२ कोरिन्थी 5:18 - डोटेली नयाँ करार

¹⁸ यो सब परमेश्वर बठेइ भया हो, जइले हामलाइ ख्रीष्ट बठेइ आफसित मिलापमी लेया, रे उनले हामलाइ आफ रे मान्सनका बिचमि मिलाप अराउन्या सेवा दिया छ।

२ कोरिन्थी 5:18 ပူးပေါင်းရင်းမြစ်များ

लूका 10:5

जइ घर पस्सया हौ, पइल्ली भण यइ घरानामि सान्ति होइजाउ!

लूका 24:47

रे यरुशलेम सहर बठेइ सुरु अरिबर सब जातिलाइ उनरा नाउँमि पाप अद्द छाडिबर परमेश्वरतिर फर्क्या रे पाप क्षमाको प्रचार हुनु पणन्छ।

यूहन्नाले लेख्या सुसमाचार 3:16

क्याकि परमेश्वरले संसारलाइ यिसो प्रेम अर्यो, कि उनले आफ्नो एकइ चेलो लगइ दियो, कि उनमी बिश्वास अद्द्या कोइलगइ नास जनहउ, तर तइले अनन्त जीवन पाओस।

यूहन्नाले लेख्या सुसमाचार 3:27

यूहन्नाले भण्यो, “मान्सलाइ स्वर्ग बठेइ नदिइय्या सम्म तइले केइ कुरणी पाउन सक्दैन।

प्रेरित 10:36

तमन त्यो सन्देश जाणन्छौ, जो परमेश्वरले हाम अर्थात्‌ इस्राएल देशका मान्सनलाइ पठायो। उनले सान्तिका बारेमि सुसमाचार सुणायो, जो येशू ख्रीष्टमी बिश्वास अद्द्या मान्सनलाइ मिलन्छ। उन मान्तर सब मान्सनका प्रभु हुन।

रोमी 11:36

क्याकि सब चिज परमेश्वर बठेइ आउनाहान। सब चिज उनले बनाया छन, रे सब चिज उनराइ हुन। उनले सदाइ महिमा पाउनु पणन्छ! आमेन।

रोमी 5:1

तबइकिलाइ हाम बिश्वास बठेइ धर्मि ठहरिरइछु, रे प्रभु येशू ख्रीष्टले हामरा निउति अर्याको काम बठेइ परमेश्वरसित हामरो मिलाप होइरइछ।

१ कोरिन्थी 1:30

तर परमेश्वरले हामलाइ येशू ख्रीष्टसित एक बनाया छ रे ख्रीष्ट बठेइ हामलाइ बुद्दि दिनाहान। परमेश्वरले हामलाइ आफ्ना नजरमि धर्मि लगइ बनाउनाहान। ख्रीष्ट बठेइ हाम पबित्र बनाइया छौ, रे उनले हामलाइ पाप बठेइ छुटकारा दियो।

१ कोरिन्थी 11:12

पइलो स्वानी बैकान बठेइ आया लगइ, सब बैकान स्वानी बठेइ जन्मनाहान, तर दुइ जाना परमेश्वर बठेइ आया, हुन जइले सब थोक बनायो।

१ कोरिन्थी 12:6

सेवा फरक फरक किसिमका हुनाहान, तर एकइ परमेश्वरले हरेक मान्सलाइ त्यो बिसेस किसिमको सेवा अद्द्या बरदान दिनाहान।

१ कोरिन्थी 3:5

अपोल्लोस को हो? पावल को हो? तिन सेवक मान्त्तर हुन, जइ बठेइ तमनले ख्रीष्टमी बिश्वास अर्या। परमेश्वरले हाम हरेकलाइ अद्दाइ दिया काम हामले अर्या।

१ कोरिन्थी 8:6

तर हामरा निउति एकइ परमेश्वर छन, रे उन हमरा पिता हुन। उनले सब कुरणी बनायो, रे उनइ बठेइ हाम बाँच्चाउ। तसेरि, हामरा निउति एक प्रभु छन, रे उन येशू ख्रीष्ट हुन। उनइ बठेइ सब कुरणी बनाइयो रे उन बठेइ हाम जिउना छु।

कलस्सी 1:22

परमेश्वरका, चेलो भइबर ख्रीष्ट मान्स भया रे क्रुसमि मृत्यु बठेइ तमनलाइ परमेश्वरले आब मिलापमी लेया छन। ताकि हामलाइ आफना सामने पबित्र, निर्दोष, रे निष्खोट प्रस्तुत अद्द सकुन।

हिब्रु 2:17

तबइकिलाइ हरेक कुरणीमि उन आफ्नाइ भाइन जसाइ बन्नु पड्यो, इसेरि उन परमेश्वरका दयालु रे भरपड्डया यहुदि प्रधान पुजारि बन्या। ताकि उनरो बलिदान बठेइ मान्सले आफना पाप बठेइ क्षमा पाउन सकुन।

याकुब 1:17

हरेक असल दान रे हरेक सिद्द बरदान हामरा पिता परमेश्वर बठेइ हो, जइले अग्गासमी भया सब ज्योति बनायो, परमेश्वर सदाइ एकनास छन रे उन छाँया जसेरि बदलिनाइन।

१ यूहन्ना 2:2

ख्रीष्ट हामरो पाप क्षमाकि निउति बलि भया, रे हामरा निउति मान्तर होइन, तर संसारका मान्सनका पापका निउति लगइ हो।

१ यूहन्ना 4:10

साँचो प्रेम यो हो: परमेश्वरको निउति यो हामरो प्रेम होइन तर उनरो प्रेम हामरो निउति हो। परमेश्वरले हामरा पाप क्षमाकि निउति आफना चेलोलाइ बलिदान हुनाइलाइ पठाइबर हामलाइ प्रेम अर्यो।