३ यूहन्ना 1:6 - डोटेली नयाँ करार

⁶ तमनले सहयोग अर्या केइ मान्सनले याँ मण्डलिका बिश्वासिनलाइ तमनले आफना भाइनलाइ भौत प्रेम अर्या छौ भणबर भण्या छन। आब म तमनलाइ भणनउ, कि तिननले तमनलाइ छाडिबर गया लगइ तमनले यिसा मान्सनलाइ लगातार सहयोग अददु पणन्छ, क्याकि तसो अरेले परमेश्वर खुशी हुनाहान।

३ यूहन्ना 1:6 ပူးပေါင်းရင်းမြစ်များ

प्रेरित 15:29

कि तिनन मुर्तिलाइ चडाया खानाइ रे व्यभिचार बठेइ अलग रउन, गलो अठ्यइबर मार्या पशुको सिकार रे रगत जन खाउन रे यिन कुरणी बठेइ अलग रया भण्या असल हुन्या हो।”

प्रेरित 15:3

मण्डलिका मान्सनले तिननलाइ रुप्प्या रे खानाइ दिइबर ताँ बठेइ बिदा अर्यो। तिनन फोनिके जिल्ला रे सामरिया जिल्ला बठेइ होइबर जान्ज्या कसेरी गैर-यहुदि मान्सनलाइ सुसमाचार सुणाइबर बिश्वासि बन्नाछन भणन्या कुरणी सुणबर सब भाइन भौत खुशी भया।

प्रेरित 21:5

सात दिन पछा जब ताँ बठेइ जान्या समय आयो, रे तइ ठाउँका प्रभुमि बिश्वास अद्द्या भाइन, बैनिन रे बच्चा लगइ हामलाइ सहर बठेइ बाइर पुर्याउन आया। हाम सबले समुद्रका किनारमी घुणा टेकिबर प्रार्थना अर्या, रे हाम एक अर्खा बठेइ बिदा भया।

रोमी 15:24

तबइकिलाइ म स्पेन देशमि जानज्या तमनलाइ भेट्ट्या आसा राख्दउ, रे तमनसित केइ समय सम्म संगतिको आनन्द लिया पछा, तमनले मलाइ स्पेन देशका मेरा यात्राकीलाइ मलाइ सहयोग अर्या म चाहानउ।

२ कोरिन्थी 1:16

मेरो योजना यो थ्यो कि म माकेडोनिया प्रदेस जानज्या तमनलाइ भेटीबर जान्या रे फर्कन्ज्या लगइ तमनलाइ भेट्या, रे अन्तमी म आसा अद्दउ कि तमन म ताँ बठेइ यहुदिया जिल्ला जानज्या खाँचोमी मेरो सहायता अद्दया हौ।

फिलिप्पी 4:14

पइलगइ तमनले मलाइ भेटी दिबर मेरा दु:खमी सहभागी भया हुनाले धन्यबाद।

कलस्सी 1:10

हाम प्रार्थना अददाउ कि तमनले प्रभुलाइ सम्मान दिन्या ब्यबहार अद्द सक, रे प्रभुलाइ सब कुरणीमि प्रसन्न पाड्डया सक, रे तमनले लगातार सब किसिमका निको काम अद्द सक, रे परमेश्वरका बारेमि आजी बड्ता बुज्ज सक।

१ थेसलोनिकि 2:12

हामले तमनलाइ उत्साह दिया, सान्त्वना दिया रे तमनलाइ बिन्ति अर्या कि परमेश्वरलाइ खुशी पाड्डया जीवन बिता, जइले तमनलाइ आफ्नो राज्य दिनाइ रे उनरा महानतामि सहभागी हुनाइ बोलाउनाहान।

तितस 3:13

जब जेनास नाउँ भया वकिल रे अपोल्लोस नाउँ भया अर्खो मान्स आफ्नो यात्रामि जानाहान, तब तिननलाइ तु जी सहयोग अद्द सकन्छइ अर। पक्‍का अर कि तिनरासित यात्राकीलाइ चाइन्या कुरणी छ।

१ पत्रुस 2:20

तर यदि तमन गलत काम अरिबर कुटाइ खान्छौ भण्या, तमरो सजायमि धैर्य हुनु केइ प्रसंसाको कारण आथिन। तर यदि तमनले राम्रो कामकी निउति दु:ख भोगन्छौ भण्या, रे तमन धैर्य हुन्छौ भण्या, तब परमेश्वर प्रसन्न हुनाहान।

३ यूहन्ना 1:12

मण्डलिका सब मान्सनले डेमेत्रियस राम्रो मान्स हो भणि भणन्छ क्याकि उइको ब्यबहार साँचो परमेश्वरको बचन अनसार छ, हाम लगइ भण्नाउ कि उ असल मान्स हो, तमन जाण्न्छौ कि हामरि गवाही सत्य छ।