प्रेरित 10:38 - डोटेली नयाँ करार

³⁸ अर्थात नासरत गाउँका येशूलाइ परमेश्वरले पबित्र आत्मा रे सक्तिले अभिषेक अर्यो, उन भलाइका काम अद्दाइ रे सैतान लाग्या मान्सनलाइ निको पाड्डाइ सबतिर घुम्या, क्याकि परमेश्वर उनसित थ्या।”

डोटेलि

³⁸ परमेस्‍वरले नासरतका इसुलाइ पबित्‍तर आत्‍मा रे सक्‍तिले अबिसेक अर्‍यो, कि कसेरि उनुले भलाइको काम अद्‍दाइ भुत लाग्‍यालाइ निको पाड्‍डाइ सप्‍पइ ठउँरतिर गया। क्‍यालाइकि परमेस्‍वर उनसित थ्‍या।

प्रेरित 10:38 ပူးပေါင်းရင်းမြစ်များ

मत्ती 12:15

तब यो कुरणी था पाइबर येशू ताँ बठेइ हिट्या रे मान्सको भिड उनरा पछा लाग्या, रे तिनन सबलाइ उनले निको बनायो।

मत्ती 12:28

तर यदि परमेश्वरका आत्मा बठेइ म भूत धपाउनौ भण्या परमेश्वरको राज्य तमनमि आइ सक्या छ।”

मत्ती 9:19

येशू उठीया रे आफना शिष्यासित उनरा पछा लाग्यो।

मत्ती 9:35

तइ पछा येशू रे उनरा शिष्या गालील जिल्लाका भौत सहर रे गाउँ बठेइ गया। तिनन यहुदि सभाघरमी सिकाउनाइ, परमेश्वरको राज्यको सुसमाचार प्रचार अद्दाइ रे सब किसिमका रोग रे दुर्बलता निको अद्दाइ गया।

मर्कुस 6:6

येशू तिनरो अबिश्वास धेकिबर छक्‍क पड्या। तइ पछा उन गाउँ गाउँमी शिक्षादिनाइ गया।

लूका 3:22

रे पबित्र आत्मा ढुकुरका रुपमि उनमी ओलीबर आया। रे अग्गास बठेइ यिसो भणबर एक आवाज आयो, “तु मेरो प्यारो चेलो हइ, तुसित म भौत खुशी छु।”

लूका 4:18

परमेश्वरका आत्मा ममि छ, क्याकि गरिबलाइ सुसमाचार सुणाउनाइलाइ उनले मलाइ अभिषेक अरिराइछ। कैदीनलाइ स्वतन्त्रताको घोषणा अद्दाइलाइ, रे अन्धालाइ दृष्टि दिनाइलाइ, अत्याचारमि पड्या सबलाइ मुक्त अद्दाइलाइ,

लूका 9:42

तर त्यो आउना आउनाइ भूतले तइलाइ लोटाइ हाल्यो, रे जोरले मडारमुडुर अददु लाग्यो। तर येशूले तइ भूतलाइ हकाद्द पस्या, रे तइ केटा निको बनाइबर तइका बाका जिम्मा लाइदियो।

लूका 9:56

तइ पछा उन अर्खा गाउँ तिर गया।

यूहन्नाले लेख्या सुसमाचार 10:32

येशूले तिननलाइ भण्यो, “मइले तमनलाइ मेरा पिता बठेइ भौत ठुला अचम्मका काम धेकाया, तिनमि हइ कइ कामको निउति तमन मलाइ ढुङाले हाण्न चाहान्छौ?”

यूहन्नाले लेख्या सुसमाचार 16:32

हेर, समय आउनाछ, साँच्चीमि आइय्यो, जब तमन छाडिबर आफना ठाउँमि जान्छौ रे मलाइ एकलोइ छाडन्छौ। पइलगइ म एकलो आथिन, क्याकि पिता मसित छन।

यूहन्नाले लेख्या सुसमाचार 3:2

निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”।

यूहन्नाले लेख्या सुसमाचार 3:34

क्याकि जइलाइ परमेश्वरले पठायो, तइले परमेश्वरको वाणी बोलन्छ, क्याकि परमेश्वरले ननापिबरइ पबित्र आत्मा दिनाहान।

यूहन्नाले लेख्या सुसमाचार 6:27

नष्ट हुन्या भोजनकि निउति होइन तर अनन्त जीवन सम्म रन्या भोजनकि निउति मेहनत अर जो कि म, मान्सको चेलोले यो खानाइ दिन्या हुन, क्याकि पिता परमेश्वरले अधिकार दिइराइछ।”

प्रेरित 10:37

तमनलाइ थाइछ, यूहन्नाले प्रचार अर्याको बप्तिस्मा पछा त्यो बचन गालील जिल्ला बठेइ सुरु अरिबर सारा यहुदिया जिल्ला भरि प्रचार भयो।

प्रेरित 2:22

इस्राएल देशका मान्सन हो, यिन कुरणी सुण, नासरत गाउँका येशू यिसा मान्स थ्या, जइलाइ परमेश्वर बठेइ साबित अर्याथ्यो, त्यो अचम्मका काम, चमत्कारी काम रे चिन्ह परमेश्वरले येशू बठेइ अर्यो। तमन आफइ जाण्न्छौ, कि यो सत्य हो।

हिब्रु 1:9

ठीक कुरणी अद्द तमलाइ मन पणन्छ, रे दुष्ट काम अददाइलाइ तम घृणा अरन्छौ। तबइकिलाइ म तमरा परमेश्वरले, तमनलाइ तमरा साथी भण्ना बड्ता सम्मान रे आनन्द दिया छु रे तमनलाइ छान्या छु।”

१ पत्रुस 5:8

आत्मा नियंत्रित होउ रे जागा रअ, क्याकि तमरो शत्रु सैतान मान्सनलाइ नष्ट अददाइ निउति चारै तिर घुम्दा छ। उ गर्जन्या सिंहकि जसेरि कइलाइ फेला पार्लो रे खाउँलो भणबर दाउ खोजबर घुम्दा छ।

१ यूहन्ना 2:20

तर ख्रीष्ट बठेइ तमनलाइ पबित्र आत्मा दिया छ, रे तमन सबले परमेश्वरले प्रकट अर्या सत्य कुरणी जाणन्छौ।

१ यूहन्ना 3:8

जइले लगातार पाप अरन्छ त्यो सैतान बठेइ हो। क्याकि सैतान त सुरु बठेइ नइ पाप अद्दोइ आइरइछ। सैतानका काम नष्ट पाड्डाइलाइ नइ परमेश्वरका चेलो आया हुन।