प्रेरित 13:4 - डोटेली नयाँ करार

⁴ बारनाबास रे शाउललाइ पबित्र आत्माले पठाया हुनाले तिनन एन्टिओखिया सहर बठेइ सिलुकिया सहरमि गया, रे ताँ बठेइ जहाजमि चड़िबर साइप्रस टापुमि गया।

डोटेलि

⁴ तबइ पबित्‍तर आत्‍माबटहइ पठाइया हुनाले तिनुन एन्‍टिओखियाबटहइ सिलुकियामि गया रे ताँबटहइ पानिजहाजमि चडिबर साइप्रसतिर गया।

प्रेरित 13:4 ပူးပေါင်းရင်းမြစ်များ

प्रेरित 11:19

स्तिफनसलाइ मार्या पछा, प्रभु येशूमि बिश्वास अद्द्या सब मान्सनलाइ दुख दिया हुनाले भौत मान्सन यरुशलेम सहर छाडिबर गया। तर तिननले यहुदि मान्सनलाइ मान्तर येशू ख्रीष्टका बारेमि सन्देश दिनाइ, फोनिके जिल्ला, साइप्रस टापु रे सिरिया जिल्लाको एन्टिओखिया सहर सम्म यात्रा अर्यो।

प्रेरित 13:2

तिननले प्रभुको आराधना अद्दारया रे उपवास बस्या बेला पबित्र आत्माले भण्यो, “मेरा निउति बारनाबास रे शाउललाइ तइ कामकी निउति छुट्या, मेरा सेवाकि निउति मइले तिननलाइ बोलाइराइछु।”

प्रेरित 13:3

तब तिननले आजी उपवास रे प्रार्थना अरिबर उनमी आफना हात राखिबर उनलाइ परमेश्वरको सेवा अद्दाइ पठायो।

प्रेरित 15:36

केइ दिन पछा पावलले बारनाबासलाइ भण्यो, “आइ, जइ-जइ सहरमि प्रभु येशूको बचन हामले प्रचार अरिराइथ्या, तिन सहरमि फर्किबर बिश्वासि भाइनलाइ भेट्टाउ रे तिनन कि कसा छन हेद्दाउ।”

प्रेरित 20:23

तर इति मान्तर जाण्नउ, कि हरेक सहरमि झेलको द:ख रे कष्ट ममि पडि आउन्या हो भण्न्या पबित्र आत्माले मलाइ भण्या छ।

प्रेरित 27:4

ताँ बठेइ हामले आजी यात्रा सुरु अर्या, तर जहाजका अगाडी बठेइ बतास चल्या हुनाले हामले साइप्रस टापुको आड लिइबर गया।

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),