Yúúa 1:20 - Fayam Midhab Yiesu Kiristoká He Hol Af Iđiny Kaanaká

²⁰ Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.

Yúúa 1:20 ပူးပေါင်းရင်းမြစ်များ

He Ekeny Gál Alb Fimiká 15:9

Waag íín hé muun ubaa kidh gáál hol eiy ma gaa nanniny. Hát giri muun gáál saas gaa eeyyeká in kidh úba saas gaa eeyye, ˈdaa giri kidh Kirísto iiy yieká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

He Ekeny Gál Alb Fimiká 6:7

Aalé ˈdeeny Waaˈgiet ˈjien Yerusalem bash ki yie, gál burnayká ˈdéé iiy yie, gaal lali Yiesu yie. Gál burnay-, suoryoká úba fayam Yiesúúl iiy yie, fayám el gaa veere.

He Ekeny Gál Alb Fimiká 9:31

Aalé af kinaal gál Kiristo lés Yuuˈdia ubaa lés Galilaaya tá lés Samaria gaa ijeká lulle hím a níínni mare nie. Gaal Hím Naasan Waaˈgiet hí fargogonoyche, mú ˈdúˈjímle gaa yíéđie, Máá Guđoká a maale, met gaa keekeme, úba heere.

Róóma 15:2

Múún lulkúnno nyaaram kúnnaa iiy yeenle đalidhééllá kí guogofsuo, giri gáál iiy yeenle higirayyoká.

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Korínto Erká 10:23

Muun hé ke mé furit ke he lulle ki ekemeyoká ˈguo, kor he lúl hé gáál ma ki midhanany. Muun hé ke mé furit ke he lulle ki ekemeyoká ˈguo, kor he lulle hé gál Kiristo ma higirasiny.

Korínto Erká 14:15

Aaléka, háte yú ˈdeeme? Sídhchú hí Waag viivisat, tá kaschú úba hí Waag viivisat. Héétí sídhchú hí arram ˈdaaraan, tá yú arram kaschú hí eiy nannasatoká úba ha ˈdarama.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Eféso 4:12

Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Eféso 4:16

Hát káána gon kuuˈdamle hol af gaa ˈgíéllá, Kirísto gálle úba hát kinaallá he hoy. Gál gón Kiristo hol gielmít ká ˈguo-, hujichaamlé Kirísto hí met ki kuokoyká nannuoka, in gón Kiristo higirayya, fargoogoyyo.

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Eféso 6:18

Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Kolosááya 2:7

Mú hidh ki aría, mú gáá ˈdée, hát gaalí oonisieká hí iiy yeenkícho hirasicho, gielmit hí Waag hol ˈdú nanniyyaká hí guđanat.

Dhesaloníke Erká 5:11

Aaléka, hát káána hí gaa iđa-, hí ekemeychóóllá, hol guogofsía, hol yiir gaa chiichiˈdíe.

Tímote Erká 1:4

héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote ki Naamaká 1:5

Héétí iiy yeen kua ˈdúwa-, đunu kua Lóis ubaa ˈjie kua Yúnike hí ˈgie-, tá káána yú óg-, kuuní úba ˈgayyóóllá yáá mé ká ˈguo.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Yákob 2:22

Mú iiy yeenle ubaa hé muí ekeyká hát hol hujich ˈgar nie-, mú iiy yeenle hé muí ekeyká hí ˈduwayká, kó argiyyê?

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 5:4

Ameeny máá ˈdalmaat Waag yé gáá ˈdiiyyeká ˈdalidheká hé lesalloká he ká aađadhdha. Hé lesalloká hé ke kí aađaatká he iiy yeen kúnnaa ke Yiesu Kirísto ka ˈgúóllá.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.

Kí Edhesiny 13:10

Máádhat har máá gaalí ugunanká kátaka, ha gaalí ugunma. Máádhat har máá gaalí faaˈd órofká ki yegeská kátaka, faaˈd órofká ha gaalí ki yeese. Yaalmitééllá ˈdugaka gál Waaˈgiet hí mé ki chiichirsat, hí iiy yeenlé Yíésu iiy yieká tág chirat.