२ कोरिन्थी 6:8 - डोटेली नयाँ करार

⁸ मान्सनले हामरो प्रसंसा अरन्ज्या अथवा तिननले हामलाइ घृणा अरन्ज्या, मान्सनले औरलाइ हाम ननिका छौ भणन्ज्या, अथवा निका छौ भणन्ज्या। हाम इमानदार छौ, तर तिननले भण्नाहान कि हाम झुटा छौ।

२ कोरिन्थी 6:8 ပူးပေါင်းရင်းမြစ်များ

मत्ती 10:25

शिष्या आफना गुरु जसो रे नौकर आफना मालिक जसो हुनु भौत छ। यदि तिननले आफना मालिकसित ननिको ब्यबहार अद्दान रे उइलाइ सैतान भण्नाहान भण्या, तिननले उइका नौकरसित झिक कति बड्ता ननिको ब्यबहार अद्दान।

मत्ती 22:16

तिननले आफना शिष्यालाइ हेरोद राजालाइ साथ दिन्या मान्ससित उनरा वाँ पठायो। तिननले भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइको डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो साँच्चि रितिले सिकाउछौ।

मत्ती 27:63

तिननले भण्यो, “हजुर, हामलाइ याद छ त्यो ठग जिउनोइ छ, उनले भण्याथ्यो, तीन दिन पछा म आजी जीउनो हुन्या हु।”

मर्कुस 12:14

तिननले आइबर उनलाइ भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइकि डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो ठिक रितिले सिकाउछौ। आब तम हामलाइ भण, कि मोशाको कानुनले सम्राट लाइ कर तिद्दाइ अनुमति दिन्छ कि दिनइन?

यूहन्नाले लेख्या सुसमाचार 7:12

भिडका बिचइनि उनरा बारेमि खलबल हुन पस्यो। कोइ भण्नाथ्या, “उन निका छन।” कोइ भणन्थ्या, “नइ, यइले मान्सलाइ भ्रममि पाडिराइछ।”

प्रेरित 10:22

तिननले भण्यो, “कर्नेलियस नाउँ भया सुबेदारले हामलाइ पठायो हो। उन असल रे परमेश्वरकि डर माणन्या मान्स हुन, रे उनले पुरा यहुदि जाति बठेइ आदर पाया छ। एक पबित्र स्वर्गदुत उनरा वाँ धेका पण्या रे तमलाइ उनरा घरमि बोलाइबर तमरा बचन सुण्न्या आज्ञा स्वर्गदुतले दिया छ।

प्रेरित 16:39

तिनन आइबर पावल रे सिलाससित माफि माग्यो, रे तिननलाइ बाइर लैजाइबर सहर छाड्ड्या बिन्ति अर्यो।

प्रेरित 22:12

“हननिया नाउँ भया एक जाना मान्स तइ सहरमि बसनथ्या। उन कानुन अन्सार चल्या भक्त मान्स थ्या, जइले ताँ बस्या सब यहुदि मान्सन बठेइ आदर पाइराइथ्यो।

प्रेरित 24:5

क्याकि हामले यइ मान्सलाइ जाँइ ताँइ दु:ख दिइबर हिट्या, संसार भरिका जम्माइ यहुदि मान्सनका बिचइनि हुलदङ्गा मचाउन्या, रे नासरी दलका मुख्य अगुवाको रुपमि भेटिराइछौ।

प्रेरित 28:22

तर तमरो बिचार कि हो, त्यो तमन बठेइ सुण्न चाहानौ। क्याकि हाम जाण्नाउ कि सब ठाउँका मान्सन प्रभुका बाटाका बारेमि ननिका कुरणी अददाहान।”

प्रेरित 4:21

तिननले सजाय दिन्या केइ उपाय नभइबर यिननलाइ आजी बड्ता धम्कि दिबर छाडदियो। क्याकि जी घटना घटिरइथ्यो, तइको निउति सब मान्सनले परमेश्वरको महिमा अद्दाथ्या।

प्रेरित 5:13

तर जइले अइल सम्म ख्रीष्टमी बिश्वास अर्या थेइन, तिननमि हइ कसइको लगइ तिननसित भेट्टाइ आउन्या हिम्मत भएइन, पइलगइ मान्सनले तिननलाइ आदर अरन्थ्या।

प्रेरित 6:3

तबइकिलाइ भाइन हो, जइका बारेमि सबलाइ था भया तमन पबित्र आत्मा रे बुद्दिले भरिया, रे सबको आदर पाया सात जाना मान्सन छान जइलाइ हाम यइ काममी नियुक्त अद्दाउ।

रोमी 3:8

हामले भण्या यिन कुरणी बठेइ केइ मान्सले हामलाइ दोस लाउन सक्दाहान, “हाम ननिका काम अददाउ ताकि यइ बठेइ केइ असल हुन सकउ।” जो मान्सनले मेरा बारेमि यिसा कुरणी भण्ना हान तिन मान्सन दण्ड पाउन्या योग्यका छन।

२ कोरिन्थी 1:18

परमेश्वर बिश्वासयोग्य भएइ जसेरि हामले तमनलाइ भणन्या कुरणी सदाइ सत्य छ।

२ कोरिन्थी 11:21

कि तमन सोचन्छौ कि मइले तसो नअर्या हुनाले, म लज्जित छु? तर कसइले केइ कुरणीमि घमण्ड अरन्छ भण्या, म लगइ तिन कुरणीमि घमण्ड अद्दउ। हो, म मुर्खइ जसेरि बोल्ला छु।

२ कोरिन्थी 12:16

तमनलाइ था छ कि मइले तमनसित आर्थिक सहयोग मागेइन, यो ठिकइ हो, तर औरले सोच्चाहान मइले चलाकि अरिबर तमनलाइ धोका दिया, यो झुटि हो।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

१ थेसलोनिकि 2:3

क्याकि हामरो उपदेस धोका अथवा बिसेस अरिबर नैतिक असुद्दता बठेइ आया होइन, न त यो छलकपटले आया हो।

१ तिमोथी 3:7

रे मण्डलि भण्ना बाइरका मान्सनले लगइ भणनु पणन्छ कि उ एक असल मान्स हो। ताकि मान्सनले उइका बारेमि न्निकी कुरणी जन अरुन रे सैतानले उइलाइ फसाउन सकद्या आथिन।

१ तिमोथी 4:10

हामरा बिश्वासकी निउति हाम संघर्ष रे कडा मेहनत अददाउ क्याकि हाम जिबित परमेश्वरमि आसा राख्दाउ, जो सब मान्सनका मुक्तिदाता हुन, रे बिसेस अरिबर तिननकिलाइ जइले उनमी बिश्वास अददाहान।

हिब्रु 13:13

तबइकिलाइ हाम लगइ सिबिर बाइर उनरा वाँ जानाउ, रे जसेरि उनले अनादर सहयो तसेरि हाम लगइ अनादर सहउ।

१ पत्रुस 4:14

यदि ख्रीष्टका नाउँमि तमन निन्दित भया भण्या तमन धन्यका हौ। क्याकि महिमित परमेश्वरका आत्मा तमनमि बास अददाहान।

३ यूहन्ना 1:12

मण्डलिका सब मान्सनले डेमेत्रियस राम्रो मान्स हो भणि भणन्छ क्याकि उइको ब्यबहार साँचो परमेश्वरको बचन अनसार छ, हाम लगइ भण्नाउ कि उ असल मान्स हो, तमन जाण्न्छौ कि हामरि गवाही सत्य छ।

प्रकाश 3:9

तिन मान्सन जो सैतानको एक समुहका सदस्य हुन, तिनन दाबि अददाहान कि तिनन यहुदि हुन तर तिनन साँचो यहुदि होइन रे तिनन झुटि बोल्ला छन। म तिननलाइ आउन्या बनाइबर तमरा अगाडी ढोग्द्या बनाउन्या हु रे म तमनलाइ प्रेम अद्दउ भणन्या तिननले था पाउन्या हुन।