प्रेरित 16:16 - डोटेली नयाँ करार

¹⁶ जब हाम प्रार्थना अद्द्या ठाउँमि जान्नाथ्या, ताँ एक नौकरनी केटीसित हामरो भेट भयो, जइमि एक यिसो भूत आत्मा थ्यो, जइको सहयोग बठेइ भबिष्यकि कुरणी भणीदिनथि रे तइका मालिकका निउति भौत कमाइ दिन्थि।

डोटेलि

¹⁶ एक दिन जबइ हाम प्रार्थना अद्‌द्‌या ठउँरमि जान्‍नाथ्‍या, तबइ जोखना हेद्‍देइ आत्‍मा भएइ एक जनि कमारि केटिसित हामरो भेट भयो। जइले जोखना हेरिबर तइका मालिककि निउति तइले भउत कमाइ अरिदिन्‍थि।

प्रेरित 16:16 ပူးပေါင်းရင်းမြစ်များ

प्रेरित 16:13

आब बिश्राम दिनमि सहरका ढोका बठेइ बाइर नदिका किनार गया, क्याकि ताँ यहुदि मान्सन प्रार्थना अद्द्या ठाउँ छ भणि हामले अनुमान लाइराइथ्या, रे ताँइ हाम बस्या रे जम्मा भएइ स्वानीनसित कुरणीकानी अद्द पस्या।

प्रेरित 16:18

तइले भौत दिन सम्म इसोइ अर्यो। तब पावलले दिक्‍क माणिबर फनक्‍क फर्किबर तइ भूत आत्मालाइ भण्यो, “येशू ख्रीष्टका नाउँमि म तुलाइ तइ बठेइ निकल्ल्या आज्ञा अद्दउ।” पइ त्यो भूत आत्मा तसइ बेला निकल्यो।

प्रेरित 16:19

तर तइका मालिकले तिनरा कमाइको आसा टुट्या धेकिबर तइले पावल रे सिलासलाइ समाइबर सहरका चोक बठेइ हाकिमका वाँ तानिबर लइय्यो।

प्रेरित 19:24

क्याकि डेमेत्रियस नाउँ भया एक जाना सुनारले युनानी देशका मन्दिरमि राख्या आर्तेमिस देबीको चाँदीका नान-नाना मुर्ति बनाउन्थ्या। यो काम अरबर त्यो रे तइसित काम अद्द्या कारिगर लगइ भौत रुप्या कमाउनथ्या।

गलाती 5:20

मुर्तिपुजा, मन्त्रतन्त्र, दुश्मनी, झगडा, इर्ष्या, क्रोध, स्वार्थिपन, फुट, गुटबन्दि,

१ तिमोथी 6:10

क्याकि रुप्या पैसा प्रतिको प्रेम सब किसिमका खराबिको जड हो, केइ मान्सनले बिस्तारइ ख्रीष्टको बारेमि शिक्षालाइ बिश्वास अद्द छाड्या छन, क्याकि तिनन भौत पैसा चाहानथ्या रे तिनन भौत तरिकाले दुःख भोग्दाहान, जसेरि एक मान्स जइले आफइलाइ हतियारले छेड्या छ।

२ तिमोथी 3:8

यिन झुटा शिक्षकले सत्य सन्देश प्रचार हुना बठेइ रोक्द्या कोशिस अद्दाहान जसेरि यान्नेस रे याम्‍ब्रेसले मोशाको बिरोध अर्याथ्या। तिनरि बुद्दि भ्रष्ट छ रे तिनन साच्ची सत्यका बिरोधमि हुनाहान।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।