Luke 16:16 - Dannau

¹⁶ ပညက်တရားမောရှေန ပရောဖက်ဘို့ဘက်ဘာ့တဲင်းပို့မဲ့ ကျမ်းဘို့ဘက်နွို့နောင်း ဆာယာအာအွူမင်္ဂလာယောဟန်နွို့ပေါ်လေးပိုယော့ မင်္ဂလာကတမ်းကလို့နွို့နု့ တာပွို့နွို့နား မင်လိုက်နာလွမ်းမယ့် ကလုဲင်ပလေကညွမ်းနွို့ ဟိုမနနဲ့။ စနွို့လဲ အခွပ်နား အို့နောင်း ခံမ်ထာထနာတော်ဖြား မင်္ဂလာကတမ်းကလို့နွို့ ဟောဖြိုတွို့နွို့နဲ့။ စနွို့နား လို့ဘာ့ဘို့ဘက်နွို့နောင်း ကောင်ထာထနာတော်ဖြားနွို့ ကွက်နိုင်အောင်နွို့နု့ နွက်ထန်ထန်န ကြိုးစားထက်ကြတွို့ဘို့အားနွို့နဲ့။

Luke 16:16 ပူးပေါင်းရင်းမြစ်များ

Luke 10:11

‘ဖြားနောင်း ပွို့နွို့နား ခံမ့်စီရင်နွို့နု့ ပွို့နွို့နား အပန်အို့အာပွို့ကတိန ကောက်အေ့နား တဖက်နွို့နု့ ခါကလို့ပို့။ စနွို့လဲ ထာထနာတော်ဖြား မောင်းပေါ်လေးနွို့ အချန်တမေ့ပိုတွို’ နွို့ဖြိုကြဘို့နွို့နဲ့။

Luke 10:9

ဗဟိုမြိုနွို့ လို့ကစု့နွို့ ကုဟောက်နွို့ထာ ‘ထာထနာတော်ဖြား မောင်းပေါ်လေး အချန်တမေ့ပွိုတွို’ နွို့ခွို့နွို့နား ဟောဖြိုမနနဲ့။

Luke 16:29

စနွိုလဲ အာဗြဟံနား “မို့တွေမို့နွို့နု့ ပညက်ကျမ်းမောရှေန ပရောဖက်ဘာ့တဲင်းပွို့မဲ့ ကျမ်းဘို့ဘက်နွို့ဟိုဟောက်နွို့နဲ့။ ခွို့နွို့နောင်း ကျမ်ဇာ့နွို့ ဖက်တွို့ထာ ဗင်နိုင်ကြဘို့နောင်တသံဝေဂ နွို့ဖြိုမနနဲ့။

Luke 16:31

စနွို့လဲ အာဗြဟံနား ‘ခွို့နွို့နောင်း ပညက်ကျမ်းမောရှေန ကျမ်းပရောဖက်ဘို့ဘက်နွို့ တာ့လိုက်နာလွမ်းကောနွို့နု့ ဘာ့ဗီးလွန်းမှ လို့အာ့်ကွက် အထက်ဘာ့ပလုဲင်းပိုနွို့ ပနောင်အာသတိနောင်းလဲဉ်း ယုံကြည်လက်ခံတွို့ထာ လာ့ဗင်ကြကောပွို့’ နောင်တသံဝေဂနွို့နဲ့။”

Luke 9:2

နွို့ခေါင်း ကိုယ်တော်နောင်း ခွို့နွို့နု့ ခံမ့်ထာထနာတော်ဖြားနွို့ မင်ဟောဖြိုနွို့န လို့ဘာ့မန်းတူးကောဘို့ဘက်နွို့ အ့်ကု့သနွို့အောင် ပလွှတ်ကု့ဟောက်နွို့နဲ့။