प्रेरित 12:5 - डोटेली नयाँ करार

⁵ यिसेरी पत्रुस झेलमि केइ दिन राख्यो, तर तिनरा निउति मण्डलिका मान्सनले परमेश्वरलाइ ठुला जोससित प्रार्थना अरिराइथ्यो

डोटेलि

⁵ इसेरि पत्‍रुस झेलखानामि राखिया, तर तनरि निउति मण्‍डलिका बिस्‍वासिनले परमेस्‍वरसित लगातार प्रार्थना अद्‍दाथ्‍या।

प्रेरित 12:5 ပူးပေါင်းရင်းမြစ်များ

मत्ती 18:19

आजी म तमनलाइ भणनउ, धर्तीमि तमनमि हइ दुइ जाना केइ कुरणीमि सहमत होइबर केइ माग्या भण्या, त्यो स्वर्गका मेरा पिता बठेइ तमरि निउति हुन्या हो।

लूका 18:1

तिनन सदाइ प्रार्थना अरुन रे निरास जन हुन भण्न्या उइले येशूले आफना शिष्यालाइ एक काहानि भण्यो:

प्रेरित 12:12

यिन कुरणी जाणिबर कि परमेश्वरले तिनलाइ बचायो भणि पत्रुसले था भया पछा, तिन मर्कुस भणिन्या यूहन्नाइ इजा मरियमका घर गया। ताँ भौत बिश्वासि मान्सन जम्मा होइबर प्रार्थना अद्दाथ्या।

प्रेरित 12:4

राजा हेरोदले पत्रुसलाइ गिरफ्तार अरिबर झेल हाल्दियो, रे निस्तार काजबार पछा तिनलाइ मान्सनका अगाडी उनरो न्याय अद्दाइ ल्याउन्या बिचार अरिबर तिनरो चौकिदारी अद्दाइ सिपाइका चार समुहका जिम्मा लाइदियो।

प्रेरित 12:6

जब राजा हेरोदले तिनरो न्याय अद्दाइ मान्सनका अगाडी ल्याउनाइ बटिरइथ्या, तइ हइ एक रात अगाडी, पत्रुस दुइ साङलाले बादिबर दुइ जाना सिपाइका बिचइनि सिइरइथ्या। सिपाइ लगइ ढोकाका अगाडी कलिबर झेलको चौकिदारी अरिराइथ्यो।

१ कोरिन्थी 12:26

रे यदि हामरा सरिरको एक अंगलाइ कष्ट भयो भण्या, पुराइ शरीरलाइ कष्ट हुन्छ। तसेरि यदि हामरा सरिरको एक अंगलाइ आदर भयो भण्या, पुराइ शरिरले आनन्द मनाउनाहान।

२ कोरिन्थी 1:11

तमनले लगइ मिलिबर प्रार्थना बठेइ हामलाइ सहायता अददाछौ। इसेरि प्रार्थना अरन्ज्या हामरि निउति चडाया भौत प्रार्थनाको उत्तरमी हामलाइ प्राप्त भया आशिसका निउति भौतले हामरा निउति धन्यबाद चढाउन्या हुन।

१ थेसलोनिकि 5:17

निरन्तर प्रार्थना अरि राख।

हिब्रु 13:3

आफइ लगइ तिननसित कैदमी पड्या जसेरि झेलमि हुन्याको बिचार अर, रे आफ सतावटमी पण्या मान्सन जसेइ तमन तिनरा पिडा आफना सरीरमि अनुभव अरन्छौ।

याकुब 5:16

तबइकिलाइ तमन एक-अर्खाका सामने आफना-आफना पापलाइ स्वीकार अर, ताकि तमन निको हुन सक, रे एक-अर्खाका निउति प्रार्थना अर। धर्मिजनको प्रार्थना सक्तिशाली रे प्रभाबशाली हुन्छ।