१ थेसलोनिकि 5:21 - डोटेली नयाँ करार

²¹ सब सन्देश परमेश्वर बठेइ हो कि होइन भणबर जान्नाइलाइ जाँच अर। निका सन्देसलाइ स्वीकार अर रे पालन अर।

डोटेलि

²¹ तर सप्‍पइ कुराको जाँच अर रे जो कुरा असल छ तसइ कुरामि लागिरय।

१ थेसलोनिकि 5:21 ပူးပေါင်းရင်းမြစ်များ

लूका 12:57

“तमनले कि अददु ठीक हो भणि तमन आफइले निर्णय अद्दु पणन्छ।

यूहन्नाले लेख्या सुसमाचार 15:4

तमन ममि रअ रे म तममि रनउ। जसेरि हाङाले अंगुरको बोटमि रएन भण्या आफइ फल फलाउन सक्दैन। तसेरि तमन ममि रयानु भण्या तम लगइ असल फल फलाउन सक्दाहान।

यूहन्नाले लेख्या सुसमाचार 8:31

तब आफलाइ बिश्वास अद्द्या तिनन यहुदि मान्सनलाइ येशूले भण्यो, “तमन मेरा बचनमी लागिरया भण्या साँच्चि तमन मेरा शिष्या हौ।

प्रेरित 11:23

तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

प्रेरित 17:11

ताँका यहुदि मान्सन थेसलोनिके सहरका मान्सन हइ भौत निका थ्या, तिननले परमेश्वरको बचन खुशी भइबर सुण्यो, पावलले भण्या कुरणी ठीक छ कि आथिन भणबर तिननले दिना दिन पबित्र सास्त्र पडिबर छानबिन अरन्थ्या।

रोमी 12:2

यइ संसारका मान्सन जसा जन हो, तर परमेश्वरले तमनलाइ तमरो सोच्च्या तरिका बदलिबर तमनलाइ नयाँ मान्समि बदल्ल दिय। तब तमनले परमेश्वरको असल, ग्रहणयोग्य रे सिद्द इच्छा कि हो, त्यो बुज्जया हौ।

रोमी 12:9

अरुलाइ प्रेम अर्या जसो जन धेका। जो कुरणी खराब छ, तइलाइ घृणा अर। जो कुरणी निकी छ, तइ कुरणी उत्सुक भइबर लगातार अरि राख।

१ कोरिन्थी 15:58

तबइकिलाइ मेरा प्रिय बिश्वासि भाइन हो, आफ्ना बिश्वासमि बलिया हौ, रे झुटा शिक्षा बठेइ अलग बस। प्रभुका काममी सदाइ असल अद्दाइ जा। क्याकि तमन जाणन्छौ कि, प्रभुकीलाइ अर्या तमरो मिहिनत व्यर्थ हुन्या आथिन।

१ कोरिन्थी 2:11

क्याकि तइ मान्स बाहेक और कसइलाइ लगइ था हुनइन कि तइ मान्सले साच्ची कि सोच्चा छ, रे पबित्र आत्मा बाहेक और कसइलाइ था हुनइन कि परमेश्वरको बिचार कि हो।

गलाती 6:10

तबइकिलाइ मौका पाए सम्म हामले सब मान्सनलाइ भलाइ अद्दु पणन्छ, बिसेस अरिबर बिश्वासि मान्सनलाइ।

एफिसी 5:10

परमेश्वरलाइ खुशी बनाउन्यइ कुरणी सिक्द्या कोशिस अर।

फिलिप्पी 1:10

ताकि जो काम अददु असल छ त्यो काम तमनले छान्न सक, रे जब येशू ख्रीष्ट फर्कि आउन्याहुन तइ दिनकि निउति तमन सुद्द रे दोस रहित रन सक।

फिलिप्पी 3:16

तबइकिलाइ परमेश्वरले पइल्ली हामलाइ प्रकट अर्या सत्यता अनसार हामले काम अददु पणन्छ।

फिलिप्पी 4:8

अन्तमी बिश्वासि भाइन हो, जी सत्य छ, जी आदरणीय छ, जी धर्मि छ, जी सुद्द छ, जी सुन्दर छ, जी प्रसंसा अद्द्या योग्यको छ, जी असल छ, रे कसइमी मान्सन बठेइ आदर पाउन्या स्वभाव छ भण्या यिसा कुरणीमि मन ला।

१ थेसलोनिकि 5:15

यो याद अर कि कसइले खराबिको बादलमि खराबी जन अरउ, तर तमनले सदाइ एक-अर्खालाइ रे सबइलाइ निका काम अद्द्या कोशिस अददु पाणन्छ।

१ थेसलोनिकि 5:22

सब किसिमका खराबी बठेइ अलग बस।

२ थेसलोनिकि 2:15

तबइकिलाइ बिश्वासि भाइन हो, स्थिर होउ, रे हामले तमनलाइ दियाको त्यो शिक्षामि लगातार बिश्वास अरिराख जो हामले तमनसित व्यक्तिगत रुपमि रे हामरो पत्र बठेइ हामले तमनलाइ भण्याथ्या।

२ तिमोथी 1:15

एसिया प्रदेशमि रन्या भौत बिश्वासीले मलाइ अस्वीकार अर्या छन त्यो तमनलाइ थाइछ, तिनन मध्ये फुगेलस रे हर्मोगेनस हुन।

२ तिमोथी 3:6

क्याकि यिन मध्ये कोइ मान्सन घर घर जाइबर पापमि रे ननिका इच्छाका अधिनमी पर्या मुर्ख स्वानिनलाइ आफ्ना अधिनमी पड्डाहान।

२ तिमोथी 4:14

धातुको काम अद्द्या अलेकजेन्डरले मलाइ हर किसिमले दुःख दियो। प्रभुले तइसित तइका दुष्ट काम अन्सार बदला लिन्या हुन।

हिब्रु 10:23

जो आसा हामसित छ भणि हाम भण्नाउ तइ आसालाइ बलियोसित समाइराखौ, क्याकि उनले प्रतिज्ञा अर्या कुरणी पुरा अद्दया हुन भणि हामले परमेश्वरमि बिश्वास अद्द सक्दाउ।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

प्रकाश 2:2

मलाइ था छ तम कसा काम अर्न्छौ, तम कसेरी मेहनत अर्न्छौ रे कभइ हार माणनानु। मलाइ था छ कि तम दुष्ट मान्सनका झुटा शिक्षालाइ सनानु। तमले तसा मान्सलाइ परिक्षा अर्या जइले आफ छान्या शिष्या हुँ भण्नाहान तर साच्ची तिनन होइन, रे तमले पत्ता लाया कि तिनन झुटा छन।

प्रकाश 3:11

म छटाइ आउन्ना छु। तमनले ममि दृढ़ भइबर बिश्वास अरि राख ताकि तमरो मुकुट कसइले लइजान जन सकउ।

प्रकाश 3:3

तमनले पइल्ली सुण्या रे बिश्वास अर्या शिक्षालाइ याद अर। तमनलाइ जी सिकाइया थ्यो तइलाइ पालन अर, तमरो लापरबाइ बठेइ पाप अद्द छाडिबर परमेश्वरतिर फर्क। यदि तमनले लापरबाइ अद्द छाड्यानु भण्या, मेरो आगमन एक चोरको आगमन जसोइ अचानक हुन्या हो, रे तमनलाइ त्यो बेला लगइ था हुनइन जब म तमनलाइ सजाय दिन आउनउ।