२ कोरिन्थी 1:8 - डोटेली नयाँ करार

⁸ बिश्वासि भाइन हो, हामले एसिया प्रदेशमि भोग्या दु:खका बिसयमि तमनले था पाया म चाहानउ, क्याकि हाम पुरा किसमले बोजले दबिया थ्या त्यो बोज हामले सन नस्क्द्या थ्यो, रे हामले सोच्या कि यइ बठेइ हाम कभइ बाच्च सक्दाइन।

२ कोरिन्थी 1:8 ပူးပေါင်းရင်းမြစ်များ

प्रेरित 16:6

पबित्र आत्मा बठेइ एसिया प्रदेसमि बचन प्रचार अद्द जन जा भण्या हुनाले पावल, सिलास रे तिमोथी फ्रिगिया जिल्ला रे गलातिया प्रदेस होइबर गया।

प्रेरित 19:41

यिन कुरणी भणबर उनले सभालाइ बिदा अर्यो।

प्रेरित 2:9

हाममि हइ कोइ मान्सन पार्थिन, मादिन, रे एलामीन, रे मेसोपोटामिया देशका, यहुदिया, कापाडोकिया, पोन्टस रे एसियाका बासिन्दा छौ।

रोमी 1:13

बिश्वासि भाइन हो, तमनलाइ यो था होउ भण्न्या म चाहानउ कि मइले गैर-यहुदि मान्सनका बिचमि काम अर्या जसेरि तमनलाइ आत्मिक रुपमि बड्डाइ सहयोग अददाइ म आउन चाहानथ्या। तर मलाइ अइल सम्म केइ कुरणीले रोकिराइछ।

१ कोरिन्थी 15:32

याँ एफिसस सहरमि, मेरा सतुर दुष्ट जंगली जनाबर जसाइ छन, जो मेरो हानि अद्दया इच्छा अददाहान। यदि मेरो इनाम यइ संसारमी मान्तर छ भण्या, क्याइ मइले अइल सम्म यो सहनु? यदि म अन्तका दिनमि मर्या बठेइ जिउनो हुनइन भणन्या कुरणी सत्य हो भण्या, मइले ब्या अर्या भया असल हुनेइथ्यो, जसो भणाइ छ, “हाम खाँउ रे पिउ, क्याकि भोल त हाम मरि जान्या हु।”

१ कोरिन्थी 16:9

क्याकि याँ लगइ भौत मान्सन छन जो परमेश्वरको बचन सुणन चहानाहान, रे मइले याँ बस्सुको ठुलो महत्व छ। जबकि याँ लगइ परमेश्वरका सतुर भौत छन।

१ कोरिन्थी 4:8

यो ठीक होइन, कि तमनले आत्मिक रुपमि चाइन्या सब कुरणी पाइसक्याछौ भणि धेकाउछौ। तमन इसो धेकाउछौ कि तमन आत्मिक रुपमि धनि छौ। तमन इसो धेकाउछौ कि तमनले हाम बिना राजाका रुपमि सासन अद्द सुरु अरि सक्याछौ। तमनले साच्ची उनसित सासन अर्या भया म खुशी हुनेइथ्या, ताकि हाम छान्या मान्स लगइ तमनसित सासन अद्देइथ्या!

२ कोरिन्थी 1:9

हाम पक्‍का मारिन्या हौ जसो हामलाइ लाग्याथ्यो। हाम आफइमी होइन तर मर्यालाइ जिउना बनाउन्या परमेश्वरमि हाम भर पड्ड सकु भणबर इसो भया रइछ।

२ कोरिन्थी 6:9

कसइले हामलाइ सुपरिचित माण्या लगइ कसइले हामलाइ अपरिचित मान्स माणनाहान। मर्या जसा भया लगइ बाँच्याछौ, सजाय पाया लगइ मारिया आथिन।