१ कोरिन्थी 15:42 - डोटेली नयाँ करार

⁴² मर्या मान्सन मर्या बठेइ जिउना भया लगइ तसोइ हुन्छ। त्यो गाडयाको शरीर नास हुन्छ, तर जब त्यो मर्या बठेइ जिउनो हुन्छ, तब त्यो नास नहुन्या शरीर हुन्छ।

१ कोरिन्थी 15:42 ပူးပေါင်းရင်းမြစ်များ

मत्ती 13:43

तब धार्मि मान्सन आफना पिताका राज्यमि सुर्य जसा चम्किला हुन्या हुन। तम जो सुणनाछौ, तइ सुण्या कुरणिका बारेमि ध्यानले सोच।

प्रेरित 2:27

क्याकि तमले मलाइ पातालमि रनदियानु, रे नति आफ्ना पबित्र जनको मर्या शरीर कुन दिन्या हौ।

प्रेरित 2:31

यो जाणिबर कि भविष्यमी परमेश्वरले कि अद्दा छन, परमेश्वरले ख्रीष्टलाइ मर्या बठेइ जिउना ल्याउन्या कुरणी अर्यो। उनले भण्यो, कि न त उनलाइ पातालमि रन दियो, रे न त आफ्नो पबित्र मान्सको मर्या शरीर कुन दियो।

रोमी 1:23

रे सदाइ जिबित रन्या महिमाका परमेश्वरको आराधना अददुको सट्टा तिननले नास हुन्या मान्सन, चडाचुडि, चारखुट्टया जनाबर रे घसणीन्या जीव जन्तुका मुर्तिको आराधना अर्यो।

रोमी 2:7

धैर्यसित निका काम अरिबर महिमा, इज्जत रे अमरत्व खोज्ज्यालाइ परमेश्वरले अनन्त जीवन दिन्या हुन।

रोमी 8:21

रे सृष्टिले तइ दिनको आसा अरन्छ, जब यो परमेश्वरका सन्तानका महिमामि सहभागी हुन्या हो रे मृत्यु रे बिनास बठेइ स्वतन्त्र हुन्या हो।

१ कोरिन्थी 15:41

सुर्यको तेज एक किसमको, चन्द्रमाको सुन्दरता अर्खाइ किसमको, रे ताराको सुन्दरता अर्खाइ किसमको हुनाहान। क्याकि एक तारा अर्खा तारा भण्ना सुन्दरतामि फरक हुन्छ।

गलाती 6:8

क्याकि जइले आफना पापमय स्वभाव अन्सार काम अरन्छ, तइ कुरणीले मृत्यु लेया उइले धेक्द्या हो। तर जइले पबित्र आत्माको इच्छा पुरा अरन्छ, तइले पबित्र आत्माले अनन्त जीवन दियाको धेक्द्या हो।

१ पत्रुस 1:4

परमेश्वरले हामरा निउति तयार अर्या असल चिज पाउनाइ पखिरइ छौ। कसइले लगइ तिनन चीजलाइ नष्ट अद्द सक्दइन। केइ कुरणीले लगइ तइलाइ बिगाड्ड सक्दइन। तिनन चिज कभइ पुराना अथवा कम सुन्दर हुन्या छइन। परमेश्वरले तिन चिज तमनकीलाइ स्वर्गमि राख्या छ।