२ कोरिन्थी 11:23 - डोटेली नयाँ करार

²³ कि तिनन ख्रीष्टका सेवक हुन? म झिक असल सेवक हु। पागलइ जसेरि म बोल्ला छु। मइले उइका भण्ना बरता परिश्रम अर्या। म उइका भण्ना बरता झेलमि भौत बेर पण्या। अनगिन्ती कोर्रा खाया, बेर बेरि मृत्युका मुखमि पण्या।

२ कोरिन्थी 11:23 ပူးပေါင်းရင်းမြစ်များ

प्रेरित 14:19

पइ एन्टिओखिया सहर रे आइकोनियन सहर बठेइ केइ यहुदि मान्सन ताँ आया रे ताँका मान्सनलाइ उरेइबर पावललाइ ढुङाले हाण्यो रे उन मर्यारइछन सुचिबर उनलाइ सहर बठेइ खड्काइबर बाइर लैया।

प्रेरित 20:23

तर इति मान्तर जाण्नउ, कि हरेक सहरमि झेलको द:ख रे कष्ट ममि पडि आउन्या हो भण्न्या पबित्र आत्माले मलाइ भण्या छ।

प्रेरित 21:11

उनले पावलको पेटी लेइबर आफना हात रे खुट्टा बादिबर भण्यो, “पबित्र आत्मा यिसो भण्नाहान, ‘यरुशलेम सहरमि गइबर यहुदि मान्सनले यो पेटिको मालिकलाइ यिसेरी बाद्या हुन रे गैर-यहुदि जातिका हातमि दिन्या हुन।’”

प्रेरित 25:14

तिनन ताँ भौत दिन बस्या पछा ठुला हाकिम फेस्तसले पावलको मुद्दा राजा अग्रिपासका अगाडी यिसो भण्नोइ पेस अर्यो, “हाकिम फेलिक्सले झेलमि राखिबर गया एक जाना मान्स याँ छ।

प्रेरित 27:1

जब ठुला हाकिम फेस्तसले समुद्रको यात्रा बठेइ हामलाइ इटालिया प्रदेसको रोम सहरमि जानु पणन्छ भणि पक्‍का भया तब तिननले पावल रे और केइ कैदीलाइ सम्राट अगस्टसको फौजको युलियस नाउँ भया कप्तानका जिम्मा लाइदियो।

प्रेरित 28:16

जब हाम रोम सहरमि पस्या, तब पावललाइ एक जाना सिपाइको रेखधेखमि एकलोइ बस्साइ अनुमति मिल्यो।

प्रेरित 28:30

पावल पुरा दुइ बर्ष सम्म आफनाइ खर्चमि रोम सहरमि बस्या, रे तिनरा वाँ आउन्या सबलाइ तिनले स्वागत अर्यो।

प्रेरित 9:16

क्याकि मान्सनलाइ मेरा बारेमि बताया हुनाले शाउलले कति दुख भोग्दु पणन्छ, त्यो म उइलाइ धेकाउनउ।”

रोमी 8:36

जसेरि पबित्र सस्त्रामि लेखिरइछ: “तमरा खातिर हाम दीनभरि मारिनाउ, काटिन्या भेडा जसा हाम गणिरइछौ।”

१ कोरिन्थी 15:10

तर परमेश्वरका अनुग्रहले म येशू ख्रीष्टको छान्या शिष्य छु, रे ममि भया उनरो अनुग्रहले ठुलो परिणाम लेया छ। तर मइले त और येशू ख्रीष्टको छान्या शिष्यले भण्ना बडता मिहिनत अर्या। पइलगइ मइले होइन, तर परमेश्वरका अनुग्रहले मलाइ उनरो काम अददाइ सक्षम बनायो।

१ कोरिन्थी 3:5

अपोल्लोस को हो? पावल को हो? तिन सेवक मान्त्तर हुन, जइ बठेइ तमनले ख्रीष्टमी बिश्वास अर्या। परमेश्वरले हाम हरेकलाइ अद्दाइ दिया काम हामले अर्या।

१ कोरिन्थी 4:1

इसेरि हामलाइ ख्रीष्टका सेवक रे सुसमाचारको लुक्या भौत सत्यताको ब्याख्या अद्द्या भण्डारे परमेश्वरले हामलाइ बनाया छ भणन्या माणनु पणन्छ।

१ कोरिन्थी 4:11

आज सम्म हाम भोका रे तिसाछौ, रे पुराना फाट्या लत्ता लायाछौ, चुटाइ खान्नाछौ रे हामरो घर आथिन।

१ कोरिन्थी 4:9

तर मलाइ इसो लागन्छ कि परमेश्वरले हाम छान्या शिष्यालाइ सब भण्ना पछाका ठाउँमि राखिराइछ, जसेरि तिनन मान्सन जइले मृत्यु दण्ड पाया छन। हाम स्वर्गदुत रे यइ संसारका मान्सनका निउति तमासा होइरइछौ।

२ कोरिन्थी 10:7

तमन बाइर धेकिन्या कुरणीलाइ हेरन्छौ। यदि कसइ मान्सलाइ यो भरोसा छ कि उ ख्रीष्टको हो भण्या, उइले आजी आफइलाइ याद अराओस कि जसो उ ख्रीष्टको हो, हाम लगइ ख्रीष्टइका हौ।

२ कोरिन्थी 11:5

यदि तिनन आफइलाइ सब येशू ख्रीष्टका छान्या शिष्य भण्ना महान भया जसो ब्यबहार अददाहान रे काम अददाहान भण्या म लगइ आफलाइ तिनन जसोइ असल सोच्चउ।

२ कोरिन्थी 3:6

नयाँ करारका सेवकन हुनाइ उनले हामलाइ खुबी दियो, यो पबित्र आत्माको करार हो, कानुनले जोड्या करार होइन। क्याकि लिखित मोशाको कानुन नमाणनु परिणाम मृत्यु हो, तर पबित्र आत्माले अनन्त जीवन दिनाहान।

२ कोरिन्थी 4:11

क्याकि हाम जिउना छनज्या लगइ येशूको खातिर सदाइ मृत्युका खतरामी छौ, ताकि येशूको जीवन हामरा मरणशिल सरीरमि प्रकट होउ।

२ कोरिन्थी 6:9

कसइले हामलाइ सुपरिचित माण्या लगइ कसइले हामलाइ अपरिचित मान्स माणनाहान। मर्या जसा भया लगइ बाँच्याछौ, सजाय पाया लगइ मारिया आथिन।

गलाती 6:17

आब बठेइ कसइले मलाइ कष्ट जन देउ, क्याकि मेरा सरीरमि भया डामले म येशूको दास हु भणबर धेकाउन्छ।

एफिसी 3:1

तबइकिलाइ म, पावल तमनकीलाइ प्रार्थना अद्दउ। मइले तमन, गैर-यहुदिलाइ सुसमाचार प्रचार अर्या रे येशू ख्रीष्टकी निउति काम अर्या हुनाले म झेलमि छु।

एफिसी 4:1

तबइकिलाइ मइले प्रभुको सेवा अर्या हुनाले म झेलमि छु तमनलाइ बिन्ति अद्दउ, कि परमेश्वरले तमनलाइ आफ्नो सन्तान हुनाइलाइ बोलाया त्यो बोलावट अनसार आफ्नो जीवन बिता।

एफिसी 6:20

परमेश्वरले मलाइ यो सुसमाचार प्रचार अददाइ पठाया छ, रे अइल म याँ झेलमि परमेश्वरको राजदुतका रुपमि त्यो काम अददाछु। प्रार्थना अर कि, जसेरि मइले बोल्लु पड्या हो, तसेरि म साहससित सुसमाचार प्रचार अद्द सकु।

फिलिप्पी 1:13

याँ सम्मकि सम्राटका महलमिका चौकीदार सिपाइ रे बाकि जम्माइ मान्सनलाइ यो था भया छ, कि मइले ख्रीष्टको सेवा अर्या हुनाले झेलमि छु।

फिलिप्पी 2:17

जब मइले तमनलाइ सुसमाचार प्रचार अर्या तमनले प्रभु येशूमि बिश्वास अर्या रे आफ्नो जीवन बलिदानका रुपमि उनरा सेवामि दिया। तबइकिलाइ यदि मलाइ सुसमाचार प्रचार अर्या हुनाले तिननले मार्यो भण्या म तमन सबसित खुशी रे आनन्दित हुन्या हु।

कलस्सी 1:24

क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।

कलस्सी 1:29

तबइकिलाइ म कठोर मेहेनत अद्दउ ख्रीष्टले सक्तिशाली रुपमि ममि काम अद्दा छन, रे म उनले दिन्या सक्ति उनरा काम अददाइ प्रयोग अद्दउ।

१ थेसलोनिकि 3:2

रे तमनलाइ बिश्वासमि स्थिर अराउनाइ रे उत्साह दिनाइ, परमेश्वरमि ख्रीष्टका सुसमाचारको सेवक हामरा सहकर्मी भाइ तिमोथीलाइ हामले तमरा वाँ पठाया।

१ तिमोथी 4:6

यदि तमनले यिन कुरणी बिश्वासि भाइनलाइ सिकाया भण्या तमन येशू ख्रीष्टका एक असल सेवक हुन्या हो, जो बिश्वासको सन्देसले बलिया बनाया छ रे त्यो असल शिक्षा जो तमनले माण्याछौ।

२ तिमोथी 1:16

प्रभुले ओनेसिफरसको घरानामि कृपा राखुन, क्याकि भण्या उइले मलाइ भेट्टाइ आया रे भौत बेर मलाइ उत्साह दियो, रे मलाइ याँ झेलमि आइबर भेट्टाइ लाज माणेइन।

२ तिमोथी 1:8

तबइकिलाइ हामरा प्रभुको बारेमि और मान्सनलाइ भण्नाइलाइ लाज जन माणउ, न त लाज माण्न्नु पणन्छ कि उनरो सेवा अर्या हुनाले म झेलमि छु। बरु तुइले परमेश्वरको सक्तिलाइ प्रयोग अददु पणन्छ रे सुसमाचारका निउति मेरो दु:खमी मसित सहभागी हो।

२ तिमोथी 2:9

क्याकि म यो सुसमाचार प्रचार अद्दउ, म एक अपराधी जसेइ दुःख भोग्दाछु, याँ सम्मकि म झेलमि छु, तर परमेश्वरको बचन फइलाउनाइ बठेइ केइले लगइ रोक्द सक्दइन।

२ तिमोथी 3:11

रे एन्टिओखिया, आइकोनियन रे लुस्त्रा सहरमि मान्सनले मलाइ कसेरी दुख दिया रे कष्ट दियो तमनलाइ था छ रे मइले तिन कष्ट सया रे तिन सब बठेइ अइल सम्म प्रभुले मलाइ बचायो।

हिब्रु 10:34

कैदीमि तमनले दया धेकाया, आफ्नो सम्पत्ति लुटिइज्या लगइ खुसीसित सया, क्याकि तमन जाणन्थ्या, कि तमनसित आजी लगइ परमेश्वरले प्रतिज्ञा अर्या चिज छन, जो आजी उत्तम छन रे सदाइकि निउति रइरन्या हुन।