२ कोरिन्थी 6:9 - डोटेली नयाँ करार

⁹ कसइले हामलाइ सुपरिचित माण्या लगइ कसइले हामलाइ अपरिचित मान्स माणनाहान। मर्या जसा भया लगइ बाँच्याछौ, सजाय पाया लगइ मारिया आथिन।

२ कोरिन्थी 6:9 ပူးပေါင်းရင်းမြစ်များ

प्रेरित 17:18

तिन शिक्षक जो इपिक्युरी रे स्तोइकी दार्सनिक भणबर चिनीन्थ्या, तिननमि हइ केइ मान्सनले लगइ तिनसित वाद-बिबाद अर्यो। तिनन केइ मान्सनले भण्यो, “यो भकभक्या कि भणन्छ?” और मान्सनले भण्यो, “कोइ और देबतानको प्रचार अद्दा छ।” क्याकि तिननले येशू मर्या बठेइ जिउना भया हुन भण्न्या बचन प्रचार अरन्थ्या।

प्रेरित 19:26

तर त्यो पावल कि भण्ना छ, तमन आफइ धेक्दाछौ रे सुण्नाछौ। मान्सनका हातले बनाया देबता चाइ देबताइ होइन, भण्ना छ। उइले एफिसस सहरमि मान्तर होइन तर एसिया प्रदेशका भौत मान्सनलाइ उसकाइबर भडकाउन्नाछ।

प्रेरित 25:19

तर तिननले आफनाइ धर्म रे मरिसक्या येशू भण्न्या मान्सका बारेमि मान्तर पावलसित वाद-बिबाद अरन्थ्या। पावल चाइ मर्या येशू जिउना भया छ भणबर दाबा अरन्थ्यो।

प्रेरित 25:26

यइका बारेमि मइले मेरा रोमी सम्राटलाइ लेख्द्या लायकको केइ दोस पाएइन। तबइकिलाइ मइले यइलाइ तमरा अगाडी, रे खास अरिबर, हे राजा अग्रिपास, तमरा अगाडी लेइराइछु, रे तमले यइको सोधपुछ अर्या पछा सायद मइले केइ लेख्द्या कुरणी पाउनउ।

रोमी 15:19

पबित्र आत्मा बठेइ मलाइ दिया सक्ति बठेइ मइले सक्तिशाली चिन्ह रे अचम्मका काम अर्याथ्या। तबइकिलाइ म जाँ लगइ यरुशलेम सहर बठेइ इल्लुरिकन क्षेत्र गया, मइले येशू ख्रीष्टका बारेमि तिन ठाउका मान्सनलाइ सुसमाचार प्रचार अरिराइछु।

रोमी 8:36

जसेरि पबित्र सस्त्रामि लेखिरइछ: “तमरा खातिर हाम दीनभरि मारिनाउ, काटिन्या भेडा जसा हाम गणिरइछौ।”

१ कोरिन्थी 11:32

तर प्रभुले हामरो न्याय अद्दाहान, रे हामलाइ अनुशासनमि राख्दाहान, ताकि परमेश्वरले न्यायको दिनमि संसारसित हामलाइ दोषि नबनाउन।

१ कोरिन्थी 15:31

बिश्वासि भाइन हो, हरेक दिन म मद्दया खतरामी छु। यो कुरणी लगइ सत्य हो, जसेरि म हामरा प्रभु येशूमि तमरा बारेमि घमण्ड अद्दया कुरणी सत्य हो।

१ कोरिन्थी 4:9

तर मलाइ इसो लागन्छ कि परमेश्वरले हाम छान्या शिष्यालाइ सब भण्ना पछाका ठाउँमि राखिराइछ, जसेरि तिनन मान्सन जइले मृत्यु दण्ड पाया छन। हाम स्वर्गदुत रे यइ संसारका मान्सनका निउति तमासा होइरइछौ।

२ कोरिन्थी 11:6

म सिपालु बक्ता नभया लगइ ममि ख्रीष्ट रे सुसमाचारका बारेमि ज्ञान छ। यो मइले सिकाया कुरणीमि हर किसमले मइले तमनलाइ धेकाउनोइ आया छु।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

२ कोरिन्थी 5:11

तबइकिलाइ हाम प्रभुको भय माणिबर मान्सनलाइ सत्यमी बिश्वास अददाइ बिन्ति अददाउ। रे परमेश्वरले हामलाइ पूरारुपमी जाण्नाहान, रे म आसा अद्दउ कि तमरा बिबेकले लगइ हामलाइ निक्केरि जाणन्छ।