१ तिमोथी 2:1 - डोटेली नयाँ करार

¹ सब कुरणी भण्ना महत्वपूर्ण म बिन्ति अद्दउ कि सब मान्सनका निउति परमेश्वरलाइ नम्र-निबेदन, प्रार्थना रे मध्यस्थ बिन्ति रे धन्यबाद दिय।

डोटेलि

¹ मु अनुरोध अद्‍द चाहानउ कि सबभन्‍ना पइल्‍लि सप्‍पइ मान्‍सकि निउति प्रार्थना, नम्र-निबेदन, अन्‍तर्बिन्‍ति प्रार्थना रे धन्‍यबाद लइ चडाउन्‍या अर।

१ तिमोथी 2:1 ပူးပေါင်းရင်းမြစ်များ

प्रेरित 17:30

तबइकिलाइ परमेश्वरले मान्सनका नजाण्या बेलालाइ ध्यान दिएइन, तर आब हरेक ठाउँमि सब मान्सनलाइ पाप अद्द छाडिबर परमेश्वरतिर फर्क भण्न्या आज्ञा दिनाहान।

रोमी 1:8

सबहइ पइल्ली, म मेरा परमेश्वरलाइ येशू ख्रीष्ट बठेइ तमन सबका निउति धन्यबाद चडाउनउ, क्याकि येशू ख्रीष्टमी तमनले कसेरी बिश्वास अर्या भणबर भौत ठाउँका मान्सनले भण्ना हान।

रोमी 6:17

पइल्ली तमन पापका नौकर थ्या, तर आब तमनलाइ सिकाया शिक्षा तमन माणन्या भयाछौ। म यइकि निउति परमेश्वरलाइ धन्यबाद दिनउ।

१ कोरिन्थी 15:3

क्याकि मइले प्रभु येशू बठेइ पाया सबहइ महत्वपूर्ण सन्देश मइले तमनलाइ भण्या। त्यो सन्देश यो हो: पबित्र सास्त्र अन्सार ख्रीष्ट हामरा पापका निउति मर्या।

२ कोरिन्थी 8:6

तबइकिलाइ तीतसले पइल्ली बठेइ तमरा बिचमि यो दान उठाउन्या काम सुरु अर्या हुनाले, त्यो पुरा लगइ अरुन भणि हामले तिनलाइ बिन्ति अर्या।

एफिसी 3:13

म तमनलाइ बिन्ति अद्दउ, कि तमरा निउति मइले भोग्या कष्टमी तमन निरास जन हौ। यो सब तमरो फाइदाकिलाइ हो।

एफिसी 5:20

रे हामरा प्रभु येशू ख्रीष्टले अर्या सब कामकीलाइ हामरा पिता परमेश्वरलाइ सदाइ धन्यबाद दिय।

एफिसी 6:18

सदाइ प्रार्थना रे निबेदन सित सब समय पबित्र आत्माको अगुवाइमी प्रार्थना अर। यइ उद्देश्यले लगनशिल रे सतर्क होइबर सब ठाउँमि भया परमेश्वरका जनकि निउति लगातार प्रार्थना अर।

फिलिप्पी 1:3

जबलगइ म तमरा बारेमि सोचउ तब म परमेश्वरलाइ धन्यबाद चडाउनउ।

फिलिप्पी 4:6

केइ कुरणीमि लगइ चिन्ता जन अर, तर तम हरेक परिस्थितिमि प्रार्थना रे निबेदनले धन्यवादसित तमरा बिन्ति परमेश्वरलाइ चढा।

१ थेसलोनिकि 3:12

हाम प्रार्थना अददाउ कि हामरा प्रभु येशूले एक-अर्खालाइ रे सब मान्सनसित प्रेम अददाइ सहयोग अरुन, प्रभुले तमरो प्रेमलाइ लाइ बडाउन जसेरि हामरो प्रेम तमनकीलाइ पइल्ली बठेइ छ।

२ थेसलोनिकि 1:3

बिश्वासि भाइन हो, हाम तमनका निउति परमेश्वरलाइ सदाइ धन्यबाद चडाउनाउ। यो अददु हामलाइ उचित छ क्याकि येशू ख्रीष्टमी तमरो बिश्वास झिक-झिक बड्डा छ, रे तमरो प्रेम एक-अर्खाकीलाइ झिक-झिक बड्डा छ।

१ तिमोथी 2:4

उनले सब मान्सन बच्या रे सत्यको ज्ञानमि आया चाहानान।

१ तिमोथी 5:5

तिन बिधवा जइसित तिनरो खाचो पुरा अद्द्या रे हेरचाह अद्द्या कोइ आथिन, तिनले परमेश्वरइमी आसा राखन्छिन, रे रातदिन नम्र निबेदन रे प्रार्थनामि परमेश्वरसित सहायता मागेइकि हुन्छिन।

२ तिमोथी 2:24

प्रभुको सेवक झगडालु हुनु हुनइन, तर उ हरेक सित दयालु, परमेश्वरको बचन ठीकसित सिकाउन सक्द्या रे मान्सनसित सहनशील हुनु पणन्छ।

तितस 2:11

क्याकि परमेश्वरले सब मान्सलाइ पाप बठेइ मुक्ति दिन्या बाटो धेकाइबर आफनो अनुग्रह प्रकट अर्याछ।

तितस 3:2

तिननले कसइको बदनाम जन अरुन, औरसित सान्तिमि बसुन, नम्र होउन रे सब मान्सनसित भद्रताको ब्यबहार अरुन।

हिब्रु 6:11

अल्छी जन होउ। तर कडा मेहनत अद्द्याले जसेरि तमनले लगइ यिन प्रेमिलो काम धैर्यता रे बिश्वास सहित अन्त सम्म अरिराख्दु पणन्छ, रे परमेश्वरका प्रतिज्ञा पाउनाइ दृढ आसा हुनु पणन्छ।

याकुब 5:16

तबइकिलाइ तमन एक-अर्खाका सामने आफना-आफना पापलाइ स्वीकार अर, ताकि तमन निको हुन सक, रे एक-अर्खाका निउति प्रार्थना अर। धर्मिजनको प्रार्थना सक्तिशाली रे प्रभाबशाली हुन्छ।