२ कोरिन्थी 11:10 - डोटेली नयाँ करार

¹⁰ म पक्‍का छु कि ख्रीष्टको सत्यता ममि छ, रे अखैया प्रदेशका इलाकाका कसइ बठेइ मइले पैसा लइया आथिन, यो मेरो गौरबलाइ कसइले रोक्द सक्दाइन।

२ कोरिन्थी 11:10 ပူးပေါင်းရင်းမြစ်များ

प्रेरित 18:12

जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

प्रेरित 18:27

अपोल्लोसले अखैया प्रदेशमि जानाइ मन अरन्ज्या भाइनले तिनलाइ ताँ जानाइ उत्साह दियो, रे तिनलाइ स्वीकार अरुन भणि ताँका शिष्यालाइ उत्साह दिइबर चिठ्ठी लेख्यो। अपोल्लोसले अखैया प्रदेशमि पुगिबर प्रभुको अनुग्रह बठेइ बिश्वास अद्द्यालाइ भौत सहयोग अर्यो।

रोमी 1:9

म पुरा हृदयले उनरा चेलोको बारेमि मान्सनलाइ सुसमाचार प्रचारमि उनरो सेवा अद्दउ, रे परमेश्वर मेरा साक्षि छन कि म मेरा प्रार्थनामि तमनलाइ लगातार याद अद्दउ।

रोमी 16:5

तिनरा घरमि जम्मा हुन्या मण्डलिलाइ अबिबादन दिय। मेरा प्यारा भाइ इपेनितस, जो एसिया प्रदेस बठेइ ख्रीष्टमी बिश्वास अद्दया पइलो मान्स हुन, तिनलाइ अबिबादन दिय।

रोमी 9:1

म ख्रीष्टलाइ साक्षि माणिबर सत्य बोल्ला छु, पबित्र आत्मा रे मेरा बिबेकले लगइ यो गवाही दिन्छ कि यो झुटि होइन।

१ कोरिन्थी 16:15

बिश्वासि भाइन हो, तमनलाइ था छ, कि स्तिफनास रे उइका परिबार अखैया प्रदेशमि बिश्वास अद्द्यामि तिनन पइला बिश्वासि हुन। तिननले पबित्र जनका सेवामि आफइलाइ समर्पण अर्या छन।

२ कोरिन्थी 1:1

यो चिठ्ठी पावल रे हामरा बिश्वासि भाइ तिमोथी बठेइ हो। म, पावल परमेश्वरको इच्छा अनसार येशू ख्रीष्टको छान्या शिष्य हु। म यो चिठ्ठी कोरिन्थ सहरमि भया परमेश्वरको मण्डलिलाइ, रे सारा अखैया प्रदेशमि भया सब पबित्र मान्सनलाइ लेख्दाछु।

२ कोरिन्थी 1:23

परमेश्वर मेरो साँचि छन कि म सत्य भण्नाछु। मइले तमनलाइ हप्काउन नचाया हुनाले म कोरिन्थ सहरमि फर्कि आयइन।

२ कोरिन्थी 10:15

हाम सिमा निङालिबर औरका परिश्रममि घमण्ड अद्दाइन, तर हामरो आसा यो छ, कि तमरो बिश्वास बड्डारया बेला तमरा बिचमि हामरो काम झिक बड्डोइ जान्या हो,

२ कोरिन्थी 11:12

म तमनसित सहयोग लिन सक्दइन ताकि म तिननलाइ रोक्द सकु जो हामले परमेश्वरको काम अर्या जसेरि तिननले अददाहान भणि घमण्ड अद्द्या मौका खोज्जाहान।

२ कोरिन्थी 11:31

परमेश्वर, हामरा प्रभु येशूका पिता जो सदासर्वदा धन्यका हुन उन जाण्नाहान कि म ढाट्टइन।

२ कोरिन्थी 12:19

कि तमन यो सोच्चा छौ, कि अइल सम्म तमरा सामने हाम आफ्नो सफाइ दिन्नाछु? प्यारा भाइन हो, हाम परमेश्वरको उपस्थितिमि सदाइ ख्रीष्टमी भया मान्स जसेरि बोल्लाइ आया छु, रे यिन सब तमनलाइ बिश्वासमि बलिया बनाउनाइ निउति हो।

२ कोरिन्थी 9:2

क्याकि म तमरो सहयोग अद्द्या इच्छा जाण्नउ, रे तमरा बारेमि मइले माकेडोनिया प्रदेसका बिश्वासिनलाइ लगइ घमण्ड अद्दोइ भण्या, कि पोर साल बठेइ अखैया प्रदेशका मान्सन दिनाइ तयार थ्या, तमरो दिन्या इच्छाका लाग्दा तिनन मध्ये भौतको आब दिन्या इच्छा भया छ।

गलाती 1:20

परमेश्वर मेरा साक्षि छन कि मइले तमनलाइ जो लेख्ग्या छु त्यो पुरा सत्य छ।

गलाती 2:20

यो इसो हो कि ख्रीष्ट क्रुसमि मर्या, रे म लगइ मर्या। म आब जिउन्या होइन, तर ख्रीष्ट ममि जिउनाहान। रे जो जीवन म अइल जिउनाछु त्यो म परमेश्वरका चेलोमी बिश्वास अरिबर जिउनउ, जइले मलाइ भौत प्रेम अर्यो यिति सम्मकि उनले आफ्नो जीवन मेरा निउति दियो।

१ थेसलोनिकि 2:10

तमन साक्षि छौ, रे परमेश्वर लगइ साक्षि छन कि तमन सब बिश्वासीसित हामले परमेश्वरलाइ खुशी बनाउन्या जीवन बिताया, ठीक काम अर्या, रे निर्दोष जीवन बिताया।

१ थेसलोनिकि 2:5

तमनलाइ था छ कि हामले तमनलाइ निकी कुरणी अरिबर कभइ खुशी बनाउन्या कोशिस अरेइन, न त पैसा पाउनाइ हामले इसो अर्या। क्याकि हाम लोपि आथिन। परमेश्वर हामरा साक्षि छन कि हामले तसो ब्यबहार अरेइन।

१ तिमोथी 2:7

तबइकिलाइ परमेश्वरले मलाइ सुसमाचारको प्रचारक रे एक छान्या शिष्य हुनाइलाइ नियुक्त अर्यो। उनले मलाइ बिश्वासको सत्य सन्देश गैर-यहुदिलाइ सिकाउनाइलाइ नियुक्त अर्यो। म झुटि बोल्लारयइन, म सत्य बोल्ला छु।