१ कोरिन्थी 8:4 - डोटेली नयाँ करार

⁴ तसेरि म मुर्तिलाइ चडाया खान्या कुरणीका बारेमि उत्तर दिनउ। हाम जाण्नाउ कि एक मान्तर जिउना परमेश्वर छन, रे यइ संसारमी भया मुर्तिमि जीवन आथिन।

१ कोरिन्थी 8:4 ပူးပေါင်းရင်းမြစ်များ

मर्कुस 12:29

येशूले जबाफ दियो, “सब आज्ञामी मुख्य आज्ञा यो हो, ए इस्राएल देशका मान्सन सुण, परमप्रभु हामरा परमेश्वर एक मान्तर प्रभु हुन।

प्रेरित 14:15

“होइन, तमन क्याकि इसा कुरणी अरन्छौ? हाम त तमन जसाइ दु:ख सुख भोग्द्या मान्सन हउ रे ब्यर्थका कुरणी बठेइ जिबित परमेश्वरतिर फर्क भणन्या तमनलाइ सुसमाचार सुणाउनाउ, उनले अग्गास, धर्ति, समुद्र रे तिनमि भएका सब चिज बनायो।

प्रेरित 15:20

तर यिन कुरणी हाम एक चिठ्ठीमि लेखबर पठाउनाउ, ‘कि तिनन मुर्तिलाइ चडाया खानाइ रे व्यभिचार बठेइ अलग रउन, गलो अठ्यइबर मार्या पशुको सिकार रे रगत जन खाउन।’

प्रेरित 19:26

तर त्यो पावल कि भण्ना छ, तमन आफइ धेक्दाछौ रे सुण्नाछौ। मान्सनका हातले बनाया देबता चाइ देबताइ होइन, भण्ना छ। उइले एफिसस सहरमि मान्तर होइन तर एसिया प्रदेशका भौत मान्सनलाइ उसकाइबर भडकाउन्नाछ।

१ कोरिन्थी 8:1

आब मुर्तिलाइ चडाया खान्या कुरणीका बारेमि तमनले सोध्या प्रस्नको उत्तर यो हो: हाम जाण्नाउ, कि हाम सबलाइ यिन कुरणिका बारेमि था छ। यिन सब कुरणी जाण्या हुनाले हाम घमण्ड अददाउ, तर प्रेमले हामलाइ औरकि निउति सहयोग बनाउन्छ।

१ कोरिन्थी 8:10

तमनलाइ था छ कि यिन मुर्तिमि जीवन आथिन, रे तबइकिलाइ तमनले मुर्तिलाइ चडाया खान्या कुरणी खान सकन्छौ। तर बिश्वासमि कमजोर भया कसइले तमनलाइ ताँ खन्नार्या धेक्द सकन्छ, रे त्यो मान्स लगइ ताँ जान्छ, रे मुर्तिलाइ चडाया खान्या कुरणी खान्छ, जबकि उइले सोचन्छ कि यो खानु पाप हो।

१ कोरिन्थी 8:11

रे तसो भया हुनाले त्यो बिश्वासमि कमजोर भया बिश्वासीले ख्रीष्टमी बिश्वास अद्द छाणन्छ, जइकिलाइ ख्रीष्ट मर्या हुन।

गलाती 4:8

पइल्ली जब तमनले परमेश्वरलाइ पछयाणा थ्यानु, तब तमन तिन देबताका अधिनमी थ्या, जइको केइ अस्तित्व हुनइन।

एफिसी 4:6

रे हाम सब एकइ परमेश्वरको आराधना अददाउ, जो हाम सबका पिता हुन, उनले हाम सबमि सासन अददाहान, उनले हाम सब बठेइ काम अददाहान, रे उन हाम सबमि रनाहान।

१ तिमोथी 1:17

राजा जइले सदाइ सासन अददाहान, जो सदाइ जिबित हुनाहान, जइलाइ कसइले हेद्द सक्दाइन, उन मान्तर परमेश्वर हुन। उनलाइ आदर रे महिमा सदाइ होस। आमेन।

१ तिमोथी 2:5

क्याकि एक मान्तर परमेश्वर छन, रे एक मान्स छन जइले परमेश्वर रे मान्सनका बिचमि मध्यस्थकर्ताको काम अददाहान, उन ख्रीष्ट येशू हुन।

यहूदा 1:25

उन एक मान्तर परमेश्वर हुन रे, हामरा येशू ख्रीष्टले हामरा निउति अर्या काम बठेइ उनले हामलाइ मुक्ति दिया छ। येशू ख्रीष्ट हामरा प्रभुले परमेश्वरलाइ मान्सनले आदर रे प्रसंसा दिन्या बनाया होउन। रे तिननले यो बुज्ज सकुन कि उनसित पइल्ली बठेइ, आज रे सदासर्वदा सक्ति रे अधिकार छ। आमेन।