१ कोरिन्थी 4:15 - डोटेली नयाँ करार

¹⁵ क्याकि ख्रीष्टमी मार्गदर्सन अद्दाइ तमरा हजार शिक्षक भया लगइ, म मान्तर तमरा बा जसोइ हु। क्याकि तमनलाइ सुसमाचार सुणाउन्या म पइलो मान्स हु, जइका लाग्दा तमनले येशू ख्रीष्टमी बिश्वास अर्या।

१ कोरिन्थी 4:15 ပူးပေါင်းရင်းမြစ်များ

रोमी 15:20

मेरो उत्कट इच्छा यो हो कि सुसमाचार प्रचार तइ क्षेत्रमी होउ जाँ येशू ख्रीष्टको बारेमि अइल सम्म सुण्या आथिन, ताकि इसो नहोस कि म परमेश्वरकि निउति काम अरन्ज्या कसइ औरले सुरु अरिसक्या परमेश्वरको कामलाइ म खालीसार अरि राखु, जसेरि कसइ मान्सले औरले हाल्या जगमि घर बनाउछ।

१ कोरिन्थी 1:30

तर परमेश्वरले हामलाइ येशू ख्रीष्टसित एक बनाया छ रे ख्रीष्ट बठेइ हामलाइ बुद्दि दिनाहान। परमेश्वरले हामलाइ आफ्ना नजरमि धर्मि लगइ बनाउनाहान। ख्रीष्ट बठेइ हाम पबित्र बनाइया छौ, रे उनले हामलाइ पाप बठेइ छुटकारा दियो।

१ कोरिन्थी 15:1

बिश्वासि भाइन हो, मइले तमनलाइ प्रचार अर्या सुसमाचार म तमनलाइ याद दिलाउन चाहानौ, जो सु-समाचार तमनले ग्रहण अर्या, रे जइमि तमरो बिश्वास बलियो छ।

१ कोरिन्थी 3:10

परमेश्वरले मलाइ दिया बरदान प्रयोग अरिबर, म घर बनाउन्या सिपालु कालिगरले जसेरि मइले जग बसाल्या। और मान्सनले तइ जगमि घर बनाउनाछन, तर सब मान्सन साबधान हुनु पणन्छ, कि कसेरी तिननले तइ जगमि घर बनाउनाछन।

१ कोरिन्थी 3:6

उदाहारणका रुपमि हाम काम लाग्द्या बोट लाउन्या मान्स जसाइ हौ। म बि बुन्या मान्स जसो हु, अपोल्लोस बोया बिमि पानी हाल्या जसो हो तर बोट बडाउन्या परमेश्वरइ हुन।

१ कोरिन्थी 3:8

बोट लाउन्या रे पानी हाल्या दुएइको महत्व बराबर हुन्छ। यिन दुएइ तिननले अर्या काम अन्सार परमेश्वर बठेइ इनाम पाउन्या हुन।

१ कोरिन्थी 9:12

क्याकि तमनले और मान्सनलाइ सहयोग अर्या छौ जइले तमनलाइ प्रचार अर्याथ्यो, पक्‍कालगइ बारनाबास रे म यइकिलाइ तिनन भण्ना भौत योग्य छौ। पइलगइ हाम दुइ जानाले भणनेइ कि हामलाइ चाइया कुरणी तमन दिय। बरु हाम सब कुरणी सहन तयार भया, ताकि हाम कसइलाइ ख्रीष्टको सुसमाचारमि बिश्वास अद्दा बठेइ रोक्द सक्दाइन।

१ कोरिन्थी 9:14

तसेरि सुसमाचार प्रचार अद्द्याले लगइ सुसमाचार सुण्या मान्सन बठेइ जीविका चलाउन भणि प्रभुले भणिराइछ।

१ कोरिन्थी 9:16

यदि मइले सुसमाचार प्रचार अर्या भण्या, तइमि मइले घमण्ड अद्द्या केइ कारण आथिन। क्याकि येशू ख्रीष्टले मलाइ इसो अद्दया जिम्मेवारी दिया छ। यदि सुसमाचार प्रचार अरेइन भण्या, म भयानक समस्यामि हुन्या हु।

१ कोरिन्थी 9:18

तब मेरो इनाम कि हो? इति मान्तर हो कि उसोइ सुसमाचार प्रचार अद्द पाउनु आनन्दकी कुरणी हो, जबकि मसित मेरो जीवन चलाउनाइ आर्थिक सहयोग पाउन्या अधिकार छ।

१ कोरिन्थी 9:23

म ख्रीष्टका बारेमि सुसमाचार प्रचार अददाइ यिन सब थोक अद्दउ ताकि, म सुसमाचारमि प्रतिज्ञा अर्या आशिषमी सहभागी हुन सकु।

२ कोरिन्थी 4:5

क्याकि हाम आफ्नो प्रचार अद्दाइन, तर येशू ख्रीष्टइ प्रभु हुन भणन्या कुरणी प्रचार अद्दाउ। रे हाम येशूका खातिर तमरा सेवक हौ।

गलाती 3:24

तबइकिलाइ ख्रीष्ट नआया सम्म हामलाइ डोर्याउनाइ रे हामरो हेरचाह अददाइ परमेश्वरले हामलाइ कानुन दियो। ताकि येशू ख्रीष्टमी बिश्वास बठेइ हाम परमेश्वरका अगाडी धर्मि बनाइन सकु।

गलाती 3:25

तर आब हामले ख्रीष्टमी बिश्वास आर्याछौ। आब बठेइ कानुनले हामलाइ डोर्याउनाइ रे सहयोग अददु जरुरी आथिन।

गलाती 4:19

मेरा बालक हो, जसेरि एक स्वानिले बच्चा जन्माउन्ज्या पिडा महसुस अरन्छे, तसेरि म एक बेर आजी तमन कि निउति दुःख भोग्दाछु तमन ख्रीष्टमी परिपक्व नभया सम्म, म तसइ पीडामी हुन्या हु।

२ तिमोथी 4:3

क्याकि इसो समय आउन्ना छ, जब तिननले सत्य शिक्षालाइ स्वीकार अद्द्या होइन्न, तर तिननले आफ्ना इच्छा अन्सार हिट्या हुन रे तिननले भौत शिक्षकका कुरणी सुणन्या हुन।

तितस 1:4

म यो चिठ्ठी तीतसलाइ लेख्दाछु। तु मेरो आफ्नोइ चेला जसोइ हइ क्याकि तुइले लगइ ख्रीष्टमी बिश्वास अरन्छइ। म प्रार्थना अद्दउ कि पिता परमेश्वर रे हामरा मुक्तिदाता येशू ख्रीष्ट तु प्रति अनुग्रही होउन रे तुलाइ सान्ति देउन।

फिलेमोन 1:19

म पावल आफ्नाइ हातले यो लेख्दाछु। त्यो ऋण म आफइ तिरि दिउलो। तमलाइ पइल्ली बठेइ था छ कि यदि मइले तमलाइ सहयोग नअर्या भया तम आफइ नयाँ जीवन पाउन्या थ्यानु, तबइकिलाइ तम मेरा लगइ रिणि छौ।

याकुब 1:18

उनले आफना इच्छा रे सत्यको बचन बठेइ नयाँ जीवन दियो, ताकि उनले सृष्टि अर्या सब कुरणीमि हामी सब भण्ना महत्वपूर्ण हुन सकु, जसेरि कटनिको पहिलो फल सब भण्ना महत्वपूर्ण हुन्छ।

१ पत्रुस 1:23

क्याकि तमनले परमेश्वर बठेइ नयाँ जीवन पायाछौ। तमनले यो जीवन बिनासी कुरणी बठेइ पाया आथिनु तर अबिनासी कुरणी बठेइ पायाछौ। हामले यो नयाँ जीवन जिबित रे अनन्त परमेश्वरको बचन बठेइ पायाछौ।