१ कोरिन्थी 7:37 - डोटेली नयाँ करार

³⁷ तर यदि तइ केटिका बाले आफ्ना मनमि पक्‍का निर्णय अरन्छ कि उइकी चेलिले ब्या नअर्या असल हो, रे कसइले चेलीलाइ ब्या नअद्दाइ कर अर्या आथिन भण्या, आफले निर्णय अर्या कुरणी अद्द्या अधिकार उइसित छ। रे तसेरि यदि उइले आफ्नि चेलीलाइ तसोइ ब्या नअरेइ राख्द्या निर्णय अददाछ भण्या, उइले परमेश्वरका नजरमि असल काम अददाछ।

१ कोरिन्थी 7:37 ပူးပေါင်းရင်းမြစ်များ

१ कोरिन्थी 7:1

आब तमनले चिठ्ठीमि सोध्या प्रस्नको उत्तर दिनउ। तमनले सोध्या थ्या, “कि हामले ब्या नअददु असल हो?”

१ कोरिन्थी 7:36

यदि तमनमि हइ कसइका बाले मगनि भयइ चेली राखिराइछ भण्या, आब बाले सोचन्छ कि इसो अददु निको होइन, रे चेलीको ब्या अदद्या उमेर ढल्किना छ, रे आब उइले सोचन्छ कि उइकी चेलिले साच्ची ब्या अददु पणन्छ, रे केटाले लगइ ब्या अद्द इच्छा अर्यो भण्या, केटिका बाले ब्या अद्द्या ब्यबस्था अददु पणन्छ। केटिका बाले केटिलाइ ब्या अद्द्या अनुमति दिइबर पाप अद्दइन। उइले आफ्नि चेलीको ब्या अददु पणन्छ।

१ कोरिन्थी 7:38

इसेरि जइले कन्यालाइ ब्या अरन्छ, उइले ठीक अरन्छ, तर जइले ब्या अद्दइन, उइले झिक निको अरन्छ।

२ कोरिन्थी 9:7

रे हरेक मान्सले आफना मनमि संकल्प अर्या अनसार देओस इच्छा नभइ होइन न त करकापमि पणिबर। क्याकि खुसीसित दिन्यालाइ परमेश्वर प्रेम अद्दाहान।

१ पत्रुस 5:2

जसेरि गोवालाले आफ्ना भेडाको हेरचाह अरन्छ, तमनले सब मान्सनको हेरचाह अददु पणन्छ, जइलाइ परमेश्वरले तमरो जिम्मामि दिया छ। यो स्वइच्छाले अर, क्याकि तमनले तसोइ अर्या परमेश्वरले चाहानाहान। यइ कामलाइ करले जन अर। यो कामलाइ पैसा पाउनाइ लगइ जन अर, तर परमेश्वर रे मान्सनको सेवा अद्द्या इच्छाले अर।