३ यूहन्ना 1:9 - डोटेली नयाँ करार

⁹ मइले मण्डलिका बिश्वासिलाइ पइल्ली चिठ्ठी लेख्याथ्या, तर डियोत्रिफसले मइले भण्या कुरणी स्वीकार अरेन, क्याकि उ सदाइ तमरो मण्डलिको अगुवा आफइ हुन खोजनथ्यो।

३ यूहन्ना 1:9 ပူးပေါင်းရင်းမြစ်များ

मत्ती 7:8

क्याकि जइले मागन्छ तइले पाउछ, जइले खोजन्छ तइले भेट्टाउछ, रे जइले ढोका ढकढक अरन्छ तइकि निउति उगाडिन्छ।

मर्कुस 9:34

तर तिनन चुप्प लाग्या क्याकि बाटामि तिननले आपसमा हाम हइ ठुलो को हो? भणबर आपसमा बिबाद अर्याथ्यो।

मर्कुस 9:37

“मेरा नाउँमि यिसा नानो बालकलाइ स्वागत अद्द्याले मलाइ स्वागत अरन्छ रे मलाइ स्वागत अद्द्याले मलाइ होइन, मलाइ पठाउन्यालाइ स्वागत अरन्छ।”

लूका 9:48

रे तिननलाइ भण्यो, “जइले मेरा नाउँमि यइ बालकलाइ स्वागत अरन्छ, तइले मलाइ स्वागत अरन्छ, रे जइले मलाइ स्वागत अरन्छ, तइले मलाइ पठाउन्यालाइ स्वागत अरन्छ। क्याकि तमन सबमि हइ जो सब भण्न्ना नानो छ, त्यइ ठुलो हुन्या हो।”

रोमी 12:10

एकइ परिबारका सदस्य भया जसेरि एक-अर्खालाइ प्रेम अर। आफइ भण्ना बड्ता औरलाइ आदर अर।

कलस्सी 1:18

एक जाना मान्सको शिरले पुराइ शरीरलाइ सम्हाल्या जसेरि ख्रीष्टले मण्डलिलाइ सम्माल्लाहान। उनै सुरु हुन, मर्या बठेइ जिउना हुन्यामि उन पइला हुन ताकि हरेक चिजमि उन सर्वोच्च हुन सकुन।

२ यूहन्ना 1:9

म तमलाइ यो भणउ, कि यदि कसइले आफ्ना बिचार बठेइ केइ थपन्छ रे ख्रीष्टले सिकायाको शिक्षामि लगातार बिश्वास अद्दाइन्न भण्या, उ परमेश्वरसितको संगतिमि हुनइन। जो ख्रीष्टले सिकायाको शिक्षामि लगातार बिश्वास अरन्छ भण्या, उ परमेश्वर रे उनरो चेलो येशू ख्रीष्ट सितको संगतिमि हुन्छ।

३ यूहन्ना 1:8

तबइकिलाइ इसा मान्सनलाइ सेवा सत्कार अद्दु पणन्छ, ताकि हाम सत्य कुरणी प्रचार अद्द्या काममी सहभागी हुन सकौ।