१ कोरिन्थी 9:25 - डोटेली नयाँ करार

²⁵ खेलाडिले नष्ट हुन्या मुकुट पाउनाइ भौत महेनत अरन्छ, तर हाम सदाइ रन्या मुकुटकिलाइ काम अद्दाउ।

१ कोरिन्थी 9:25 ပူးပေါင်းရင်းမြစ်များ

१ कोरिन्थी 15:54

जब यिसो हुन्छ, तब परमेश्वरले पबित्र शास्त्रामि लेख्या कुरणी पुरा हुन्या हो, जइले यिसो भणन्छ, “मृत्यु सदाइकिलाइ पराजित हुन्या हो, रे अस्तित्वमि रन्या होइन।”

गलाती 5:23

नम्रता रे संयम हुन, इसो केइ कानुन आथिन जइले इसा गुणको बिरोध अरन्छ।

१ तिमोथी 6:12

युद्दमि असल सिपाइकि जसेरि जइले कभइ लडाइ लड्ड छाड्डइन, तुइले, लगइ, परमेश्वरमि बिश्वास अद्दु रे आज्ञापालन अद्दु कभइ छाड्डु पड्डइन। रे अनन्त जिवनलाइ समाइ राख, जइकिलाइ तु बोलाइया हइ। भौत मान्सनका अगाडी तुइले साहससित भण्या थी कि तुइले ख्रीष्टमी बिश्वास अरन्छइ।

२ तिमोथी 2:5

इसेरि जब कसइले खेलमि भाग लिन्छ भण्या तइले तब सम्म इनाम पाउनइन जबसम्म त्यो नियम अन्सार खेल्लइन।

तितस 1:8

तर अतिथि सत्कार अद्दया, औरको भलाइ अद्दया, संयमि, ठीक काम अद्द्या, पबित्र, रे आत्मानियंत्रण अद्द्या हुनु पणन्छ।

तितस 2:2

तमनले बुढा मान्सलाइ सिकाउनु पणन्छ कि तिनन आत्मा नियंत्रित हुनु पणन्छ, रे मान्सनले तिननलाइ आदर अद्द्या किसिमको ब्यबहार अददु पणन्छ, रे समजदारीसित ब्यबहार अददु पणन्छ। तिननले परमेश्वरमि पक्‍का बिश्वास अददु पणन्छ, और मान्सनलाइ साँचो प्रेम अददु पणन्छ रे तिनन धैर्य हुनु पणन्छ।

हिब्रु 12:28

तबइकिलाइ हलाउन नसकिन्या राज्य पायामि हामलाइ धन्यबादी हुन दिय। रे हाम भक्ति रे डरसित परमेश्वरलाइ ग्रहणयोग्य आराधना चढाऔ।

हिब्रु 12:4

तमनले पापको बिरुद्द अर्या सङ्घर्षमी, मान्सनले तमरो हत्या अर्या अबस्था सम्म त सहनु पण्या आथिन।

याकुब 1:12

त्यो मान्स धन्यको हो जो परीक्षामि स्थिर रन्छ, क्याकि उइले आफ्नो बिश्वासलाइ प्रमाणित अर्या पछा उइले जीवनको मुकुट पाउन्या छ, जो परमेश्वरले उनलाइ प्रेम अद्द्या सबलाइ दिन्या प्रतिज्ञा अर्या छ।

१ पत्रुस 1:4

परमेश्वरले हामरा निउति तयार अर्या असल चिज पाउनाइ पखिरइ छौ। कसइले लगइ तिनन चीजलाइ नष्ट अद्द सक्दइन। केइ कुरणीले लगइ तइलाइ बिगाड्ड सक्दइन। तिनन चिज कभइ पुराना अथवा कम सुन्दर हुन्या छइन। परमेश्वरले तिन चिज तमनकीलाइ स्वर्गमि राख्या छ।

१ पत्रुस 5:4

जब येशू ख्रीष्ट फर्कि आउन्याहुन, जो हामरो मुख्य ग्वाला हुन, तब तमनलाइ एक सुन्दर मुकुट दिन्या हुन, जइको चमक कभइ कम हुन्या आथिन।

२ पत्रुस 1:6

तमनले ज्ञानि भइबर मान्तर जीवन बिताउनु हुनइन, तर तमन आफइ संयमि लगइ हुनु पणन्छ। तमन आफइ संयमि हुन्या मान्तर होइन, तर तमन दुःखमि लगइ धैर्य भइबर बस्सु पणन्छ। तमन धैर्य भइबर बस्सु मान्तर होइन, तर तमनले परमेश्वरलाइ खुशी बनाउन्या जीवन लगइ जिउनु पणन्छ।

प्रकाश 2:10

तमनले पाउन्या पिडा बठेइ जनडरा। सैतानले तमन मध्ये केइ जानालाइ मान्सन बठेइ पकोडन्छ रे तमरो जाँच अददाइलाइ तमनलाइ झेलमि पठाउनछ। तमले दस दिनकि निउति ठुलो समस्या अनुभव अद्द्या हौ। तर ममि बिश्वास अर्या हुनाले तमलाइ मारिया लगइ तमन कभइ हरेस जन खा, क्याकि म तमनलाइ अनन्त जीवन दिन्या हु, त्यो तमरो जितको पुरुस्कार हो।

प्रकाश 3:11

म छटाइ आउन्ना छु। तमनले ममि दृढ़ भइबर बिश्वास अरि राख ताकि तमरो मुकुट कसइले लइजान जन सकउ।

प्रकाश 4:4

चौबिस सिहासनले तइ सिहासनलाइ घेरया थ्यो रे मुन्टामि सुनका मुकुट रे सेता लत्ता लाया चौबिस जाना अगुवान तिन सिंहासनमि बस्या मइले धेक्या।