१ कोरिन्थी 9:15 - डोटेली नयाँ करार

¹⁵ तर मइले यिन अधिकार मध्ये कसइ अधिकार लिया आथिन। तमनले मेरा निउति आब केइ अरला भणबर मइले यो लेख्या होइन। बिलकुल होइन! मेरी निउति मद्दु असल हो! क्याकि मइले आफ्नो खर्च आफइ चलायामि मलाइ कसइले घमण्ड अद्द बठेइ रोक्द सक्दइन।

१ कोरिन्थी 9:15 ပူးပေါင်းရင်းမြစ်များ

मत्ती 18:6

“तर जइले नानो मान्स जइले ममि बिश्वास अददाहान, उनलाइ पाप अद्द लाउनाहान भण्या, सजायका रुपमी तइका गलाइनो जितारो झुन्ड्याइबर समुद्र भित्तरी खितिनु सबहइ निको हुन्छ।”

प्रेरित 18:3

पावल रे अकिलासको काम एकइ हुनाले तिन लगइ उनसित बस्या, रे काम अर्यो। क्याकि उनले लगइ तिनरो जसो पाल बनाउन्या काम अरन्थ्या।

प्रेरित 20:24

तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।

प्रेरित 20:33

मइले कसइ मान्सको सुन, चाँदी, कि लत्ताको लोभ अरेइन।

प्रेरित 20:34

तमनलाइ थाइछ, मइले काम अरबर मलाइ रे मेरा साथिनलाइ चाहिन्या जरुरी कुरणी पुरा अरिदिया।

प्रेरित 8:3

तर शाउलले मण्डलिलाइ नास अद्दाथ्या, तिन घर-घर पसिबर बिश्वासि बैकान रे स्वानी मान्सनलाइ घसाणीबर लैजान्थ्या रे झेल हाल्दिन्थ्या।

१ कोरिन्थी 4:12

आफना हातले मेहेनत अद्दाउ। अपमानित हुन्ज्या हाम तिननलाइ आशिस दिनाउ। सताउङया हाम सहनाउ।

१ कोरिन्थी 9:12

क्याकि तमनले और मान्सनलाइ सहयोग अर्या छौ जइले तमनलाइ प्रचार अर्याथ्यो, पक्‍कालगइ बारनाबास रे म यइकिलाइ तिनन भण्ना भौत योग्य छौ। पइलगइ हाम दुइ जानाले भणनेइ कि हामलाइ चाइया कुरणी तमन दिय। बरु हाम सब कुरणी सहन तयार भया, ताकि हाम कसइलाइ ख्रीष्टको सुसमाचारमि बिश्वास अद्दा बठेइ रोक्द सक्दाइन।

१ कोरिन्थी 9:18

तब मेरो इनाम कि हो? इति मान्तर हो कि उसोइ सुसमाचार प्रचार अद्द पाउनु आनन्दकी कुरणी हो, जबकि मसित मेरो जीवन चलाउनाइ आर्थिक सहयोग पाउन्या अधिकार छ।

१ थेसलोनिकि 2:9

बिश्वासि भाइन हो, हामरा कष्ट रे मेहनतको सम्जना तमनलाइ पक्‍कालगइ छ, हामले दिन रात काम अरिबर परमेश्वरको सुसमाचार तमनलाइ प्रचार अर्या। ताकि तमनले हमलाइ खाचो भया चिज दिन जनपरउ।

२ थेसलोनिकि 3:8

हामले कसइका रोटा सुदिसार खाएइन। रे हाम आफ्नो खाचोमी लगइ तमनमि हइ कसइमी भर पड्डु पडइन भणबर हामले रातदिन मिहनत अरिबर काम अर्या।