Yúúa 1:17 - Fayam Midhab Yiesu Kiristoká He Hol Af Iđiny Kaanaká

¹⁷ Tá it sheel chia yú gielallo, Máá kúnnaa Guđo-, Yiesu Kirísto gállé alb fimiká ˈdeem Waag hí ká shigiche-, he ˈdiiyimeká táb ˈduoˈdodhdhíe.

Yúúa 1:17 ပူးပေါင်းရင်းမြစ်များ

He Ekeny Gál Alb Fimiká 20:35

Yáá hí yaalmit ke hujich hát ˈdabaanká ki nannuo-, ke gál he hí ki ˈgierˈgereká ke ˈdú ˈjeˈjeenká hí ká argisie. ˈDeeny Máá Guđo Yíésu hí hodheká mé ka ˈgáa, giri máálle kieye, Hé ke máádhat shieká geer gaa meentlé ke aargiroká geer gaa meent hélle ke máádhat gaa argeká a mé ˈdaatíká, muí yieká, Báulo hí gáál yie.

Eféso 2:20

ˈBíl geer Waaˈgietallá gál Waag hí ˈdéé ká shigicheká ubaa gál alb fimiká Waag hí ˈdug gaa ˈdite, Yiesu Kirísto íín he ˈbíl áár.

Eféso 4:11

Kirísto ííni gáál hujichaam met eiy ki kuokoy. Mu gáál ˈbáál gál alb fimi hoy, gáál ˈbáál gál Waag hí ˈdéé ka shigichoká hoy, gáál ˈbáál gál gálaat Fayam Midhabká ki ˈdiyeenká hoy, tá gáál ˈbáál gál gál Kirísto iiy yieká ˈdeˈdeen-, he oonisuoká hoy.

Héberew 2:3

Tá fayam ˈdúwa-, gáál rubach shigichóóllá hé hemuumurit kinaal súm ˈdú ˈdúwa. Máá kúnnaa Guđoká hé dhúrle gálaat fayamééllá ki ˈdiiyime, tá gál fayamééllá maaleká hé fayám hát ˈdúwaká muun gáál ká geey. Aaléka, muun har ke fayamééllá gíl sug ki hayka, af kinaalka háteeye ke he il ká argisiny met kar gaa ˈdarama?

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.

Yuána Erká 4:6

Múún ke um Waaˈgiet, máá Waag ógká af nee gáál kokoo. Tá máá veel Waaˈgiet muuninyká hé gáál af nee ma kokony. Hatallá in máádhat ˈdeenylé he hogodhoká har Hím Naasan Waaˈgiet ˈdúwáállá yé gáá ˈdiiyyeka, héétí har mú ˈdeenyle máá kídhích Waaˈgiet hódho lééllá yé gáá ˈdieka, in ke hol eiy gaa nannata.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.