१ यूहन्ना 4:17 - डोटेली नयाँ करार

¹⁷ इसेरि जब हाम परमेश्वरसित एकतामी रनाउ हामरो प्रेम सिद्द हुनोइ जान्छ, तबइकिलाइ न्यायका दिनकि निउति हाम डराउन्या आथिन तर हाम उनरा अगाडी निर्धक्‍कसित कल्लि सक्दाउ क्याकि यइ संसारमी हामले लगइ ख्रीष्टले जसेरि जीवन बिताया।

१ यूहन्ना 4:17 ပူးပေါင်းရင်းမြစ်များ

मत्ती 10:15

साँच्चि, म तमनलाइ भण्नउ, न्यायका दिनमि तइ सहरको दसा भण्ना बरु सदोम सहर रे गमोरा सहरको हालत बड्ता सइ सकीन्या हुन्या हो।”

मत्ती 10:25

शिष्या आफना गुरु जसो रे नौकर आफना मालिक जसो हुनु भौत छ। यदि तिननले आफना मालिकसित ननिको ब्यबहार अद्दान रे उइलाइ सैतान भण्नाहान भण्या, तिननले उइका नौकरसित झिक कति बड्ता ननिको ब्यबहार अद्दान।

मत्ती 11:22

तर म तमनलाइ भणनउ परमेश्वरले न्यायका दिनमि तमलाइ दिन्या दण्ड भण्ना टुरोस रे सिदोन सहरलाइ दिन्या दण्ड कम हुन्या हो।

मत्ती 11:24

तर म तमनलाइ भण्नउ, परमेश्वरले न्यायका दिनमि तमलाइ दिन्या दण्ड भण्ना टुरोस रे सदोम सहरलाइ दिन्या दण्ड कम हुन्या हो।

मत्ती 12:36

म तमनलाइ भण्नउ, हरेक बेकारकि कुरणी जो मान्स बोल्लाहान, न्यायका दिनमि तिननले तइको लेखा दिनु पड्डया हो।

यूहन्नाले लेख्या सुसमाचार 15:20

मइले तमनलाइ भण्या कुरणी याद राख, ‘नौकर आफना मालिक भण्ना ठुलो हुनइन।’ तिननले मलाइ सतायो भण्या तमनलाइ लगइ सताउन्या हुन। तिननले मेरो शिक्षा पालन अर्यो भण्या तमरो शिक्षा लगइ पालन अद्द्या हुन।

यूहन्नाले लेख्या सुसमाचार 17:22

जइ महिमा तमले मलाइ दिइराइछौ, मइले तिननलाइ दिइराइछु, कि जसेरि हाम एकइ छु। तसेरि तिनन लगइ एकइ होउन।

रोमी 8:29

क्याकि जइलाइ परमेश्वरले पइल्ली बठेइ चुन्या छ, तिननलाइ पइल्ली बठेइ उनरा चेलो जसा हुन्या निर्णय अर्याछ, ताकि उनरा चेलो भौत भाइनमि हइ जेठ्ठाइ हुन सकुन।

हिब्रु 9:27

हरेक मान्स एक बेर मद्दु पणन्छ। रे मर्या पछा परमेश्वरले हरेक मान्सको न्याय अद्दया हुन।

याकुब 2:13

क्याकि जइ मान्सले औरलाइ दया धेकाया आथिन, उइलाइ लगइ दया धेकाइन्या आथिन तर यदि तमनले दया धेकाया भण्या, जब परमेश्वरले न्याय अद्द्या हुन उनले लगइ तमनलाइ दया धेकाउन्या हुन।

याकुब 2:22

तमन धेकन्छौ कि उनरा काम सित बिश्वास लगइ सक्रियथ्यो, रे उनरा कामइ बठेइ उनरो बिश्वास सिद्द भयाथ्यो।

२ पत्रुस 2:9

प्रभुले यिन सब काम अर्या हुनाले, यइले यो धेकाउन्छ कि उनले परमेश्वरका नजरमि ठीक मान्सलाइ तिनरो कष्ट बठेइ जोगाउनाइ रे न्यायका दिन सम्म दुष्ट मान्सनलाइ निरन्तर सजाय दिन जाण्नाहान।

२ पत्रुस 3:7

तर परमेश्वरले तसइ बचनले अग्गास रे पृथ्बी अइल लगइ अस्तित्वमि राख्या छ, ताकि तिननलाइ आगोले नास अद्द सकउ। परमेश्वरले तिनन मान्सनलाइ न्यायकी दिनकि निउति राख्या छ, उनले तिनन मान्सलाइ नास अद्द्या हुन, जइले उनरो आज्ञापालन अद्दइन।

१ यूहन्ना 2:28

तमन जो मेरा प्यारा बालक जसाइ छौ, लगातार ख्रीष्टमी एक होइरउ, ताकि उन आजी आउन्या बेला हाममि हिम्मत होउ, रे उनरा आगमनमी उनरा अगाडी हामलाइ शर्माउनु जन पणउ।

१ यूहन्ना 2:5

तर जइले परमेश्वरको बचन पालन अरन्छ, तइमि परमेश्वर प्रतिको प्रेम साँच्चि नइ सिद्द भया हुन्छ। हाम परमेश्वरसितको एकतामी छौ भण्न्या कुरणीमि इसइ बठेइ पक्का हुनाउ।

१ यूहन्ना 2:6

जो लगइ परमेश्वरसितको एकतामी छु भणि दाबि अरन्छ तइले येशूकी जसेरि जीवन बिताउनु पणन्छ।

१ यूहन्ना 3:1

बिचार अर, कि पिता परमेश्वरले हामलाइ कति भौत प्रेम अरिराइछ। साच्ची, हाम परमेश्वरका सन्तान हौ! तर यइ संसारका मान्सनले हामलाइ चिन्नैन कि हाम परमेश्वरका सन्तान हउ। क्याकि यइ संसारका मान्सनले पिता परमेश्वरलाइ चिन्नाइन।

१ यूहन्ना 3:3

रे हरेक मान्स जइले यो आसा अरन्छ कि उ ख्रीष्ट जसो पाप बिनाको हुन्या हो उइले आफइलाइ पाप बठेइ दुर राख्दु पणन्छ।

१ यूहन्ना 3:7

तमन जो मेरा प्यारा बालक जसाइ छौ, कसइ मान्सले तमनलाइ छल्ल जनपाओस। जइ मान्सले परमेश्वरका नजरमि ठीक काम अरन्छ, तिनन ख्रीष्ट जसाइ परमेश्वरका नजरमि असल छन।

१ यूहन्ना 4:12

परमेश्वरलाइ कसइले कभै धेक्या आथिन। यदि हामले एक-अर्खालाइ प्रेम अर्या भण्या परमेश्वर हाममि रनाहान, रे उनरो प्रेम हाममि सिद्द भया हुन्छ।