प्रेरित 16:18 - डोटेली नयाँ करार

¹⁸ तइले भौत दिन सम्म इसोइ अर्यो। तब पावलले दिक्‍क माणिबर फनक्‍क फर्किबर तइ भूत आत्मालाइ भण्यो, “येशू ख्रीष्टका नाउँमि म तुलाइ तइ बठेइ निकल्ल्या आज्ञा अद्दउ।” पइ त्यो भूत आत्मा तसइ बेला निकल्यो।

डोटेलि

¹⁸ भउत दिनसम्‍म तइ केटिले यसो भुणिबर कलाहाल्‍लिरइ। तबइ पावलले इसेरि कलाहाल्‍या दिक्‍क माणिबर फरक्‍क फर्‌किबर तइ फुचेरा आत्‍मालाइ यसो भुन्‍यो, “मु तुलाइ इसु ख्रिस्‍टका नाउँमि तइबटहइ निकल्‍या आग्‍या दिनउ। तु तइ केटिबटहइ निकल्‍बर जा।” पावलले यसो भनन्‌जेइ त्‍यो फुचेरो आत्‍मा तइ केटिबटहइ निकल्‍बर गयो।

प्रेरित 16:18 ပူးပေါင်းရင်းမြစ်များ

मत्ती 14:24

तइ बेला सम्म ना किनार बठेइ समुद्रमी बड्ताइ दुर पुगिरइथ्यो। क्याकि बतास तिनरा उल्टा बठेइ चलिरइथ्यो, रे ना छालका चपेटामि पडिरइथ्यो।

मर्कुस 1:34

भौत मान्स जो भौत किसम्का रोगले सिकिस्त थ्या, येशूले सबलाइ तिनरा बिमार बठेइ निको अर्यो रे भूतलाइ निकाल्यो, उनले भूतलाइ बोल्लु दिएइन क्याकि भूतलाइ थाथ्यो कि उन येशू खिष्ट हुन।

मर्कुस 16:17

जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु।

लूका 9:1

तब येशूले बार जाना शिष्या एकखट्टा बोलायो, रे तिनन सबलाइ भूत निकाल्या रे रोग निको बनाउन्या सक्ति रे अधिकार दियो।

प्रेरित 3:6

तब पत्रुसले भण्यो, “सुन चाँदी मसित आथिन, तर जी मसित छ, तेइ म तुलाइ दिनउ। नासरत गाउँका येशू ख्रीष्टको नाउँमि उठ रे हिट।”

प्रेरित 9:34

पत्रुसले तइलाइ भण्यो, “ए एनियास, येशू ख्रीष्टले तुलाइ निको बनाउन्या हुन। उठ, रे तेरो बिस्तरा मिला।” पइ त्यो उतनजेइ उठीयो।

कलस्सी 2:15

उनले हरेक दुष्ट सक्ति रे अधिकारलाइ नष्ट अरिबर तिननलाइ सार्वजनिक रुपमि सर्ममि पड्यो, रे उनले तिन सब दुष्ट सक्ति बठेइ क्रुसमि बिजय पायो।