प्रेरित 13:12 - डोटेली नयाँ करार

¹² तब प्रभुको शिक्षामि भया सक्ति धेकबर ठुला हाकिम अचम्म पड्या रे उनले प्रभु येशूमि बिश्वास अर्यो।

डोटेलि

¹² तबइ प्रान्‍तका तिन सासकले यो भया धेकिबर बिस्‍वास अर्‍यो, क्‍यालाइकि प्रभुका सिछ्‍यामि तन अचम्‍म पण्‍याथ्‍या।

प्रेरित 13:12 ပူးပေါင်းရင်းမြစ်များ

मत्ती 27:54

जब सुबेदार रे उनसित येशूलाइ पहरा दिन्यावालनले भुइँचालो रे ताँ भाएका घटना धेक्यो तब भौत डराइबर इसो भण्यो साँच्चि यिन त परमेश्वरका चेलो रइछन।

लूका 4:22

सबले उनरो बडवाँइ अर्यो, रे उनरो मुख बठेइ निकल्या कृपापूर्ण बचनमी छक्‍क पड्या, रे तिननले भण्यो, “यिन योसेफका चेला होइन्न ब?”

लूका 7:16

तब सब डरले भरिया, रे परमेश्वरको महिमा अरिबर भण्यो, “एक जाना महान अगमबक्ता हामरा बिचमि आया छन। रे परमेश्वर आफना मान्सनलाइ सहयोग अद्दाइलाइ आइरइछन।”

यूहन्नाले लेख्या सुसमाचार 7:46

पालेले भण्यो, “यइ मान्सले जसो त कसइ मान्सले कभइ बोलेइन।”

प्रेरित 13:48

जब गैर-यहुदि मान्सनले यिन कुरणी सुण्यो, तिनन खुशी भया, रे परमेश्वरको बचनको प्रसंसा अर्यो, रे अनन्त जीवनका निउति परमेश्वर बठेइ छानिया मान्सनले येशू ख्रीष्टमी बिश्वास अर्यो।

प्रेरित 13:49

प्रभुको बचन सब इलाका भरि फैलियो।

प्रेरित 13:7

त्यो जादुगर तइ साइप्रस टापुका ठुला हाकिम सर्गियस पौलससित बसन्थ्यो। सर्गियस पौलस बुद्दिमान मान्स थ्यो। तिन ठुला हाकिमले शाउल रे बारनाबासलाइ बोलाइबर परमेश्वरको बचन सुण्न्या इच्छा अर्यो।

प्रेरित 13:8

तर एलुमास जादुगरले (एलुमासलाइ ग्रीक भाषामि तइका नाउँको अर्थ जादुगर हो) सर्गियस पौलसलाइ येशूमि बिश्वास बठेइ फर्काउनाइ खोज्यो।

प्रेरित 15:35

पावल रे बारनाबास चाइ सिकाउनाइ रे प्रभु यशूको बचन प्रचार अद्दाइ और भौत जाना बिश्वासीनसित एन्टिओखिया सहरमि बस्या।

प्रेरित 15:36

केइ दिन पछा पावलले बारनाबासलाइ भण्यो, “आइ, जइ-जइ सहरमि प्रभु येशूको बचन हामले प्रचार अरिराइथ्या, तिन सहरमि फर्किबर बिश्वासि भाइनलाइ भेट्टाउ रे तिनन कि कसा छन हेद्दाउ।”

प्रेरित 18:12

जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

प्रेरित 19:10

पइ यो कुरणी दुइ बर्ष सम्म हुनोइ रयो, इसो भया हुनाले एसिया प्रदेशमि बस्या, यहुदि रे गैर-यहुदि मान्सनले प्रभुको बचन सुण्यो।

प्रेरित 19:20

यिसेरी परमेश्वरको बचन सक्तिशाली रुपमि फैलिनोइ रे बड्डोइ गयो।

प्रेरित 19:38

तबइकिलाइ डेमेत्रियस रे उनरा कारिगर साथिन कसइको बिरोधमी केइ कुरणी छ भण्या, तिननले अदालतमि गइबर, मान्सनको न्याय अद्द्या मान्सका अगाडी एक अर्खालाइ दोस लाउन सक्दाहान।

प्रेरित 19:7

तिनन सब बार जाना बैकान थ्या।

प्रेरित 28:7

तइ टापुका नजिकै पब्लियस नाउँ भया मुख्याको जग्गा जमिन तइ ठाउँका वलतिर पल्तिरइ थ्यो। उनले हामलाइ स्वागत अर्यो, रे तीन दिन सम्म हाम उनरा घरमि पाउना होइबर बस्या।

प्रेरित 6:10

उनले जी कुरणी भण्यो, तिननले केइ जबाफ दिन सकेन। क्याकि पबित्र आत्माले उनलाइ बुद्दीसित बोल्लामि सायता अर्याथ्यो।

प्रेरित 8:25

तिननले गवाही दिइसक्या पछा रे प्रभु येशूको बचन बोलिसक्या पछा सामरि मान्सनका भौत गाउँमी सुसमाचार प्रचार अद्दा-अद्दाइ तिनन यरुशलेम सहरमि फर्क्या।