Luke 15:13 - Dannau

¹³ ခါကနိုကောနွို့နား ကွန်ဖြောက်အာ့်ပေ့အာ့်ကွက်နောင်း ပစ္စည်းအမ်ဘာဗင်မေ့မေ့နွို့ စာတွို့ထာ ဘာ့စာဗင်ပဆံနွို့န အွေကုတွို့ထာ ဘာ့ငါလွန်းမဲ့တိုင်းပြည်အ့်ခြားနွို့ လေးပွန်တွို့ထာ တာ့လွက်နွို့ ဇာ့ဘာ့ဟိုနွို့နု့ ထုံးဖျောက်တွို့အပျော်အပါးထာ မန်းလေမနနွို့နဲ့။

Luke 15:13 ပူးပေါင်းရင်းမြစ်များ

Luke 15:12

အာ့်ရှိနား ကွန်ဖြောက်အာ့်ပေ့နွို့အာ့်ကွက်နား ဘာ့ကလုဲင်ပါအမ်နွို့နား ‘ပါ၊ မို့ခါဗီးကောနီးနွို့ အို့ဘာ့ဗင်ထိုက်မဲ့ အမွေနွို့နု့ အခွပ်ခွီအာစေး’ နွို့ဖြိုဟောက်ခေါင်း ပါအမ်နောင်း တာ့သဘောတူတွို့ထာ ကွန်ဖြောက်အဲဉ်ကွက်နွို့ ခွီအာမဲ့အမွေနွို့နဲ့။

Luke 15:14

နွို့ခေါင်း ဇာ့အမ်ဘာ့ပိုင်ဘို့ဘက်နွို့ အချန်ဆောင့်ထုံးဖျောက်ယော့မေ့မေ့နွို့နောင်း ဖြိုင်အနှံ့နွို့နု့ အစွေဖုန်အွူဖုန်ဘာ့ငတ်နွို့ရောက်ပွိုနွို့ခေါင်း အမ်နောင်းလဲဉ်း ဘဝဆန်းရဲလှူးနွို့ လောက်ကုဟောက်နွို့နဲ့။

Luke 15:30

စနွိုလဲ ကွန်ဖြောက်အ့်ပေ့အ်ာ့ကွက်နောင်း ပစ္စည်းဥစ္စာပါအေ့နွို့နု့ ကမြဖျောက်ဘို့ဘက်န ထုံးဖျောက်ယော့ ဆောင့်ရန်းပွိုနောင်း ပါအေ့နောင်း ဝက်ဗစ်ဗစ်နွို့ ဗီတွို့ထာ ပွီးဂုဏ်ပြုနွို့ယို့ကြမဲ့ဘို့ နွို့ဖြိုမနနဲ့။

Luke 16:1

နွို့ခေါင်း ကိုယ်တော်ယေရှုနောင်း ပုံဥပမာအာ့်မာနွို့ တပည့်တော်နွို့နား ဆက်တွို့ထာ ဟောဖြိုနွို့နား “ကစာနား ကထေးအာ့်ကွက်နောင်း ပစ္စည်းဥစ္စာအမ်နွို့နု့ မောင်ခွီအာနွို့နား မန်နေဂျာအာ့်ကွက်နွို့ ခန့်အပ်ပို့နွို့နဲ့။ မန်နေဂျာနွို့နောင်း ပစ္စည်းဥစ္စာကထေးနွို့ ထုံးဖျောက်ဟောက်နွို့ခေါင်း လို့အ့်ခြားပို့တိုင်ဟောက်နွို့နား ကထေးနောင်း အွမ်ကု့ဟောက်နွို့နဲ့။

Luke 16:19

နွို့ခေါင်း ကိုယ်တော်ယေရှုနား “ကစာနွို့ ဗါ့တွို့ခရိုန်းစားကလို့ထာ ခရိုန်းခရမ်းရောင်နွို့န ဘာ့ညံညောမဲ့ခရိုန်းနွို့ ဗါ့တွို့ထာ စစ်ရှိစစ်ရှိ ယောက်ပွီးအ့်စွေအ့်ငွမ်းနွို့ ဘာ့ယိုမဲ့ သူဌေးအ့်ကွက်ဟိုဟောက်နွို့နဲ့။