१ कोरिन्थी 15:44 - डोटेली नयाँ करार

⁴⁴ हामरो मासु रे रगतको शरीर भया जसोइ, इसो शरीर लगइ हुनाहान, जइलाइ परमेश्वरका आत्मा बठेइ जीवन दिया हुन्छ। रे हामरो मासु रे रगतको शरीर यिसा सरीरमि बदलिन्या हो, जइलाइ परमेश्वरका आत्मा बठेइ जीवन दिया हुन्छ।

१ कोरिन्थी 15:44 ပူးပေါင်းရင်းမြစ်များ

लूका 24:31

तब तिनरा आँखा खुल्या, रे तिननले उनलाइ पछेण्यो। रे उन तिनरा नजर बठेइ हराया।

यूहन्नाले लेख्या सुसमाचार 20:19

तसइ आइतबारका दिन बसाइतक यहुदि अगुवानका डरले शिष्या जम्माइ एक ठाउँमि जम्मा भया रे ढोका बन्द अर्या बेला येशू तिनरा बिचमि प्रकट भया रे भण्यो, “तमनलाइ सान्ति होउ।”

यूहन्नाले लेख्या सुसमाचार 20:26

एक हप्ता पछा उनरा शिष्या आजी घर भित्तर थ्या। उनसित थोमा लगइ थ्यो तब ढोका बन्द थ्या, येशू आजी तिनरा बिचइनि प्रकट भया रे भण्यो, “तमनलाइ सान्ति होउ।”

१ कोरिन्थी 15:50

बिश्वासि भाइन हो, यइ धर्तीमि हामरो शरीर मासु रे रगत बठेइ बन्या हो, स्वर्गमि यो सरीरसित परमेश्वरका राज्यमि रनसक्दाइन। हाम यो शरीर सित स्वर्गमि जान सक्दाइन, जो मद्द सकन्छ, क्याकि ताँ मृत्यु हुनइन।

१ कोरिन्थी 2:14

जो मान्स आत्मिक आथिन, तइले परमेश्वरका आत्माका सत्य कुरणीलाइ ग्रहण अद्दइन। क्याकि तिन कुरणी तइका निउति मुर्खता हुनाहान। उइले तिन कुरणी बुज्ज सक्दाइन क्याकि जइ मान्समि पबित्र आत्मा रनाहान उइले मान्तर परमेश्वरकि कुरणी बुज्ज सकन्छ।