२ कोरिन्थी 3:1 - डोटेली नयाँ करार

¹ कि आजी हाम आफनी तारिफ अद्दाछु? कि कसइ-कसइले चाइएइ जनि हामले तमनलाइ अथवा तमन बठेइ औरलाइ सिफारिस पत्र धेकाउनु पणन्छ ब?

२ कोरिन्थी 3:1 ပူးပေါင်းရင်းမြစ်များ

प्रेरित 18:27

अपोल्लोसले अखैया प्रदेशमि जानाइ मन अरन्ज्या भाइनले तिनलाइ ताँ जानाइ उत्साह दियो, रे तिनलाइ स्वीकार अरुन भणि ताँका शिष्यालाइ उत्साह दिइबर चिठ्ठी लेख्यो। अपोल्लोसले अखैया प्रदेशमि पुगिबर प्रभुको अनुग्रह बठेइ बिश्वास अद्द्यालाइ भौत सहयोग अर्यो।

रोमी 16:1

म किंक्रिया सहरमि भया मण्डलिकी सेबिका संगि बिश्वासि बइनि फिबीलाइ तमनले आदर अर्या म चाहानउ।

१ कोरिन्थी 16:3

रे म ताँ आया पछा, यरुशलेम सहरमि भेटी लइजानलाइ तमनले चुन्या परमेश्वरका पबित्र मान्सनलाइ म पठाउन्या हु। म तिनन मान्सनलाइ ताँका बिश्वासीसित परिचय अराउनाइ तिननसित चिठ्ठी लगइ पठाउन्या हु।,

१ कोरिन्थी 3:10

परमेश्वरले मलाइ दिया बरदान प्रयोग अरिबर, म घर बनाउन्या सिपालु कालिगरले जसेरि मइले जग बसाल्या। और मान्सनले तइ जगमि घर बनाउनाछन, तर सब मान्सन साबधान हुनु पणन्छ, कि कसेरी तिननले तइ जगमि घर बनाउनाछन।

१ कोरिन्थी 4:15

क्याकि ख्रीष्टमी मार्गदर्सन अद्दाइ तमरा हजार शिक्षक भया लगइ, म मान्तर तमरा बा जसोइ हु। क्याकि तमनलाइ सुसमाचार सुणाउन्या म पइलो मान्स हु, जइका लाग्दा तमनले येशू ख्रीष्टमी बिश्वास अर्या।

२ कोरिन्थी 10:12

आफनी बडुवाँइ आफइले अद्द्या कसइ कसइ मान्ससित हाम आफइलाइ एकै दर्जामि राख्द चाहानाइन, अथवा आफइलाइ तिननसित दाँज्ज हाम साहस अद्दाइन। तर तिनन आफले-आफइलाइ एक अर्खासित तुलना अरिबर तिनन समज नभया हुनाहान।

२ कोरिन्थी 10:18

क्याकि आफ्नो बडुवाँइ आफइ अद्द्या मान्स स्वीकार अरिनइन, तर जइको तारिफ प्रभुले अददाहान, उ निको तरिकाले स्वीकार अरिन्छ।

२ कोरिन्थी 10:8

क्याकि हामरा अधिकारका बारेमि मइले केइ बरताइ घमण्ड अर्या भण्या लगइ म लाजमि पड्ड्या होइन, क्याकि यो अधिकार तमरा बिश्वासलाइ नास अददाइ होइन, तर प्रभुले तमरो बिश्वास बढाउनाइ सहयोग अददाइ हामलाइ दिया हो।

२ कोरिन्थी 12:11

म मुर्ख भया छु। तर तमनले मलाइ इसो अद्द कर लाया, क्याकि तमन बठेइ त मेरो प्रसंसा हुनु पड्डयाथ्यो। क्याकि म केइ नभया लगइ छान्या शिष्या भण्ना म तुच्छ आथिन।

२ कोरिन्थी 12:19

कि तमन यो सोच्चा छौ, कि अइल सम्म तमरा सामने हाम आफ्नो सफाइ दिन्नाछु? प्यारा भाइन हो, हाम परमेश्वरको उपस्थितिमि सदाइ ख्रीष्टमी भया मान्स जसेरि बोल्लाइ आया छु, रे यिन सब तमनलाइ बिश्वासमि बलिया बनाउनाइ निउति हो।

२ कोरिन्थी 2:17

क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।

२ कोरिन्थी 5:12

हाम आजी तमरा सामने आफ्नो तारिफ अद्दाइन, तर तमनलाइ हाममि गर्व अद्दया मौका दिन्नाछु, ताकि तमनले तिननलाइ जबाफ दिन सक, जइले मान्सका हृदयको कुरणीमि होइन तर बाइरकि कुरणीमि घमण्ड अद्दाहान।