ यात्रामि जान्या हुन, रे परमेश्वरलाइ नचिन्या मान्ससित केइ सहयोग लिनाइन्न।