१ कोरिन्थी 9:20 - डोटेली नयाँ करार

²⁰ त्यो भण्या, जब म यहुदि मान्सनसित हुनउ, तब म तिननलाइ ख्रीष्टमी ल्याउनाइ मइले यहुदि मान्सनकि जसेरि जीवन बिताया। जब म यहुदि कानुन पालन अद्द्यासित थ्या, तब मइले लगइ कानुनका अधिनमी जीवन बिताया। जबकि मइले तिन कानुन पालन अददु पड्डया थेइन, मइले इसो अर्या, ताकि म कानुनका अधिनमी भयालाइ ख्रीष्टमी ल्याउ सकु।

१ कोरिन्थी 9:20 ပူးပေါင်းရင်းမြစ်များ

प्रेरित 16:3

तिनलाइ पावलले आफसित लैन्या मन अर्यो। तिन ठाउँमि रन्या यहुदि मान्सनका लाग्दा पावलले तिनलाइ लैजाइबर खतना अर्यो। क्याकि तिनरा बा ग्रीक देशमि बस्यावाला हुन भण्न्या उन सबलाइ थाथ्यो।

प्रेरित 18:18

तइ पछा पावल भौत दिन सम्म कोरिन्थ सहरमि बस्या। तब भाइनसित बिदा होइबर तिन जहाजमि चडिबर सिरिया प्रदेसमि गया। तिनसित प्रिस्किला रे तइका बैकान अकिलास लगइ थ्या। केइ समय पइल्ली बाचा अर्या हुनाले पावलले किंक्रिया सहरमि आफना रौ खुडेयो।

रोमी 11:14

यइ आसामि कि मेरा आफनाइ यहुदि मान्सनलाइ डाहि बनाउन सकु, ताकि तिननमि हइ कसइलाइ बचाउन सकु।

रोमी 3:19

हाम जाँण्नाउ, जी-जति कानुनले भणन्छ त्यो कानुनका अधिनमी हुन्या मान्सलाइ भणन्छ, ताकि मान्सन बाहाना जनबनाउन रे संसारमी भया सब मान्सन परमेश्वरका न्यायका अधिनमी होउन।

गलाती 2:19

क्याकि म बुज्जउ कि मोशाको कानुन पालन अरिबर म धर्मि ठहरिन सक्दइन। तबइकिलाइ म सम्झनउ कि म कानुनकिलाइ मर्या छु ताकि म परमेश्वरका निउति जिउन सकु।

गलाती 4:21

तमन, जो मोशाको कानुनका पालन अद्द चाहन्छौ मेरी कुरणी सुण! म तमनलाइ भणन्या छु कि मोशाका कानुनका किताबमी कि लेख्या छ।

गलाती 4:5

ताकि उनले हाम मोशाको कानुनका अधिनमी भयालाइ छुटकारा दिन सकुन, रे उनले हामलाइ आफ्नाइ सन्तानका रुपमि ग्रहण अरुन।

गलाती 5:18

तर यदि तमन पबित्र आत्माको अगुवाइ अनसार जीवन बिताउन्छौ भण्या तमन कानुनका अधिनमी हुनानु।