१ तिमोथी 3:14 - डोटेली नयाँ करार

¹⁴ मइले तमनका वाँ छिट्टाइ आउन्या आसा राख्यालगइ, म तमनलाइ यो आदेस लेख्दाछु।

डोटेलि

¹⁴ मु तेरा वाँ छिट्‍टाइ आउन्‍या आसामि छु, तर लइ यो चिट्‌ठि लेख्‍दाछु।

१ तिमोथी 3:14 ပူးပေါင်းရင်းမြစ်များ

१ कोरिन्थी 11:34

यदि कोइ भोको छ भण्या तइले आफ्ना घरमि खाओस, ताकि जब तमन जम्मा हुन्छौ तब तमन ठीक किसिमले ब्यबहार अद्द सक, रे परमेश्वरले तमरो न्याय अद्द्या आथिन। और कुरणिका बारेमि म आया पछा निर्देसन दिउलो।

१ थेसलोनिकि 2:18

तबइकिलाइ हाम तमरा वाँ आउन खोज्याथ्या म पावल बेर-बेरि आउनाइ चाहानथ्या तर सैतानले तमरा वाँ आउना बठेइ रोक्याथ्यो।

१ तिमोथी 3:13

जइले सेवकको काम नीकेरि अरन्छ, तिननले मान्सन बठेइ आदर पाउन्या हुन रे तिननले ख्रीष्ट येशूमि भया आफ्नो बिश्वास साहससित भणन सकद्या हुन।

१ तिमोथी 3:15

यदि म आउनाइ ब्यालो भयो भण्या तमनलाइ था हुनु पणन्छ, कि परमेश्वरको परिबारका सदस्य भइबर कसेरी हामले आफ्नो जीवन बिताउनु पणन्छ जो जिबित परमेश्वरको मण्डलि हो। यिन बिश्वासीनले सत्य शिक्षालाइ सहयोग दिनाहान रे स्थिर राख्दाहान जसेरि घरका जग रे खामाले घरलाइ आड दिन्छ रे बलियो बनाउन्छ।

१ तिमोथी 4:13

म ताँ नआउन्ज्या सम्म बिश्वासीनकिलाइ पबित्र सास्त्र ठुलो स्वरमि पड्डाइ, उत्साह दिनाइ रे पबित्र सास्त्रको अर्थ सिकाउनाइलाइ समय दिय।

फिलेमोन 1:22

रे मेरि निउति कोठा ठीक पाडी राख, क्याकि तेरा प्रार्थना बठेइ म लगइ तेरा वाँ आउन पाउनौ कि भण्न्या आसा अद्दउ।

हिब्रु 13:23

तमनलाइ यो था दिन चाहानौ, कि हामरो साथी तिमोथी कैद बठेइ छुटिरइछ। यदि उ छँटाइ आयो भण्या म उइसित तमनलाइ भिट्टाइ आउन्या हु।

२ यूहन्ना 1:12

मइले तमनलाइ भौत कुरणी भण्नु पड्डया छ, तर म यो चिठ्ठीमि इसेरि लेख्द चाहानैन, म तमरा वाँ आउनौ रे तमनसित सिदा कुरणी अद्दउ रे तब हाम भौत खुशी हुन्या हु।

३ यूहन्ना 1:14

म तमनसित छिट्टाइ भेट्टाया आसा अद्दउ, रे म तमनसित सिदा कुरणी अद्दया हु।