२ यूहन्ना 1:6 - डोटेली नयाँ करार

⁶ परमेश्वरलाइ प्रेम अद्द्या साँचो तरिका परमेश्वरका आज्ञा अन्सार जिउनु हो। उनरा आज्ञा अनसार हिट्टु नइ प्रेम हो। जब बठेइ तमले ख्रीष्टलाइ अनुसरण अददु सुरु अर्या, तमले सुण्या थ्या कि परमेश्वरको आज्ञा यइ हो कि तमनले एक अर्खालाइ सदाइ प्रेम अद्दु पणन्छ।

२ यूहन्ना 1:6 ပူးပေါင်းရင်းမြစ်များ

यूहन्नाले लेख्या सुसमाचार 14:15

तमनले मलाइ प्रेम अरन्छौ भण्या मइले दिया आज्ञापालन अर।

यूहन्नाले लेख्या सुसमाचार 14:21

मलाइ प्रेम अद्द्या तेइ हो, जइसित मेरा आज्ञा जाणन्छ रे तिन पालन अरन्छ। पइ मलाइ प्रेम अद्द्यालाइ मेरा पिता प्रेम अद्दया हुन। म तइलाइ प्रेम अद्दउ, रे म आफइलाइ तइका वाँ प्रकट अद्दउ।”

यूहन्नाले लेख्या सुसमाचार 14:23

येशूले तइलाइ भण्यो, “जइले मलाइ प्रेम अरन्छ, तइले मरो बचन पालन अद्द्या हो, रे मेरा पिताले तइलाइ प्रेम अद्द्या हुन रे हाम तइका वाँ आउन्या हु रे तइसित बसस्या हु।

यूहन्नाले लेख्या सुसमाचार 15:10

तमनले मेरा शिक्षा पालन अर्या भण्या तमन मेरा प्रेममि रन्याछौ जसेरि मइले लगइ मेरा पिताका शिक्षा पालन अर्या छु रे उनरा प्रेममि रइरइछु।

यूहन्नाले लेख्या सुसमाचार 15:14

म तमनलाइ जी जी शिक्षा दिद्दउ तिन तमनले पालन अर्या भण्या तमन मेरा साथी हौ।

१ यूहन्ना 2:24

तमनले ख्रीष्टमी बिश्वास अर्या बेला सुण्या सत्य बचन तमनका मनमि राखि राख। यदि तमनले सुण्या सत्य बचनमी तमन रया भण्या, तमन चेलो रे पिता परमेश्वरसित एकतामी रन्या हौ।

१ यूहन्ना 2:5

तर जइले परमेश्वरको बचन पालन अरन्छ, तइमि परमेश्वर प्रतिको प्रेम साँच्चि नइ सिद्द भया हुन्छ। हाम परमेश्वरसितको एकतामी छौ भण्न्या कुरणीमि इसइ बठेइ पक्का हुनाउ।

१ यूहन्ना 2:7

प्रिय हो, म तमनलाइ नयाँ आज्ञा होइन तर तसइ पुरानो आज्ञा लेख्दाछु, जो सुरु बठेइ तमनसित थ्यो, यो पुरानो आज्ञाको बचन हो, जो तमनले ख्रीष्टमी बिश्वास अर्या बेला सुण्या थ्या।

१ यूहन्ना 5:15

हामले परमेश्वरसित प्रार्थनामि जी माग्या लगइ उन सुण्नाहान भणि हाम जाँण्नाउ भण्या, यो लगइ जाँण्नाउ कि हामले प्रार्थनामि जी माग्दाउ त्यो उनले दिन्या हुन।

१ यूहन्ना 5:3

परमेश्वरलाइ प्रेम अददु भण्याको उनरा आज्ञापालन अददु हो। रे उनरा आज्ञापालन अददाइ असजि आथिन।

२ यूहन्ना 1:5

आब हे महिला, म तमलाइ बिन्ति अद्दउ कि हामले एक अर्खालाइ प्रेम अददु पणन्छ। यो एक नयाँ आज्ञा होइन, तर जो शुरुको समय बठेइ हामलाइ थाथ्यो जब हामले ख्रीष्टलाइ अनुसरण अददु पस्या।