१ कोरिन्थी 12:10 - डोटेली नयाँ करार

¹⁰ पबित्र आत्माले एक मान्सलाइ अचम्मका काम अद्द्या सक्ति दिनाहान भण्या, अर्खा मान्सलाइ परमेश्वरको सन्देश बोल्लया बरदान दिनाहान, रे अर्खा मान्सलाइ परमेश्वर बठेइको बरदान हो कि सैतान बठेइको हो भणबर छुट्टयाउन्या बरदान दिनाहान। उनले एक मान्सलाइ फरक फरक भासा बोल्लया बरदान दिनाहान भण्या, उनइले अर्खा मान्सलाइ तिन फरक फरक भासाका अर्थ खोलदिन्या बरदान दिनाहान।

१ कोरिन्थी 12:10 ပူးပေါင်းရင်းမြစ်များ

मर्कुस 16:17

जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु।

मर्कुस 16:20

पइ शिष्या निकलिबर जासक्‍कइ गया रे मान्सनका बिचमि सुसमाचार प्रचार अर्यो। प्रभुले तिननलाइ सक्ति दियो, रे शिष्याले अर्या अचम्मका कामले यो प्रमाणित अरन्थ्यो कि उनरो सुसमाचार सत्य छ। आमेन।

लूका 24:49

रे मेरो पिताले तमनलाइ दिन्या बाचा अर्या पबित्र आत्मा म आफइ तमनमि पठाउन्या हु। तर तमनले स्वर्ग बठेइ सक्ति नपाउन्ज्या तमन इसइ सहरमि पखीराख्दु पणन्छ।”

यूहन्नाले लेख्या सुसमाचार 14:12

साँच्चि, म तमनलाइ भण्नउ, जइले मलाइ बिश्वास अरन्छ, तइले मइले अर्या काम लगइ अरन्छ, रे तिन भण्ना ठुला काम अरन्छ, क्याकि म पिताका वाँ जान्ना छु।

यूहन्नाले लेख्या सुसमाचार 16:13

जब उन, अर्थात पबित्र आत्मा आउनाहान, तब उनले तमनलाइ त्यो सत्यको बारेमि सम्जिनाइलाइ एक कारण बन्या छ। क्याकि उन आफना अधिकार बठेइ बोल्या होइन। उन जी परमेश्वर बठेइ सुण्नाहान, तेइ बोल्ल्याहुन, रे हुनाइ आउन्या कुरणी तमनलाइ बताइदिनाहान।

प्रेरित 1:8

तर पबित्र आत्मा आया पछा तमनले सक्ति पाउन्या हौ, रे तमन यरुशलेम सहर, सारा यहुदिया जिल्ला, सामरिया जिल्ला रे बाकि रया सब संसारका मान्सनलाइ मेरा बारेमि बताउन्या हौ।”

प्रेरित 11:27

तसइ बेला कोइ बिश्वासि जो भबिष्यवक्तान थ्या, तिनन यरुशलेम सहर बठेइ एन्टिओखिया सहरमि आया।

प्रेरित 11:28

तिननमि हइ अगाबस नाउँ भया एक जाना भबिष्यवक्ता कल्लिबर सारा संसारमी ठुलो अनिकाल पड्डाइ बटिरइछ भण्न्या पबित्र आत्मा बठेइ भविष्यवाणी बोल्यो। त्यो अनिकाल सम्राट क्लौडियसको सासनकालमि पड्यो।

प्रेरित 19:6

जब पावलले तिननमि हात राख्यो, तब पबित्र आत्मा तिननमि आया, रे तिननले फरक फरक भासा बोल्या रे भविष्यवाणी अर्यो।

प्रेरित 5:3

तर पत्रुसले भण्यो, “ए हननिया, पबित्र आत्मासित झुटि बोल्या रे जमिन बेच्या रुप्या बठेइ केइ हिस्सा आफसित राख्द्या कुरणी सैतानले कसेरी तेरा मनमि हाल्दियो?

रोमी 12:6

परमेश्वरले हामलाइ दिया अनुग्रह अन्सार अलग-अलग बरदान हाम प्रयोग अरौ। अगमवाणीको हो भण्या, उइले त्यो सब्द बोल्लु पणन्छ जो परमेश्वर उइलाइ भण्या छ भणि उइले बिश्वासको अरन्छ।

रोमी 15:19

पबित्र आत्मा बठेइ मलाइ दिया सक्ति बठेइ मइले सक्तिशाली चिन्ह रे अचम्मका काम अर्याथ्या। तबइकिलाइ म जाँ लगइ यरुशलेम सहर बठेइ इल्लुरिकन क्षेत्र गया, मइले येशू ख्रीष्टका बारेमि तिन ठाउका मान्सनलाइ सुसमाचार प्रचार अरिराइछु।

१ कोरिन्थी 11:4

प्रार्थना अरन्ज्या अथवा परमेश्वरको बचन घोषणा अरन्ज्या मण्डलिमि आफनो सीर ढाक्द्या बैकान मान्सन ख्रीष्टको अपमान अरन्छ, जो तिनरा सीर हुन।

१ कोरिन्थी 13:8

अगमबाणी, फरक फरक भासामि बोल्लया बरदान रे बिसेस ज्ञान बितेर जान्या हुन। तर प्रेम सदाइ रइरन्या हो!

१ कोरिन्थी 14:13

तबइकिलाइ नसिक्या फरक फरक भासा बोल्लयाले, तइको अर्थ खोल्ल्या क्षमताकी निउति प्रार्थना अरौ।

१ कोरिन्थी 14:39

तबइकिलाइ बिश्वासि भाइन हो, अगमबाणी बोल्या उत्कट इच्छा अर रे नसिक्या फरक फरक भासा बोल्लयालाइ इन्कार जन अर।

गलाती 3:5

परमेश्वरले तमनलाइ प्रसस्त रुपमी पबित्र आत्मा दिनाहान, रे तमनमि अचम्मका काम अद्दाहान, कि यो सब मोशाको कानुन पालन अरिबर हो? अथवा, कि यो ख्रीष्टका बारेमि सुसमाचार सुणिबर उनमी बिश्वास अर्या हुनातक हो?

१ थेसलोनिकि 5:20

यो जन सोच कि परमेश्वरले आफना मान्सनलाइ दिया अगमबाणी बिना कामको हो।

हिब्रु 2:4

रे परमेश्वरले लगइ अचम्मका काम, चिन्ह, भौत किसिमका अचम्मका काम रे मान्सनलाइ आफ्नो इच्छा अनसार पबित्र आत्मा बठेइ बरदान दिइबर यो सन्देश प्रमाणित अर्यो।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

प्रकाश 2:2

मलाइ था छ तम कसा काम अर्न्छौ, तम कसेरी मेहनत अर्न्छौ रे कभइ हार माणनानु। मलाइ था छ कि तम दुष्ट मान्सनका झुटा शिक्षालाइ सनानु। तमले तसा मान्सलाइ परिक्षा अर्या जइले आफ छान्या शिष्या हुँ भण्नाहान तर साच्ची तिनन होइन, रे तमले पत्ता लाया कि तिनन झुटा छन।