१ कोरिन्थी 7:9 - डोटेली नयाँ करार

⁹ तर तिननले आफनो इच्छालाइ बसमि राख्द सक्दाइन भण्या तिननले ब्या अरुन। क्याकि कामवासनामि जल्लु भण्ना ब्या अद्दु ठीक हो।

१ कोरिन्थी 7:9 ပူးပေါင်းရင်းမြစ်များ

प्रेरित 19:36

यिसो हुन्ज्या तमन सान्त हो, यिसेरी जोसमि आइबर केइ नसोचि केइ काम अद्दु निको होइन।

१ कोरिन्थी 7:2

तर मान्सन ब्यभिचारको परिक्षा सजिसित पड्डाहान, तबइकिलाइ म भणनउ कि हरेक मान्सले ब्या अरिबर बैकान आफनी स्वानिसित बफादार हुनु पणन्छ रे स्वानी आफ्ना बैकानसित बफादार हुनु पणन्छ।

१ कोरिन्थी 7:28

तर यदि तमनले ब्या अर्या भण्या लगइ त्यो पाप होइन। कन्या केटिले ब्या अर्यो भण्या तइले पाप अरेइ हुनिन। तर ब्या अर्या मान्सनले यइ संसारमी आफ्नो जीवनमी कष्ट भोग्दु पड्डया हो, रे इसा समस्या बठेइ तमन मुक्त भया म चाहानउ।

१ कोरिन्थी 7:36

यदि तमनमि हइ कसइका बाले मगनि भयइ चेली राखिराइछ भण्या, आब बाले सोचन्छ कि इसो अददु निको होइन, रे चेलीको ब्या अदद्या उमेर ढल्किना छ, रे आब उइले सोचन्छ कि उइकी चेलिले साच्ची ब्या अददु पणन्छ, रे केटाले लगइ ब्या अद्द इच्छा अर्यो भण्या, केटिका बाले ब्या अद्द्या ब्यबस्था अददु पणन्छ। केटिका बाले केटिलाइ ब्या अद्द्या अनुमति दिइबर पाप अद्दइन। उइले आफ्नि चेलीको ब्या अददु पणन्छ।

१ कोरिन्थी 7:39

बैकान बाँचन्ज्या स्वानी बैकानसित बस्सु पणन्छ। तर बैकान मर्या पछा तइको इच्छा भया अर्खा मान्ससित ब्या अद्दाइ उ स्वतन्त्र हुन्छे, तर उ प्रभुमि बिश्वास अद्द्या मान्स हुनु पणन्छ।

१ थेसलोनिकि 4:4

पबित्रता रे आदरसित तमन हरेकले आफना शरीरलाइ आफना बसमि राख्द सिक्दु पणन्छ।

१ तिमोथी 5:11

जबान बिधवाको नाउँ बिधवाको सुचीमि जन लेख्या क्याकि जब तिनरो बिधवा रइबर ख्रीष्टलाइ सेवा अद्द्या बाचा भण्ना मानब इच्छा बड्ता हुन्छ, तब तिनन आजी ब्या अददाइ चाहान्छिन।

१ तिमोथी 5:14

तबइकिलाइ म सल्लाह दिनउ। जबान बिधवाले ब्या अरुन चेलाचेली पाउन घरबार सम्हालुन। ताकि बिरोधिले तिनरा बिरुद्दमि केइ भणन सक्द्या होइन।