Luke 10:30 - Dannau

³⁰ ချန်နွို့နု့ ကိုယ်တော်ယေရှုနား ပုံဥပမာအမာ့နဘာ့ဟောဖြိုနွို့နား “ကရှိ လို့မျိုးဂျူးအာ့်ကွက်နွို့နား စမြိုဂျေရုဆလင်မှ မြိုဂျေရိခေါနွို့ ကုမဲ့ခရီးနွိုနဲ့။ တာ့ကညွမ်းခရီးနွို့ တောင်မြဘို့ဘက်နောင် ရင်ဟောက်နွို့နဲ့။ တောင်မြဇာ့နွို့နောင်း လို့နွို့နား ဒုကြဘို့တောင်မြခေါင်း တာ့အမ်နွို့ဇာ့ဘာ့ဟိုနွို့န ခရိုန်အမ်ဘို့ဘက်စယ်မှ လလွှတ်တွို့ထာ အွေကု့ကြဘို့နွို့နဲ့။ တောင်မြနွို့နောင်း အမ်နွို့ မောင်းဗီးနာ့ပေါ်ယော့ကြဘို့ လေးပွန်ကု့အငါတွိုန်းနွို့နဲ့။

Luke 10:30 ပူးပေါင်းရင်းမြစ်များ

Luke 10:31

နွို့ခေါင်း ဂျူးပုရောဟိတ်အာ့်ကွက်နား တာ့ကညွမ်းနွို့အတွိုန်းဆောင့်ပို့ပိုနွို့ အ့်ကစုနတာ့လန်မဲ့ ရင်မနနွို့လဲဉ်း ကညွမ်းအ့်တာခြားနွို့ ရှောင်လေးကု့ဟောက်ကိုးနဲ့။

Luke 18:31

နွို့ခေါင်း ကိုယ်တော်ယေရှုနောင်း သာဝကမာကျင်အဲဉ်ကွက်နွို့ ဟက်ပွို့တွို့ကစားအမ်ထာ “ကမ်းကြပွို့ ဂရုတစိုက်။ အခွပ်အို့နောင်း မြိုဂျေရုဆလင်နွို့ ကုတွို့ကြဘို့နွို့နဲ့။ ခံမ့်အို့ကွန်ဖြားနွို့န ဘာ့သက်ဆိုင်မဲ့ ကစာ့နွို့ ပရောဖက်ဘို့ဘက် ဘာတဲင်းပွို့မဲ့ ဇာ့ဘာ့ဟိုနွို့နောင်း ဖြစ်ပျက်ပိုလောက်ဟောက်အမှန်နွို့နဲ့။

Luke 19:28

အကြောင်းအရာဘို့ဘက်နွို့ ဆောင်ဟောဖြိုယောနွို့ ကိုယ်တော်နောင်း ငွမ်းတပည့်တော်ဘို့ဘက်နွို့ကြွကု့တွို့ထာ မြိုဂျေရုဆလင်နွို့ ဆက်ကု့ကူးခရီးနွို့နဲ့။