२ तिमोथी 3:3 - डोटेली नयाँ करार

³ औरकिलाइ प्रेम नभया, औरलाइ क्षमा नअद्दया, दोस लाउन्या, आफ्ना इच्छालाइ समाल्ल नसक्द्या, निर्दयी, असल कुरणी घृणा अद्दया,

डोटेलि

³ कसइलाइ पिरिम नअद्‌द्‌या, निर्दयि रे अउरको चुक्‍लि लाउन्‍या, छाडा, डरलाग्‍दा, निका कुरालाइ घिणा अद्‌द्‌या हुन्‍याछन्।

२ तिमोथी 3:3 ပူးပေါင်းရင်းမြစ်များ

मत्ती 10:21

मान्सले आफ्ना भाइन रे बहिनीन सित बिश्वासघात अद्दया हुन, क्याकि उन मेरो शिष्या हुन। बा-इजाले आफ्ना चेला-चेली सित बिश्वासघात अद्दया हुन, चेला-चेली आफ्ना बा-इजाको बिरोध अद्दया हुन रे उनलाइ माद्द लाउन्या हुन।

मत्ती 4:1

तइ पछा सैतानले येशूको परिक्षा अरउ भणबर पबित्र आत्माले येशूलाइ उजाड ठाउँमि लैया।

लूका 10:16

“जइले तमनका कुरणी सुणन्छ, तइले मेरा कुरणी सुणन्छ। जइले तमनलाइ अस्वीकार अरन्छ, तइले मलाइ अस्वीकार अरन्छ, रे जइले मलाइ अस्वीकार अरन्छ, तइले मलाइ पठाउन्यालाइ अस्वीकार अरन्छ।”

लूका 16:14

जब फरिसि मान्सनको समुहले यिन सब कुरणी सुण्यो तब तिननले येशूकी खिल्लि उडायो, क्याकि तिनन धनका लोभि थ्या।

यूहन्नाले लेख्या सुसमाचार 6:70

येशूले तिननलाइ भण्यो, “कि तमन बार जनालाइ मइले चुनेइन ब? तर तमनमि हइ एक जाना सैतानको कब्जामी छ।”

रोमी 1:29

तिनन सब किसिमका पाप, दुष्टता, लोभ, इखले भरिरइछन। तिनन रिस, हत्या, झगडा, छल रे, इष्याले भरिया हुनाहान। रे तिनन अर्खाका बिरुद्दमि ननिकि कुरणी अद्दाहान,

रोमी 1:31

मुर्ख, बिश्वासघाती, दया नभया रे क्रुर हुनाहान।

१ कोरिन्थी 7:5

स्वानी बैकानले आफ्नो शारीरिक सम्पर्कमि एक अर्खालाइ इन्कार जन अरउ। इन्कार अद्द्या भया लगइ एक आपसमी सल्लाह अरिबर केइ समयकी निउति मान्तर, ताकि तमन प्रार्थनामि लागिरउ। तमन आजी स्वानी बैकान जसेरि संङइ बस्सु पणन्छ। ताकि सैतानले तमनलाइ ब्यभिचारको परिक्षा जन पाणउ, क्याकि नतित तमनले आफनो इच्छालाइ बसमि राख्द सक्द्या होइनु।

१ कोरिन्थी 7:9

तर तिननले आफनो इच्छालाइ बसमि राख्द सक्दाइन भण्या तिननले ब्या अरुन। क्याकि कामवासनामि जल्लु भण्ना ब्या अद्दु ठीक हो।

१ थेसलोनिकि 4:8

तबइकिलाइ जइले यो आज्ञा माणनइन तइले मान्सनको होइन तर परमेश्वरको आज्ञा माणनइन, जइ परमेश्वरले तमनलाइ आफ्नो पबित्र आत्मा दिनाहान।

१ तिमोथी 3:11

सेवकनकि स्वानिन आदर पाउन्या लायक हुनु पणन्छ, औरको बारेमि ननिको नबोल्या, तर संयमि रे सब कुरणीमि बिश्वासयोग्य हुनु पणन्छ।

तितस 1:8

तर अतिथि सत्कार अद्दया, औरको भलाइ अद्दया, संयमि, ठीक काम अद्द्या, पबित्र, रे आत्मानियंत्रण अद्द्या हुनु पणन्छ।

तितस 2:3

तसेरि बुढी आइमाइले इसो ब्यबहार अरुन जइले तिननले अद्देइ कुरणीमि परमेश्वरलाइ सम्मान दिन्छ। औरको बारेमि नानिको बोल्लेइ रे दराहा हुनु पड्डइन, तर तिननले औरलाइ असल जीवन बिताउन्या तरिका लगइ सिकाउनु पणन्छ।

याकुब 2:6

तर तमनले त गरिबलाइ अपमान अर्या छौ। तमनलाइ था छ कि धनि मान्सनलेइ तमनलाइ अत्याचार अद्दाहान। तिननइले तमनलाइ अदालतमि घचेटिबर लइजानाहान।

२ पत्रुस 2:14

तिनन आफले हेर्द्देइ हरेक स्वानी सित व्यभिचार अद्द चाहानाहान। तिनन पाप अद्दाइ मौका खोज्ज कभइ छाड्डाइन। तिननले तिन मान्सनलाइ धोका दिनाहान जइले ख्रीष्टलाइ पुरा रुपमि बिश्वास अद्दाइन रे तिनन लगइ पापमि लाउनाहान। तिनरो भौत चिजको बढ्दो इच्छाका लाग्दा, परमेश्वरले तिननलाइ सजाय दिन्या हुन।

२ पत्रुस 2:19

झुटा शिक्षकले मान्सनलाइ भण्नाहान कि तिनन आफले खोज्या जसोइ काम अददाइ स्वतन्त्र छन, याँ सम्मकि तिनन आफइ लगइ दास जसा छन, क्याकि तिनरो आफनोइ पापी स्वभाबले तिननलाइ पापको काम अद्द बाद्य अराउन्छ। हामलाइ था छ कि जइ कुरणीले कसइ मान्सलाइ जित्नछ तसइ कुरणीले तइलाइ दास बनाउन्छ।

२ पत्रुस 3:3

सब भण्ना महत्त्वपुर्ण कुरणी यो हो कि तमनले यो बुज्जु पणन्छ कि अन्तिम दिन भण्ना ठीक पइल्लिका दिनमि केइ मान्सन धेका पड्डया हुन, जइको जीवन आफनाइ ननिका इच्छा बठेइ नियन्त्रित हुन्छ। तिननले ख्रीष्ट फर्कि आउन्या कुरणीलाइ ठट्टामी उडाउन्या हुन।

यहूदा 1:16

यिन मान्सन सदाइ परमेश्वरको बिरुद्दमि बोल्लाहान रे और मान्सनमि दोस मान्तर धेकाउनाहान। तिनरा ह्रदयले सोच्या अनसार तिनन लगातार दुष्ट काम अददाहान। तिनन आफइले आफ्ना बारेमि घमणडि कुरणी अददाहान रे आफ्ना फाइदाकी निउति और मान्सनकि चाप्लुसी अददाहान।

यहूदा 1:18

तिननले भण्याथ्यो आखिरी दिनमि प्रभु रे उनरा मान्सनको ठट्टा अद्द्या हुन्या हुन। यिन मान्सनको जीवन आफनो अभिलासाले नियन्त्रण भया हुन्छ।

प्रकाश 13:15

दोसरा राक्षसलाइ पइलो राक्षसको मुर्तिलाइ जिउनो बनाउन्या अनुमति दिइयो ताकि तइ राक्षसको मुर्ति बोल्ल सकौ, रे तइ राक्षसकि मुर्तिले तइको आराधना नअद्द्यालाइ माद्द आदेस दियो।

प्रकाश 13:17

त्यो छाप नभया कसइले लगइ किनमेल अद्द नपाउन्या भयो। त्यो छाप तइ राक्षसका नाउँ वाँ तइका नाउँको संख्या हो।

प्रकाश 16:6

क्याकि तिननले तमरा मान्सन रे अगमबक्तालाइ मार्या थ्या रे तिनरा रगत बगाया थ्या, तबइकिलाइ आब तम तिननलाइ रगत पिनाइ दिय। यो तिननकी निउति इनामका रुपमि ठीक छ।”

प्रकाश 17:6

पइ मइले धेक्या कि त्यो आइमाइ परमेश्वरका पबित्र मान्सनका रगतले मातिरइ थी जइलाइ मान्सनले येशूका निउति तिनरा बिश्वासयोग्यताका लाग्दा मर्याथ्या। त्यो धेकिबर म भौत अचम्म पर्या।”