२ तिमोथी 3:6 - डोटेली नयाँ करार

⁶ क्याकि यिन मध्ये कोइ मान्सन घर घर जाइबर पापमि रे ननिका इच्छाका अधिनमी पर्या मुर्ख स्वानिनलाइ आफ्ना अधिनमी पड्डाहान।

डोटेलि

⁶ तमरा बिचमि कोइ मान्‍स घर घर पसिबर पापले थिचिएइ रे पापइ अद्‌या इछ्‍या राख्‍देइ कम्‍जोर भएइ स्‍वाइनि मान्‍सलाइ आफना अधिनमि पाड्‍डाछन्‌।

२ तिमोथी 3:6 ပူးပေါင်းရင်းမြစ်များ

मत्ती 11:28

ए सब कठीन काम अद्दयावाला रे बोजले चेपिया हो, मेरा वाँ आस, म तमनलाइ आराम दिन्या हु।

मत्ती 23:13

“तमन भयानक समस्यामि छौ! तमन मोशाको कानुन सिकाउन्यावाला रे फरिसि मान्सनको समुह हो, कपटि! तम मान्सलाइ स्वर्गका राज्यमि जानाइलाइ अनुमति दिनानु, क्याकि तमन न त आफ पसन्छौ, न त औरलाइ पस्स दिन्छौ।

मत्ती 23:14

तमन भयानक समस्यामि छौ! तम मोशाको कानुन सिकाउन्यावाला रे फरिसि हो, कपटिन! क्याकि तमनले बिधवालाइ धोका दीबर उनरा सम्पति रे उनरा घर लगइ दिनाइलाइ कर अरन्छौ, रे आफलाइ धर्मि धेकाउनाइलाइ लामा-लामा प्रार्थना अर्न्छौ। तबइकिलाइ तमनले बड्ता दण्ड पाउन्या हौ।”

मत्ती 4:24

उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

मर्कुस 4:19

तबइकिलाइ तिननले परमेश्वरको बचनलाइ बिसदाहान रे परमेश्वरको इच्छा अनुसार जीवन जिउनाइन। रे और चिजको चाहाना तिनरो जीवनमी आउछ रे परमेश्वरको बचनमी बाधा ल्याउछ। रे तिनन बिना फलको जीवन जिउनाहान।

१ कोरिन्थी 12:2

तमनलाइ थाइछ कि तमन बिश्वासमि आउना हइ पइल्ली कसेरी जीवन बिताउन्थ्या, तमन भौत कुरणी बठेइ मुर्तिपुजा अददाइ प्रभाबित भया, जइमि जीवन आथिन।

१ तिमोथी 5:6

तिन बिधवा जइले आफ्नो सब समय सुखमि बिताउछिन तिन सरीरमि बचेइ हुन्छिन तर आत्मामी मरेइ हुन्छिन।

१ तिमोथी 6:9

जो मान्स धनि हुन्या इच्छा अद्दाहान, तिनन सजिसित सब किसिमका पाप अद्दाइलाइ परीक्षामि पड्या छन रे जनावरकी जसेरि पासामि फस्सया छन। तिननले इसा काम अद्द चाहानान जो तिननकिलाइ मुर्ख रे खतरनाक छन रे इसा इच्छाले तिननलाइ बर्बादी रे नासतिर लइजान्या हो।

तितस 1:11

यिन मान्सनलाइ सिकाउन्या अनुमति जन दिय, क्याकि जब तिनन झुटा शिक्षा सिकाउनाहान जो सिकाउनु पड्डइन, तिननले पुराइ परिबारको बिश्वासलाइ नास अददाहान। तिनन पैसा पाउनाइलाइ यिसो झुटा शिक्षा दिनाहान।

तितस 3:3

क्याकि हाम लगइ बिश्वासि हुनाहइ पइल्ली मुर्ख, परमेश्वरको आज्ञा नमाणन्या, रे मान्सनले हामलाइ धोकामी पाड्या थ्यो, रे हरेक किसिमका दुष्ट काम अद्द्या इच्छाले नियंत्रित अर्या हुनाले, हाम नौकर जसाइथ्या, हाम यिसो अददु निको माणन्थ्या, रे हामले आफ्नो जीवन दुष्ट काममी रे औरकि रिस माणिबर बिताया, हरेकले हामलाइ घृणा अरन्थ्या रे हाम तिननलाइ घृणा अरन्थ्या।

२ पत्रुस 2:18

तिननले तिन मान्सनलाइ लोपमि पाड्डाहान जो भर्खरइ बिश्वासि भया छन रे दुष्ट मान्सनले अद्द्या काम अद्द छाडया छन। तिननले तिनरो पापी मानब स्वभाबले अद्द चाया खराब काम अददाइ उत्साहित अरिबर तिननलाइ पापको लोपमि फसाउनाहान।

२ पत्रुस 3:17

तबइकिलाइ प्रिय हो, तमनलाइ अगाडी बठेइ था छ कि यिन कुरणी हुनेइहुन। तबइकिलाइ होशियार होउ ताकि नियम नमाणन्या मान्सनले तमनलाइ झुटि बोलिबर जन अलमल्याउन। यदि तमनले तिनरा पछा लाग्या भण्या तमनले सत्य कुरणीमि बिश्वास अद्द छाडया हउ।

यहूदा 1:16

यिन मान्सन सदाइ परमेश्वरको बिरुद्दमि बोल्लाहान रे और मान्सनमि दोस मान्तर धेकाउनाहान। तिनरा ह्रदयले सोच्या अनसार तिनन लगातार दुष्ट काम अददाहान। तिनन आफइले आफ्ना बारेमि घमणडि कुरणी अददाहान रे आफ्ना फाइदाकी निउति और मान्सनकि चाप्लुसी अददाहान।

यहूदा 1:18

तिननले भण्याथ्यो आखिरी दिनमि प्रभु रे उनरा मान्सनको ठट्टा अद्द्या हुन्या हुन। यिन मान्सनको जीवन आफनो अभिलासाले नियन्त्रण भया हुन्छ।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।