Luke 8:35 - Dannau

³⁵ လို့ဇာ့နွို့နောင်းလဲဉ်း ဘာ့ကလုဲင်ဇာ့နွို့နု့ မောင်တာ့ရေ့ လေးပိုကြဘို့ကောင်မြိုနွို့ကိုးနဲ့။ ခွို့နွို့နောင်း တာ့ယေရှုနွို့ ဆောင့်လောက်ပိုနောင်း ကနံဆို့ဘာ့ကွက်တာဗောက်နွို့မှ လို့ဘာ့လွက်မြောက်နွို့နောင်း ပါ့တွို့ခရိုင်းထာ တာ့ဇာ့ကောက်ကိုယ်တော်နွို့ အ့်ကလို့တွိုန်းတွိုန်း ထု့စ်ထာဟိုမဲ့နောက်နောင်း ဆောင်းရင်နွို့နု့ ရကု့ကြဘို့နွို့ကိုးနဲ့။

Luke 8:35 ပူးပေါင်းရင်းမြစ်များ

Luke 10:39

သမြနွို့ ဘာ့ဟက်မာတ်မာရိ တွေကမြ ပေ့လဲဉ်းဟိုဟောက်။ မာရိနောင်း တာဇာ့ကောက်ကိုယ်တော်နွို့ထုစ်တွို့ထာ တရားဘို့ဘက်နွို့ နာကြမဲ့ပို့နွို့ကိုးနဲ့။

Luke 15:17

အတုဲတ်နွို့ ကွန်ဖြောက်အ့်ပေ့အာ့်ကွက်နောင်း အ့်ငန်းတရားနွို့ဗင်တွို့ထာ ညာ့ပါအေ့နွို့ လို့ယို့အ့်ယို့ဆောင်ဘို့မှဘို့ ခွို့နွို့နောင်း မင်စွေကြဘို့ထိထနာ့နွို့နဲ့။ စနွို့လဲ အို့နောင်း တာ့လွက်ဖက်နီးနွို့ ငှတ်လေမဲ့အ့်စွေအ့်ငွမ်းနား မောင်းဗီးတွို့နု့ကိုးနွို့နဲ့။

Luke 2:46

ဆောင့်ကနို့ကူအွီရှိနောင်း ခွို့နွို့နု့ လို့အရွေပေ့ယေရှုနောင်း တဗိမာန်တော်နို့ ကောင်ဗလဂျုးဘာသာရေးဆာယာနွို့ ထု့မဲ့ဘို့နောင်း ထွိဟောက်နွို့နဲ့။

Luke 8:27

ဆောင့်လောက်တာ့လွက်နွို့နား ကိုယ်တော်ဆောင့်ဒတ်ကွေကွဉ်းနောင်း တာမြိုနွို့ ကနံဆို့တာဗောက်မဲ့ လို့အာ့်ကွက်နောင်း ကိုယ်တော်နား ပို့ထွိကြဘို့နွို့နဲ့။ အမ်နွို့ ကနံဆို့ဘာ့တာ့ဗောက်နွို့နား ကနို့လွန်းတွို့ အမ်နောင်း တာ့ညာ့လဲလာ့မန်း၊ ခရိုန်းလဲလာ့ဗာ့ကော၊ ကောင်ဗလတောင်ခြိုင်းနွို့စယ် လက်လေကြိုဆိုမနနဲ့။

Luke 8:34

ချန်နွိုနု့ လို့ထမ့်ဖုံကလိပ်ဇာ့နွို့နောင်း ဘာ့ကလုဲင်ဇာ့နီးနွို့ ဆောင့်ရင်နွို့နောင်း ပလက်လေးတွို့ထာ ကတမ်းနွို့နား မြိုနတောတဘိုဖုန်လဲဉ်းလာ့လွန်ကောအောင် ဖြိုလေကျမဲ့ဗို့နွို့ကိုးနဲ့။