Yúúa 1:16 - Fayam Midhab Yiesu Kiristoká He Hol Af Iđiny Kaanaká

¹⁶ Gálallá he gál yiirsam fafaat-, ˈdeđint gálaat ka aargiroká. Gaal úba he gál baltle el gaa igiro-, hol memeyo, gálaat in boodhom bubuo-, gálaat he gaa aargiroká.

Yúúa 1:16 ပူးပေါင်းရင်းမြစ်များ

Lúka 15:2

Aalé gál Farisaayká ubaa gál nyatalaamká yiirsam fadhdhe, kieye, Máállá gál ađaabano ˈguoká hol ˈdoy, hol ˈgar golmoto, yie.

Lúka 19:7

Gálaat lulle héél argeká yiirsam fadhdhe, kieye, Mu hé máá ađááb ˈguoká ˈbílle sedhe, mú máállé dheeˈgo yie, gaalí yie.

Lúka 5:30

Gál Farisaayká ubaa gál nyatalaamká ˈdéé him ki huogodhe, lali Yiesu ki lole, kieye, Háteka itín hí gál gibíre gugusatká ubaa gál ađaabano ˈguoká hí hol ˈgar golmosoto-, ubaa hí he hol ˈgar igianáal? gaalí yie.

Yuána 6:41

Aalé ˈdaa giri Yíésu kieye, Yú he balasha úr gáá chimieká, yieká, gál guguđo-, Yuuˈdiká đo yiirsam fadhdhe.

Yuána 6:61

Aalé Yíésu hát lalille hí he onisinyléél yiirsam gaa fafaatóól ógká, đo gáál geey, kieye, Hééllo hí birgisie?

Korínto Erká 10:10

Muun hát gaal íín ˈbaal hí ˈdie-, gálle yiirsam fafadhdhe-, hát máá ˈgasso-, urru-, Waaˈgiet-, sidham ˈgiˈgidhuoká hí beeteká ha ke yéen.

Galátia 5:16

Aaléka, yú hí geeye, Hím Naasan Waaˈgiet ki seesemíe, hát kinaallá in hí balt goniet gaa nyakaridheká gaa faaganata.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.

Filíbi 2:14

Hujich lullé hí nanniyyoká haí yiirsam gaa fafáan, héétí haí hol ki fafálminy.

Dhesaloníke Erká 4:5

Héétí balt ˈdeew-, gál Waag muogallá hí gaa seseenallá úba hí ma gaa seseminyká.

Tímote Erká 6:5

Gál hatallóóllá he gál gálaat shalalaam fafuo-, kás hí ˈdeenete-, hé ˈdúwaká gíl sug ki hayká. Gálallá tawunyleka, kerka hol gál Waaˈgiet hoyka, hai kaamuraa, he yegedhe.

Tímote ki Naamaká 4:3

Bár gál burnayká he onisiny ˈdúwáállá nee ma kokonyká ali hai kí ˈdeenne. Gaal he feditle ˈdaalleka, gál gálaat he oonisuo-, ˈdeenyle hí nee gaa méká hollo hol gaa ˈgeˈgedhe, gáál af nee hai kokoo.

Bétiro Erká 1:14

Aaléka, ˈdaa giri hí um Waag af ˈduwasuoká chieká, balt af giri hí Waag moonnoyyeká hí ˈgayyeká haí geđi hol ˈdú náan.

Bétiro Erká 2:11

Sheel chia yú gielallo, gillo yú hí ki efe, ˈdaa giri itín hí lésal ma lileny-, égetkícho úratíká, balt gaa nyakaridhe-, sidhamkícho baađisichoká hol ka ridhdhíe.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.

Bétiro ki Naamaká 2:10

He il ka argisinyééllá súm ˈdaa gál balt gónlé-, kern mantiká el gaa igiro-, gál hí met ki ˈgieká egesheyoká he ki taalla. Gál hođomlééllá hé Waag ubaa gálaat kianka mán, gaal gálaato egesheye. Gaal hé úba aryaan farguogoká eeshenylé he egesheyoká hí ma biirgisiny.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Bétiro ki Naamaká 3:3

Er hééllá onnóo: Biiy bár el met ˈdáˈdle ka ˈjoobonotoká gál af ka fichilít ˈguo-, baltlé gaa nyakaridheká el gaa igiroká les yiem hai gáá ˈdeeme.

Yúúa 1:15

Mu ka yiimetallá he giri mu gálaat lulle ˈdéé ki iđimuo-, gál Waag kian ka mánká lulle héllé ˈdeđew-, eekemeyká ˈdú ˈdeđenset-, gáál he il ká aargisuoká. Héétí mu gál Waag kian ka mán-, ađaabano ˈguo-, ˈdeem lullé kullaʼ-, Waag ki huogodheká úba ˈdeđenset-, gáál he il ká aargisuoká, he yie.

Yúúa 1:18

Itín hé gaalí geeyká, gaal kieye, Bár biiy el ˈdáˈdle ali kí ˈdeˈdeenká gál af ka fichilít ˈguo-, Waag kian ka mán-, baltle el gaa igiroká biiy yiem hai gáá ˈdeeme, gaalí hí yie.