२ यूहन्ना 1:10 - डोटेली नयाँ करार

¹⁰ रे यदि उइले ख्रीष्टले सिकायाको शिक्षा भण्ना फरक शिक्षा सिकायो भण्या तइलाइ घरमि स्वागत जन अर्या, तइलाइ अबिबादन अरिबर हौसला जन दिया।

२ यूहन्ना 1:10 ပူးပေါင်းရင်းမြစ်များ

प्रेरित 15:23

रे यहूदा भणिन्या बारनाबास रे सिलाससित तिननले यो चिठ्ठी पठायो, “एन्टिओखिया सहर, सिरिया प्रदेस रे किलिकिया प्रदेसमि रन्या गैर-यहुदि बिश्वासि भाइनलाइ, येशू ख्रीष्टका छान्या शिष्या रे मण्डलिका अगुवानको अबिबादन।

१ कोरिन्थी 16:22

कसइले प्रभुलाइ प्रेम अद्दइन भण्या त्यो श्रापित होउ। हे हामरा प्रभु, आस!

१ कोरिन्थी 5:11

तर इसा मान्सनको संगत जन अर्या भणबर मइले तमनलाइ लेख्या, जइले आफइलाइ बिश्वासि हु भणि भणन्छ, तर साच्ची जो व्यभिचारि, अथवा लोपारि, अथवा मुर्तिपुजक, अथवा निन्दा अद्द्या, अथवा दराहा, अथवा ठग हो। तसा मान्ससित त खानाइ लगइ बसउ जन।

२ थेसलोनिकि 3:14

यइ चिठ्ठीमि हामले भण्या सन्देश यदि कसइले पालन अद्दाइ इन्कार अरन्छ भण्या, पक्‍का अर कि त्यो को हो भणबर सबले चिनुन रे तइसित केइ सम्बन्ध जन राख ताकि तइले लाज माणउ।

२ थेसलोनिकि 3:6

बिश्वासि भाइन हो, प्रभु येशू ख्रीष्टले हामलाइ दियाको अधिकार बठेइ आज्ञा दिनाउ कि आफ्ना बिश्वासि भाइ बइनि बठेइ टाडा बस जइले अल्छी अरन्छ रे जइले हामले दिया माणनाइन।

तितस 3:10

यदि कोइ मान्सले बिश्वासिनमि फुट ल्याउन्छ भण्या उइसित कडा भइबर बोल रे इसो ब्यबहार जन अरइ भण। यदि उइले इसो अददु छाणेइन भण्या तइलाइ आजी चेतावनी दिय। तइ पछा आजी इसो अददु छाणेइन भण्या तु यिसा मान्स बठेइ टाडा बस्सु पणन्छ।

२ यूहन्ना 1:11

कसइले उइलाइ हौसला दिन्छ भण्या उ तइका दुष्ट काममी सहभागी हुन्छ जो उ अद्दा छ।

३ यूहन्ना 1:10

तबइकिलाइ यदि म आयो भण्या, म खुल्ला रुपमि मण्डलिका मान्सनलाइ तइले अर्याका कामको कुरणी भण्नया हु। हामरा बिरुद्दमि तइले खराब कुरणी भणन्छ। यति मान्तर होइन, तइले ख्रीष्टको प्रचार अरिबर यात्रा अद्द्या भाइनलाइ सेवा सत्कार अद्द इन्कार अरन्छ, रे बिश्वासिनलाइ सेवा सत्कार अद्द्यालाइ लगइ रोकन्छ, रे तिननलाइ संगति बठेइ बाइर निकालिदिन्छ।