२ कोरिन्थी 2:12 - डोटेली नयाँ करार

¹² ख्रीष्टको सुसमाचार प्रचार अद्दाइ त्रोआस सहरमि पुगन्ज्या परमेश्वरले मलाइ सुसमाचार प्रचार अद्द्या ठुलो मौका दियाथ्यो।

२ कोरिन्थी 2:12 ပူးပေါင်းရင်းမြစ်များ

प्रेरित 14:27

तिनन एन्टिओखिया सहरमि पुग्या पछा, तिननले मण्डलिका सब मान्सनलाइ बोलायो। परमेश्वरले तिनन बठेइ कसा कसा काम अर्यो रे उनले गैर-यहुदि मान्सनलाइ लगइ येशू ख्रीष्टमी बिश्वास अद्द्यामि गवाही बनायो, भणबर सब मान्सनलाइ भण्यो।

प्रेरित 16:11

तब हाम त्रोआस सहर बठेइ जहाजमि चडीबर सिदाइ सामोथ्राके टापुतिर लाग्या, रे भोलिबार नियापोलिस सहरमि पुग्या।

प्रेरित 16:8

तब माइसिया प्रदेस होइबर तिनन त्रोआस सहरमि गया।

प्रेरित 20:8

हाम एकहठ्ठा भया मल्लो तलाको कोठामी भौत बत्ति बल्लाथ्या।

रोमी 1:1

म पावल, येशू ख्रीष्टको सेवक हु, छान्या शिष्य हुनाइ परमेश्वरले चुन्या हो, रे परमेश्वरको सुसमाचार प्रचार अददाइ अलग अरिया हु।

१ कोरिन्थी 16:9

क्याकि याँ लगइ भौत मान्सन छन जो परमेश्वरको बचन सुणन चहानाहान, रे मइले याँ बस्सुको ठुलो महत्व छ। जबकि याँ लगइ परमेश्वरका सतुर भौत छन।

१ कोरिन्थी 9:12

क्याकि तमनले और मान्सनलाइ सहयोग अर्या छौ जइले तमनलाइ प्रचार अर्याथ्यो, पक्‍कालगइ बारनाबास रे म यइकिलाइ तिनन भण्ना भौत योग्य छौ। पइलगइ हाम दुइ जानाले भणनेइ कि हामलाइ चाइया कुरणी तमन दिय। बरु हाम सब कुरणी सहन तयार भया, ताकि हाम कसइलाइ ख्रीष्टको सुसमाचारमि बिश्वास अद्दा बठेइ रोक्द सक्दाइन।

१ कोरिन्थी 9:14

तसेरि सुसमाचार प्रचार अद्द्याले लगइ सुसमाचार सुण्या मान्सन बठेइ जीविका चलाउन भणि प्रभुले भणिराइछ।

१ कोरिन्थी 9:16

यदि मइले सुसमाचार प्रचार अर्या भण्या, तइमि मइले घमण्ड अद्द्या केइ कारण आथिन। क्याकि येशू ख्रीष्टले मलाइ इसो अद्दया जिम्मेवारी दिया छ। यदि सुसमाचार प्रचार अरेइन भण्या, म भयानक समस्यामि हुन्या हु।

२ कोरिन्थी 10:14

तमरा वाँ आउनाइ नआया जसो हाम बडाइ चड़ाइ घमण्ड अद्दाइन, क्याकि भण्या ख्रीष्टको सुसमाचार लेइबर दुरका यात्रा बठेइ तमरा वाँ पइल्ली कोरिन्थ सहरमि पुग्द्या हामइ थ्या।

२ कोरिन्थी 11:4

हामले येशूको बारेमि भण्या, रे तमनले हामरो सुसमाचार ग्रहण अरिबर पबित्र आत्मा पाया। तर तमन अर्खा येशूका बारेमि केइ मान्सनलाइ भणन दिन्छौ। आब तमन अर्खा आत्मा रे अर्खो सुसमाचार ग्रहण अददाइलाइ तयार छौ, तमनले गल्तिले पुरा हृदयले त्यो ग्रहण अर्या।

२ कोरिन्थी 11:7

आफलाइ होच्याइबर तमनलाइ उच्च पाणुँ भणि परमेश्वरको सुसमाचार मइले तमनलाइ सितैमि सुणाउन्ज्या कि मइले पाप अर्या ब?

२ कोरिन्थी 4:3

यदि हामले प्रचार अद्द्या सुसमाचार मान्सनले बुज्ज सक्या आथिन भण्या, यो नष्ट हुन्याका निउति लुक्या छ।

२ कोरिन्थी 4:4

रे यइ संसारका देब सैतानले तिनन अबिश्वासीका बुद्दीलाइ अन्धा बनाइ दिया छ। ताकि तिननले ख्रीष्टको महिमाको बारेमि सुसमाचार बठेइ आया ज्योति धेक्द जन सकुन, जइले परमेश्वर कसा छन भणीबर धेकाउन्छ।

२ कोरिन्थी 8:18

रे हाम तिनसित अर्खो बिश्वासि भाइलाइ पठाउन्नाछु, जइले सुसमाचार प्रचारका काममी सब मण्डलिका बिश्वासीका बिचमि उच्च आदर पाया छ।

२ कोरिन्थी 9:13

यइ दिन्या सेवाले तमन सत्य हौ भणबर प्रमाणित अरिबर भौत मान्सन परमेश्वरको प्रसंसा अददाहान, क्याकि तमन ख्रीष्टको सुसमाचार सत्य हो भणबर बिश्वास अरन्छौ रे तमन गरिब बिश्वासिनलाइ रे और बिश्वासिनलाइ उदारतासित दिबर यइलाइ पालना अरन्छौ।

कलस्सी 4:3

हामरा निउति लगइ प्रार्थना अर, ताकि ख्रीष्टको त्यो रहस्य प्रचार अद्दाइलाइ परमेश्वरले हामलाइ मौका दिउन, म आब झेलमि छु क्याकि मइले यो सनदेस प्रचार अर्याथ्या।

१ थेसलोनिकि 3:2

रे तमनलाइ बिश्वासमि स्थिर अराउनाइ रे उत्साह दिनाइ, परमेश्वरमि ख्रीष्टका सुसमाचारको सेवक हामरा सहकर्मी भाइ तिमोथीलाइ हामले तमरा वाँ पठाया।