२ कोरिन्थी 5:7 - डोटेली नयाँ करार

⁷ क्याकि हाम उनलाइ धेकिबर होइन, तर हाम उनमी बिश्वास अरिबर बाँच्चाउ।

२ कोरिन्थी 5:7 ပူးပေါင်းရင်းမြစ်များ

१ कोरिन्थी 13:12

हाम, बिश्वास अद्द्याले लगइ इसोइ अददाउ, क्याकि हाम निक्केरि नधेकिन्या ऐनामि आफ्नो अनार हेद्द्या एक मान्स जसाइ हौ। भविष्यमी मान्तर, हाम साच्ची सब कुरणी बुज्जया हु, क्याकि हाम परमेश्वरलाइ आमने-सामने धेक्द्या हु। भविष्यमी मान्तर, मइले साच्ची उनलाइ बुज्ज्या हु, जसेरि उनले मलाइ चिन्नाहान।

२ कोरिन्थी 1:24

तमरो बिश्वासमि हाम अधिकार जमाउन चाहानाइन, तर तमरा आनन्दकी निउति तमनसित मिलिबर काम अद्दाउ। क्याकि आफ्नो बिश्वासमि तमन स्थिर छौ।

२ कोरिन्थी 4:18

हामले धेकिन्या कुरणीलाइ होइन तर नधेकिन्या कुरणीलाइ हेद्दाउ क्याकि धेकिन्या कुरणी क्षणिक हुनाहान, तर नधेकिन्या कुरणी अनन्त सम्म रनाहान।

गलाती 2:20

यो इसो हो कि ख्रीष्ट क्रुसमि मर्या, रे म लगइ मर्या। म आब जिउन्या होइन, तर ख्रीष्ट ममि जिउनाहान। रे जो जीवन म अइल जिउनाछु त्यो म परमेश्वरका चेलोमी बिश्वास अरिबर जिउनउ, जइले मलाइ भौत प्रेम अर्यो यिति सम्मकि उनले आफ्नो जीवन मेरा निउति दियो।

हिब्रु 10:38

“जइले लगइ परमेश्वरमि बिश्वास अरन्छ, उनले उइलाइ धर्मि ठहराउनाहान रे अनन्त जीवन दिनाहान, तर यदि उइले मलाइ इन्कार अरन्छ भण्या, म उइसित खुशी हुन्या आथिन।”

१ पत्रुस 1:8

तमनले येशूलाइ कभइ धेक्या आथिनु, पइलगइ तमनले उनलाइ प्रेम अर्न्छौ। तमनले उनलाइ अइल धेक्दानु, तर तमनले उनमी बिश्वास अर्न्छौ। तबइकिलाइ तमन भौत खुशी छौ। तमन कति खुशी छौ भणिबर बर्णन अद्द्या सब्द आथिन।

१ पत्रुस 5:9

तमरो दृढ बिश्वाससित तइको बिरोध अर। याद अर कि संसार भरि भया बिश्वासीनले लगइ इसोइ कष्टको अनुभव अददु पण्या छ।