१ कोरिन्थी 16:11 - डोटेली नयाँ करार

¹¹ तबइकिलाइ कसइले उइको अनादर जन अरउ। तर उइलाइ चाइन्या सहयोग दिबर सान्ति सित यात्रामि पठाइदिय। क्याकि बिश्वासि भाइनसित आउनाहान भणबर म उइको प्रतिक्षा अद्दाछु।

१ कोरिन्थी 16:11 ပူးပေါင်းရင်းမြစ်များ

लूका 10:16

“जइले तमनका कुरणी सुणन्छ, तइले मेरा कुरणी सुणन्छ। जइले तमनलाइ अस्वीकार अरन्छ, तइले मलाइ अस्वीकार अरन्छ, रे जइले मलाइ अस्वीकार अरन्छ, तइले मलाइ पठाउन्यालाइ अस्वीकार अरन्छ।”

प्रेरित 15:3

मण्डलिका मान्सनले तिननलाइ रुप्प्या रे खानाइ दिइबर ताँ बठेइ बिदा अर्यो। तिनन फोनिके जिल्ला रे सामरिया जिल्ला बठेइ होइबर जान्ज्या कसेरी गैर-यहुदि मान्सनलाइ सुसमाचार सुणाइबर बिश्वासि बन्नाछन भणन्या कुरणी सुणबर सब भाइन भौत खुशी भया।

प्रेरित 15:33

यहूदा रे सिलास केइ दिन ताँइ बस्या पछा, ताँइका बिश्वासि भाइनले तिननलाइ आशिस दिइबर यरुशलेम सहरको मण्डलिका वाँ फिर्ता पठायो।

१ कोरिन्थी 16:10

यदि तिमोथी तमरा वाँ कोरिन्थ सहरमि आया भण्या उइको स्वागत अर। क्याकि उइले लगइ मइले जसेरि प्रभुको काम अद्दा छ।

१ कोरिन्थी 16:6

सायद, म तमरा वाँ भौत दिनकिलाइ बस्सया हु, अथवा पुरा हिउन लगइ बस्सया हु। तइ पछा म जाँ गया लगइ तमनले मेरो यात्राको बन्दोबस्त मिलाइ दिन सक्द्या हौ।

२ कोरिन्थी 1:16

मेरो योजना यो थ्यो कि म माकेडोनिया प्रदेस जानज्या तमनलाइ भेटीबर जान्या रे फर्कन्ज्या लगइ तमनलाइ भेट्या, रे अन्तमी म आसा अद्दउ कि तमन म ताँ बठेइ यहुदिया जिल्ला जानज्या खाँचोमी मेरो सहायता अद्दया हौ।

१ थेसलोनिकि 4:8

तबइकिलाइ जइले यो आज्ञा माणनइन तइले मान्सनको होइन तर परमेश्वरको आज्ञा माणनइन, जइ परमेश्वरले तमनलाइ आफ्नो पबित्र आत्मा दिनाहान।

१ तिमोथी 4:12

यिसो ब्यबहार अर कसइले तमनलाइ अनादर जन अरउ क्याकि तमन जबान छौ, तर बिश्वासीनले अनुसरण मद्दाइलाइ तमनले बोल्या सब्द, आचरण, और प्रतिको प्रेम, ख्रीष्टमी भया बिश्वास, रे तमरो निर्दोष जीवन बठेइ तमन एक असल उदाहरण हुनु पणन्छ।

तितस 2:15

तबइकिलाइ तितस, म चाहानउ कि तुइले क्रेट टापुका बिश्वासिनलाइ मइले भण्या यिन कुरणी सिका। आफना मान्सनलाइ यिन कुरणी अददाइ उत्साह दे, जी आवश्यक छ त्यो सुधार अर। तुलाइ यो अद्द्या अधिकार छ। पक्का अर कि जो तु सिकाउछइ त्यो कसइले बेवास्ता जन अरुन।

३ यूहन्ना 1:6

तमनले सहयोग अर्या केइ मान्सनले याँ मण्डलिका बिश्वासिनलाइ तमनले आफना भाइनलाइ भौत प्रेम अर्या छौ भणबर भण्या छन। आब म तमनलाइ भणनउ, कि तिननले तमनलाइ छाडिबर गया लगइ तमनले यिसा मान्सनलाइ लगातार सहयोग अददु पणन्छ, क्याकि तसो अरेले परमेश्वर खुशी हुनाहान।