प्रेरित 1:11 - डोटेली नयाँ करार

¹¹ तिननले भण्यो, “गालील जिल्लाका मान्सन हो, तमन क्याकि अगगाश तिर हेद्दाइ कलिरइछौ? यिनइ येशू, जइलाइ परमेश्वरले तमन बठेइ स्वर्गमि लैया, अइल जसेरि तमनले उनलाइ स्वर्गमि गया धेक्या, ठीक तसेरि उन आजी दोसर्या आउन्याहुन।”

डोटेलि

¹¹ तिनुनले भुन्‍यो, “ए गालिलका मान्‍सन हो, तमु क्‍याकि अग्‍गास तिर हेरिबर कल्‍लिरइछउ? तिनइ इसु, जो अइल तमुबटहइ स्‍वर्गमि उचालि लय्‍या, जसेरिकि तमुले उनलाइ स्‍वर्गमि गया धेक्‍या, तसेरि उन अज आउन्‍या छन्।”

प्रेरित 1:11 ပူးပေါင်းရင်းမြစ်များ

मत्ती 16:27

क्याकि म, मान्सको चेलो बाको महिमामि आफना स्वर्गदुतसित आउन्या हो, रे तसइ बेला उइले हरेक मान्सलाइ तइको काम अन्सारको फल दिन्या हो।

मत्ती 16:28

साँच्चि, म तमनलाइ भण्नउ, हामरा बिचमि याँ कल्लिया केइ मान्स छन जइले मद्दा हइ पइला म, मान्सको चेलोलाइ परमेश्वरको राज्यमि नयाँ रे सक्तिशाली रुपमि आउन्नारया धेक्द्या छन।

मत्ती 24:30

तब म, मान्सको चेलाको चिन्ह अग्गासमी धेका पड्डया हुन, रे धर्तिका सब जाति बिलाप अद्दया हुन, रे तिननले मान्सको चेलोलाइ अग्गासका बादलमि सक्ति रे ठुलो महिमासित आउन्नारया धेक्द्या हुन।

मत्ती 25:31

जब म, मान्सको चेलो आजी आउन्या हु, म महिमामि आउन्या हु रे सारा स्वर्गदुत आफ्नो सित ल्याउन्या हु। रे म महिमामय सिंहासनमि बसिबर सब मान्सनको न्याय अद्दया हु।

मर्कुस 13:26

पइ तइ समयमि मान्सले मलाइ धेक्द्या छन, म, मान्सको चेलो संसारमी बादलमि आउन्ना हु, उन मेरो महान सक्ति रे महिमा धेक्द्या हुन।

मर्कुस 14:70

रे पत्रुसले आजी इन्कार अर्यो, पइ थोक्काइ पछा पत्रुसका नजिकै कल्लिरयाले आजी उइलाइ भण्यो, “पक्‍कालगइ तु येशूका शिष्यामि हइ एक हइ, क्याकि तेरि बोलाइले था हुन्छ कि तु लगइ गालील जिल्लाको हइ।”

मर्कुस 16:19

जब येशूले आफ्ना शिष्यालाइ यिन सब कुरणी भणि सक्यो, तब परमेश्वरले येशूलाइ स्वर्गमि उठायो, रे उन परमेश्वरका दाइन तिर सम्मान सित बस्या।

लूका 21:27

तइ पछा म, मान्सको चेलोलाइ सक्ति रे महा महिमासित बादलमि आइरया तिनन धेक्द्या हुन।

लूका 24:5

तिनन डराइगइन पइ जमिन तिर मुन्टो निउणायो, तर तिन दुइ बैकानले भण्यो, तमन जिउना मान्सलाइ मर्या बिचमि क्याकि खोज्जा छौ?

यूहन्नाले लेख्या सुसमाचार 14:3

पइ गइबर मइले तमरि निउति ठाँउ तयार पाड्या पछा म आजी आउन्या हु, रे तमनलाइ मेरा वाँ लैजान्या हु, रे जाँ म छु, ताँ तमन लगइ मसित हुन्या हौ।

प्रेरित 1:2

स्वर्गमि जानु भण्ना पइलि, उनले आफ्नो छान्या शिष्यालाइ पबित्र आत्माको सायता बठेइ तिननलाइ आज्ञा दिइबर उन परमेश्वर बठेइ स्वर्गमि उचालिया।

प्रेरित 1:9

उनले यिन कुरणी भण्या पछा, तिननले हेद्दा हेद्दाइ परमेश्वरले येशूलाइ मल्तिर उचाल्यो, रे एक बादलका उइमि तिननले उनलाइ धेक्द सकेइन।

प्रेरित 13:31

उनसित गालील जिल्ला बठेइ यरुशलेम सहरमि आउन्याका वाँ उन भौत दिन सम्म धेका पड़िरया, रे जइले उनलाइ धेक्यो तिनन अइल मान्सनमि उनरा गवाही दिन्ना छन।

प्रेरित 2:7

तिनन सब छक्‍क पड्या रे अचम्म माणिबर भण्न लाग्या, “कि यिन बोल्या सब गालील जिल्लाका मान्सन होइन्न ब?”

प्रेरित 3:12

यो धेकिबर पत्रुसले मान्सनलाइ भण्यो, “इस्राएल देशका मान्सन हो, यइ कुरणीमि तम क्याकि अचम्म माणन्छौ? कि हामरो आफनाइ सक्ति रे भक्ति बठेइ हामले यइलाइ हिट्या बनाया जसेरि घोरिबर हामलाइ क्याइ हेद्दाछौ?

प्रेरित 3:21

येशूलाइ स्वर्गमि तइ समय सम्म राख्दु जरुरी छ, कि जब परमेश्वर उन सब चीजलाइ नयाँ बनाउनाहान, जो उनले बनायाथ्यो, भौत समय पइल्ली परमेश्वरले मान्सनलाइ यो कुरणी भण्नाइलाइ पबित्र अगमबक्ता बठेइ इसो अद्दाइ बाचा अर्याथ्यो।

१ थेसलोनिकि 1:10

रे तिननले भण्नाहान कि कसेरी तमन स्वर्ग बठेइ फर्कि आउन्या उनरा चेलो जइलाइ परमेश्वरले मर्या बठेइ जिउना बनायो, उनरोइ बाटो हेरन्छौ, अथवा येशूको, जइले हामलाइ आउन्या क्रोध बठेइ बचाउन्या हुन।

१ थेसलोनिकि 4:16

क्याकि प्रभु येशू स्वयम आज्ञाको ठुलो गर्जनसित, प्रधान स्वर्गदुतको आवाज रे परमेश्वरका तुरहिको आवाजसित स्वर्ग बठेइ ओल्लया हुन, रे ख्रीष्टमी मर्या बिश्वासि पइल्ली जिउना हुन्या हुन।

हिब्रु 9:28

तसेरि भौत मान्सनका पाप उठाइबर लइजानाइ ख्रीष्टले आफइलाइ एक बेर बलि अर्यो। रे उन दोसर्या लगइ आउन्याहुन। तइ बेला आफइलाइ पापकी निउति बलि अददाइलाइ होइन, तर उनरो बाटो हेरिबर बस्यालाइ बचाउनाइ आउन्याहुन।

प्रकाश 1:7

ध्यान दिबर सुण, उन बादलसित आउन्ना छन, रे सबले उनलाइ धेक्द्या हुन। तिननले लगइ जइले उनलाइ भालाले घोच्यो, रे उनलाइ मार्यो। पृथ्बीका सब मान्सन बिलाप अद्दया हुन जब तिननले उनलाइ धेक्द्या हुन। हो यो इसोइ हुन्या हो। आमेन।